Jump to content

Wp/vmw/ETHALE

From Wikimedia Incubator
< Wp‎ | vmw
Wp > vmw > ETHALE

Xampatteke!

Ekhalayikhayi, aari mwene aarina anamwane ayili, mmosa mwaamuthiyana ni mmosa mwaamulopwana. Okathi mwana awe mwaamulopwana oyinunwaawe, waamusivela oxaya. Amwara amwene ari amya awe yeetta yooxanka okhala wiira yoova maxakha. Ole ahithipelela waavekela a mya awe ya hatthuna, yaahimweemererya emuhimeerya wiira ohikhalakhale ovalaana ni axirikha awe aattaananaawe. Ni siiso ahirowa wiirela mpanttha niira nuulupale nooxaya. Ahimoona hukula ni mmiravo ole aahahiya axirikha awe, khuvinyerya amwiikara wiira onvara oonaka. Okathi hukula aatthawa awe ahivolowa oxepana. Mmiravo ole murima awe onvavaka, aantthimaka vanceene. Ahivolowa muxepani ni ohiwerya okhumamo mme. Omala okhalaka memmo.

Mookolo
Naphulu

Referencia[1][edit | edit source]

  1. MUHATE, Simão at all. Língua Portuguesa - 7 classe. Longman Moçambique



Yaari ti amookolo ni anaphulu vaneettihaniwa. Nto okhala wiira mookolo ole ti wooripelela saaneene ni ti wooreera, erutthu aya khinnanare, ni tho naphulu erutthu awe ti yeele yoonanara ni yoottweelela, nihiku nimosa, naphulu aahimukoha mwapara awe mookolo wiira: ampewe, moota ola muniripelenlyanyu munootta ni? Miyo erutthu aka ela khenkisivela kaawehaka. Mookolo waakhula iirale: khwaa! Vo munphavela okhala ntoko siryaaka? Okhweyavo: miyo, mpwana, kaakunxe nivali kihela vayikho, kihenlyaaka vayikho kaahilipelela oluttuwa nto kinahela makhura… mookolo ohimalinhe ohimya moota iirale awe, naphulu aahaakuvela iiraka: khu!! Koosuwela, pooti omaalela vaavo! Nihiku nenle ovalaanakaru ni mwaapara awe, naphulu aahirowa wavya ikhuni, khupattiha mooro, aahipweha nivali nawe vayikho, aahiithela makhura miphimo miili. Nto, naphulu aaniwehererya okaphula, ophavelasaka miruku s’ookela ni okhuma munivalini oripelenleene. Makhura ale yaahikaphula, nto naphulu ole aahiivonyerya munivalini mme pahii “chivee”. Ovolowakaru munivalini, owo aahipacera opuphuruwa erutthu yootheene.Ninaanoru, aahituphela vathii, erutthu awe ele yotheene esaren’yeene ithuku. Naphulu aahiweha erutthu awe ahimyaka: eekhu, vale kaattwelenlyaaka kirimwiira ovikanavo, va nto kootepa onanara, ampwaka aka ale yenre sayi okileela? Arookiwoka pahi ni mi kaaphela okala mwa yaale! Awo kaaphwanya kinimwaakoha pahi. Naphulu aahikhuma orowaka wa amookolo, ophiyakaru aahaakoha: – Mpwana, vale mwaakiwokaanyu mookiweha? – Humm, mpwana nyuwo mukhwin’ye murima anyu, mi nihiku nle kihimalinhe wooleelani nyu mwaahaakhulela. Nto mi kaanyiherya wiira mwanisuwela, kaarowa wira exeeni tho? Ni nyu okhuma olelo vava khamunetta tho ni miyo, khamureere okihiirya – Ohimyaka mookolo. Naphulu aahisareya isara ahimaka: okuma olelo vava kakumaana ni amookolo kinrowa waakwasaka kaahiyeke ookawanyeyeene. Ti vo, okhuma nihiku nenle omwaapara wa anaphulu ni amookolo waahimala.

Referencias[edit | edit source]

Ginésio Eusébio