Wp/vmw/Epooma ya Ovilankuulu

Epooma ya Ovilankuulu

Ovilankuulu wala Vilanculos (ikwaha ikina tho Vilankulos eni ossuwelaxiwa ntoko oVilankulo) epooma emosa ya oMosambiki, eseede ya edistriitu ya nsina nenlo, mpuwa mwa eproviinsiya ya oInhambane ni emphwanyaneya mukherekhereni wa epaiya ya Ovilankuulu mpantta wa omphutuwa nsuwa omphwanyaneya mwa Arquipélago o Bazaruto.

Muttetthe ola opakinwe mwa epaphelo ya anamuhooleli 1 060 a 23 a Julyu a 1913, noomala tho khitthuliwa mwa mpantta wa eviila seedi ya concelho veri wa epaphelo yaamuhooleli 17 773 a 18 a Abril a 1964. Ni owelihiwa mwa mpantta wa epooma mahiku  25 a Fevereiro a 2020.

Munisiipiyu a Ovilankuulu opattuxinwe mwaakha wa 1998, orumeelaka okhuma vavo mwa muhoolelo oothanliwa a mpuwa memmo. Ceensu a 2007 onhimya wiira emunisiipiyu ela yookhalana maloko oophiyeryaka 38 432 ni mathala oophiyeryaka ikiloomu 78,8 sowiikimanyiwa.

Muhoolelo a oConselho Municipal Ovilankuulu oniitthaneliwa William Simão Tunzine, aathanlinwe mwa mwaathanle a ipooma sa ikuru a 2018, nave tho amuranttenle Abílio Machado atonko ohoolela eviila ya emunisiipiyu nenna va okhuma 2013. Sulemane Amugy ari edil ooVilankulo mpuwa wa miyaakha 15, aathanlinwe ekwaha yoopatxerya mwaakha wa 1998, ni onathanliwatho mwa mwaathanle a 2003 ni 2008. Vannirerela ohimya wiira amuhooleli 3 ala yaamutthara FRELIMO.