Wp/vmw/Atthu a khalayi

From Wikimedia Incubator
< Wp‎ | vmw
Wp > vmw > Atthu a khalayi

Atthu a khalayi[edit | edit source]

Yaari atthu akhalayi yaavariwa enaroohiwa waareekule. Epiihiwakaru aarumiwa oteka empa. Okathi woovatha, aarummwa atthu akina orowa oruweya mikhoyi omuro. Nto mphironi nookhuma nimwemwele muniphewuni ninvira owiitho wa mmosa a yaale nto eemwiira: khwaa, nimpheela okittoola nenla!? Nle nttikela ovolowa muniphewuni mme. Nuuvenya, nniipa: -phuumm nivolowa, phuum niinaka phuum

-Wenno nno nno phuum, nivolowa.

-Wenno nno nno, murima aka ene, phuum nivolowa.

Nto mulopwana ole aaronwe oruweya mikhoyi anayikoha wiira exeeni eyo? Nimwemwele nle nttikelatho wiipa:

-phuumm nivolowa, phuum niinaka

-Wenno nno nno phuum, nivolowa

-phuumm nivolowa, phuum niinaka

-Wenno nno nno, murima aka ene, phuum nivolowa.

Mphaka enaruma emeetiya namikhoyi ole ahironwe owaani iinaka etthu yeele yiipa. Nto atthu akina owaani enayikoha wiira mulopwana ole oronwe oruweya mikhoyi aniihaano ahiphinye, xeeni? Haya atthu erowe yanwehe omuro iwe. Atthu ale ephiyakaru animphwanya namikhoyi ole ahihaali wiina. Emphwanyakaru enamukoha wiira mooruweya mikhoyi? Ole eemwiira iwo nteemele ewiriyaneke. Nimwemwele noonyesererya wiipa:

-phuumm nivolowa, phuum niinaka

-Wenno nno nno phuum, nivolowa

-phuumm nivolowa, phuum niinaka

-Wenno nno nno, murima aka ene, phuum nivolowa.

Ale yaarummwale onweha namikhoyi ole yiiwakaru ahaattakela eniinatho. Erummwatho atthu akina wiira yawoone alesa ahinoorwa. Aphiyakaru, owiriyana nsipo nle asuwelakaru wiira naari nimwemwele niipa, okunxe ekatana ephwata nikula naya nnle naaryaayamu. Nlo nuuvenya nnrookhuma neemwiira: -Bom dia, Boa tarde, senhor. Nivinyakaru nnarowa.

Ethoonyeryo[edit | edit source]

Ehantisi ela enihimya wiira epontiya, epowa taarati eruuhale nimwemwele. Maana, nimwemwele orukuneya