Wp/vmw/Ephattu

Axinnaka amakhuwa Ephattu etthu yòtepaxa ottapitta ni olemeliheya. Khùvo onlemeliheya ohisuwelaka ephattu awe. Onikhumawe n’onikelawe. Sìso, vannirérela wira nìxuttihane elepelo, elavulelo ni esomelo emakhuwa. Mukwaha ola wòpatxerya ninkela oxuttihana milepo (alfabeto) xèni sorumélaka mwemakhuwani. Kòsuwela wira kharere atthu amphavela wìtuwanyerya nttàva ni ephattu y’amakhuwa. Masi awo t’ale atthummwe n’esisapo yowakuveya olyiwa owèxe. Mutthu orina erimarima ni ekhitte y’emakhuwa khonwokeya, nave khontumiha ottópore (orumattha) awe khuyattharelela ithiru oliyalaka ekhitte enóvaha opewe ni onèthi. Nttàva n’emakhuwa Asomi a nìnano ntoko Sitoe & Ngunga (2000), Victorino (1995) ni Afido (1997a), annitthoma okhala mithinto 8 sa Emakhuwa: Emakhuwa yèriyari yeyo enlavuliwa vapoma ua Wàmphula, oRapali, oMukhupure, oMuhikati, Wàmukotta, oMurupula, oMukhovola, epantte yoRipawe ni oLalawa. Masi-tho ákhala asomi anihimyawira Emakhuwa y’eriyari ennilavuliwa oMeknyela ni oNipèpe (oNiassa).