Wp/vmw/Anamanyukwa
Anamanyukwa
[edit | edit source]Mulopwana mmosa aarina anamuteko awe oophiyeryaka muloko ni athanu. Aahimala miyeeri miili ohaalinve. Pataraewu ole aahiira wiira okhummwe oroyiwe omatta akokholiwe nakhuwo khuta mutthu esaakho emosa amwireye amuruuhe. Anamuteko ale, okathi okhumyaaya erowaka omatta, ephiyakaru akinaku yaakuxa malaxi ni makukhu ehela vathi eriyari emukuxa nakhuwo emukokholelavo, akina tho yaakuxa makukhu mpakha eriyari nto osuluwaya enamuhela nakhuwo okokholiwa, akinaku yaamukokhola nakhuwo munnceene omphiyerya esaakho wiira patarawu akupali wiira oophiyerya esaakho. Nuuvenya owosa amuteexasa para owaani. Empixakaru owaani, patarawu aya ohaaleelasa wiira va miyo nkaanono musurukhu, khula mutthu amulyeke nakhuwo awe omwiirenn’yaawe. Atthu kinimwaaliva esumana eyo enirwa. Ni omatta iwe aahiikhalawo kwaarata ni khiyaarivo manera otthikela omatta para omusariha nakhuwo musaakhoni mwaha woowi makwarata yaaniiwanana ni patarawu aya kiyakhanle omuhiya namuteko omurowela nakhuwo ahirummwe ni apatarawu.
Ethoonyeryo
[edit | edit source]Ehantisi ela enihimya wiira hiyo ninnileeliwa wirra nitthareke masu a muluku. Maxi hiyo nnava soonanara, nto ohoolo wa aya hiyo ninrowa wiihaaxa mmansihu.