Wp/vmw/Anamwane eeli ni kharamu

Muttetthe wo analume yaakhala anamwane eeli yahareera oloha orowa ohoolo, ni yaaniira minyakunyaku suulupale. Yaakhala asa muttetthe wooreera woopipila ni miri ni maasi phurephure. Nihiku nimosa, awosa yaahuupuwela orwa oxaya otakhwani, ntakhwa nimosa noowoopiha, waanicamphuliwa vanceene ni ananmuttettheni wiira, ntakhwa nle aahikhala karamu amiiriira. Anamuttettheni yiira, mutakhwani mmwe kula mutthu aarowa aanirimeela ni khaatthika tho. Aarowa khaawehiwa tho mmuttettheni.

Masi anamwane ale yaaphavela orowa otakhwani iwe. Nihiku nimosa alesa yaahittheen aka ni yaahirehera, ni yiira sa: nrowe nalavule ni axipaapiihu.

Nipuro namiiriira. Nihiku nimosa anamwane ale, yaahupuwela osyakha milavulo sootheene sa ana mmuttettheni, wuupuwela wa amiravo ale, atthu ootheene yaakhalela nrima.

Niphin´yeene nihiku, anamwane ale yaahikhuma erowaaka otuphini iwe, ni khiyaahin´ye hata ephiro yoowaasiwa. Ephiyakaru mutuphini yaahira sa, khiri-khiri, nipuro xeeni nla nooreera ni miri sa aya hata malaxi aya enimwaara. Ntuphi nooreera axa. Anamaxaya ale ephiyakaru, khupacerya osoma ntuphi nle, okhala wiira anamwane ale khiyaareere okhalaana miruku, tivo alesa yaasoma aya kula mphimo wa ntuphi nle noowoopiha. Khupacerya osoma mpararini ehinatthi okela variyari wa ntuphi nle namiiriira.

Malaxi ootheene a mutuphini mmwe yaari oopipila,miri sami valaanyo suulupale, ni sookhutupuwa ntoko erutthu ya muthiyana, axipalame yiipaaka ntoko mipeliwo sa murutthu ookhwa, akhole etara aka miri ntoko ihopa sinimwiina naarukureere muhina wa maasi. Sivinreene inamuna sunceene ni nsuwa nuulupale noopa ak, alesa yaahiweha muro mmosa wooreera ni wa maasi oopipila ntoko makhura, nuuweha maasi ale yaahuupuwela wiitthuuwa vakhaani okhala wiira alesa khiyaarino mutthimaka aso. Yiitthuwaaka siisaale, alesa yaahiweha wi, muro ole saahilhala muhina wa aya ihopa sa mikhuru ni malepo anceene ntoko malepoa maleya, ni maasi aya yaari ooreera owura, masi okhala wiira alesa ekhuma aka yaahikuxa maasi aya, yaawenrya aya waari oweha ni waamini oreera wa maasi ale. Yiitthuwalye ene okatthi munceene, alesa yaahupuwela ottimula erowa aka ohoolo wa muhina wa ntuphi nle. Yeentteene ekwaha yuulupale, ni ewehaleene itthu suunceene nipuro nle nooreera axa hata munyaku nyaku ehiwenhe, yaahikohana:

• anamuttettheni ootheene owaani wu nnikhuma ahu, eniraaka wiira ntuphi nla na miiriira ni kula mutthu anirwa khanitthikela owaani, masi hiyaano mpaka okathi ola noheetta mapuro anceene masi mpakha va khaniwehale etthu yootikhiniha!

Niinleelo yeetta aka, yaahiphwanya mwiri wa mulapa muulupale wa milapa sooreera saaneene ni suulupale! Okhala wiira amiravo ale khiyaareera osiveliwa ni mulapa, yaahupuwela:

• nrowe nimukuxe mulapa ola oophiyera aka mithanu ni piili, alesa yaamukuxa khumuhela mmurupani mwa aya.

Yaahiphiya nipuro nimosa yaamoonalya aya kharamu mmosa mwamucikhaani ni