Wp/vmw/Epooma ya ONamaacha
Epooma ya ONamaacha[edit | edit source]
Namaacha eviila emosa ya mpantta wa vathi wa elapo ya oMosambiki (eproviinsia ya oMaputo), ikiloomu 76 mwa oomphutuwa nsuwa mwa epooma yuulupale, oMaputo. Eseedi ya edistriitu ya nsina nenlo. Nsina enlo na Namaacha ninrwa mwa Lomachacha, mukhulupale akhalayi a niporo nenlo. Muttetthe ola awelihinwe mwa mpantta wa eviila mwa 20 a mweeri a Abril a 1964. Mwa 2 a Abril a 2008, muhooleli a oMosambiki aahilaleera opattuxiwa wa emunisiipiyu ya Namaacha, mwa mpantta wa opwexeriwa wa mikettelo sa wuunnuwihiwa wa ipooma mpuwa wa oMosambiki mwa iviila 10, mwa khula eproviinsiya. Mwa miyeettelo sa mwaathanle sa ipooma iya sa ikuru wa 2008, Jorge Tinga aathanlinwe ni Frelimo ahiheeliwa ntoko muhooleli oopatxera a oConselho Municipal a oNamaacha, mwa 29 a mweeri wa Janeiro a 2009.[1]
Eviila emphwanyaneya mwa mwelelo a miyaako a Montes Libombos, hoothe mwa mikano sa Waafrika wa Vathi ni wa Essuatíni, ekhalanaka epoostu ya mukano ni ephiro ya mukukutta ni elapo ela yookosera.[2]