Wp/vmf/Wandaaln

From Wikimedia Incubator
< Wp‎ | vmfWp > vmf > Wandaaln
Jump to navigation Jump to search


Der Adigl is in Nämbercherisch gschriim.


Di Wandaaln wôrn a gärmanischär Schdamm, wo in där Völgerwanderungsdsaid ins Römische Reich eibrochng is und bis nach Afrigga kumma is. Mär underscheided massdns zwa Grubbm, di Hasdingischn und die Silingingischn Wandaaln. Nu haid sachd mär wenn anner was hiemachd, er is a Wandaale, ôbbä in Wärglichghaid wôrns aa ned schlimmer als wej andre Völger aus derär Dsaid.

Gschichd[edit]

Es afriganische Wandaalnraich im fümbfdn Jôôrhundärd

Urschbrüngli hômms im Gebiid fo där Odär und där Waigsl gleebd. Zumindesd sinn vo doddn di Vandilier überlieferd, fo dennä ma dengd es wôrn Wandaaln. Im 2. Jôôrhundärd nach Grisdus sinns langsam nach Süden gwandärd und ins Gebied fo där Daiss kumma. Där Jordanes hôd gschriim, dass di Wandaaln dann im 4. Jôôhundärd an där Daiss fo di Goodn oogriffm wôrn sinn.

Um 375 n. CHr. sinn di Hunnâ fo Osdn oogrännd kumma und hômm di Goodn und fill andre Völger im Noddn vom Römischn Reich underjochd. Wall di Hunnâ am End vom 4. Jôôrhundärd immär meer Drugg af di frain Föllgär ausgüübd hôm, sinn di Wandaaln zamm mid andre Schdämm, wie di Alanâ und Sweebm, im Jôôr 406 ins Römerraich aigfalln. Dômôls is a riesiche Völgerlawine ibbärn Rein driibär und am End bis nach Südschbanien nundär kumma. Em Wandaalnkönich Gaiserich is es schliesli glunga, mid 80.000 Mann ibbär di Meerenge fo Gibraldar zu schiffm und Noddafrigga zu erobern. Di Wandaaln hôm dann sogôr Kadaago äobärd und im Jôôr 455 Rom blündärd. Si hômm rechd lugsuriös bleebd, bis där osdrömische Feldhärr Belisar mid 5000 Raider und 10.000 Fusdrubbm oogriffm hôd. Im Dezembär 533 sin di Wandaaln endschaidnd gschloong worn. Ibbär di filln Schäds wo di Wandaaln ooghaifd hômm, hômm sogôr di Römär gschdaund. Machne soong, di Wandaaln sinn in Afriga a weng verwaichlichd und hômm desweeng verloorn. Däs is ôbbär wôrschainli a bissla a arch aafache Sichdwais.

Gwällnbeleech[edit]

  • Walter Pohl: Die Völkerwanderung. Eroberung und Integration Kohlhammer, 2002, 266 Seiten. ISBN 3170155660