Wp/vmw/Amakhuwa
Amakhuwa[edit | edit source]
Amakhuwa nikhuru naatthu ankhala muttetthe o sul wa omasampiki, muttetthe ophiyeryaka ikilometuru 30.000, no aniirela mipantte ipuruvinsiya ya Okaputelekatu, Wamphula, oniyasa no muttetthe khamosa khamosa Sá Osampeziya[1]. Muttetthe Olá onisuwela mweephatthuni mwa nsina na "Makhuwa" ni Mikano saya ntoko osulu ni muro Rovuma, oleste ni Ephareya Intiku, Otto ni muroLikunku owatthamelana ni muro Sampese, oweste no muro Luxenta, Martinez (1938:38) oromoliye mwartikuni[2]. Amakhuwa aniirela mphanttha wa 35.6% wa atthu oteene omasampiki, siiso ti nikhuru naatthu owaattexa na elapo ela.Amakhuwa aniira nkano, osulu namakhontte, ayau no anyanca, otthi naaxuwapo ni aseena.Tho anipwanyaneya amakhuwa arookhalaru vakhaani Otansaniya ni Omalawi,mulatthu wa yeetthakasa ya apinaatamo iraneeye esekulu ya XIX. Siisale tho ninipwanyaneya nikhuru namakhuwa Omatakaskare, Ikisiiro Sá Oseyxeele no Omauriciya, mulatthu wa nakoso wa ipottha wa isekulu XVIII-XIX[3]. Maphattuwelo a Makhuwa. Akhala manamuna manceene antaphuleliwa awa iphatthuwelo, ntaphulelo naya no olempwa nsu " Makhuwa" ntoko maalumo owiriwaka oruwana, oveeiha nnakhala okhatooro,etalwani ohosivilisari[4].