Wp/vmw/Axinamwane a Ikoore soteene

==Anamwane a ikoore soteene==

[1]

Aximiravo  a ikoore soteene

Aari ekhaha emosa Mmiravo otteela,ihaniwa Miguel, aakhala mittetthe  amiravo otteela no aniira:

Ti vooreera akhala otteela,

Maana esuukhiri ti yootteela ,yonaya vanceene,

Maana eleeti ti yootteela,toosivexa,

Maana meekhulo totteela, otepexa oreera.

Mwanihiku nno Mmiravo ole ahikhuma no Oheetta ekwaha yolupale no khiphiya mittetthe mmosa wiiwo anamwane oteene ta ncano.Ahimuhaaya muxirikhawe mutthiyana, itthaniwa Flor de Lótus, mwa nntoko anamwane ancano,yaniira:

Ti voreera akhala ancano

Mwaana  na ncano nsuwa,

No ancano xirasoole

Masi ettaya ya ncano ya ophareya.

Mmiravo otteela ahiwela nikula aí otthikele mukhaha awe no khemela etthay weiiwo amiravo oteene toripa. Khipaka ompatthani a namaxaya mwankhaane,aitthaniwa Lumumba ,no anamwane aluna oripa yaniira:

Ti vooreera okhala nooripe

ntoko ohiyu

Oripa ntoko aseitoona

Oripa ntoko irampha sinikuxa orooka wa khuta mpantta.

Mmiravo nootteele ovolowa mmutteekeni,nno neemenle mittetthe mmosa weiiwo anamwane oteene tooxeryasa.Omutthanla,eu otholaneke no ahiitiyu, Mmiravo asimiwa ni nsina na Pena de Águia, no Mmiravo oxerya aniira:

Ti vooreera akhala oxeerya

a ekoore sa vayikho,

A ikoore sa eseraca,

Ni ekoore ya ephome  yophilivila.