Wp/vmw/Epooma ya Omassinga

Epooma ya Omassinga

Omassinga eviila emosa ya mpantta wa vathi mpuwa wa Mosambiki (eproviinsiya ya oInhambane), ni emphwanyaneya mwa ikiloomu soophiyeraka 70 mwa mpantta wa osulu wa epooma ya oMaxixe, epooma yuulupale veeri wa osuka puwa wa eproviinsiya ela. Nave tho nikhuru na edistriitu ni nsina nimosaru. Muttetthe ola awilihinwe mwa mpantta wa eviila mahiku 21 a Abril a 1974.

Mahiku 2 a Abril a 2008, muhoolelo wa oMosambiki aahilaleerya opatuxiwa wa emunisiipiyu ya Massinga, mwa mittharihelo sa ovonyavonyiwa mikettelo sooheliwa ikuru mpoomani mpuwa wa oMosambiki iviila 10 isya mwa khula eproviinsiya. Mwa muttharihelo sa mwaathanle a ipooma as ikuru a mwaakha wa 2008, Clemente Boca aathanlinwe ni nikhuru na FRELIMO ahiheliwa ntoko muhooleli oopatxerya ooConselho Municipal mpuwa wa oMassinga mahiku 29 a mweeri wa Janeiro a mwaakha wa 2009.

Miyeettelo

OMassinga nno onlupaanyeryana ni mipantta mikina as elapo ya oMosambiki vaalupalexa veeri va ephiro ya mikukutta, nave tho ephiro ya mikukutta yootepaxa wunnuwa ephiro N1 enlupanyerya oMorrumbene mwa mpantta wa vathi, ni Nhachengue ni Mavanza mwa mpantta wa osulu. Mulupaanyeryo mukina tho ootepaxa wunnuwa onkhumelela veeri va ephiro R444 mpakha mittetthe sa Sitila ni Funhalouro mwa mpantta omphutuwa nsuwa.

Mpuwa wa epooma ya Massinga yookhala emosa ya ixikhola sa Universidade Save (UniSave), mmosa wa mapuro a miteko sa muhooleli wa exikhola yuulupale mpuwa wa oMosambiki.