Wp/vmf/Auszuungne
Als Auszuungner (odder je nach Rechion a: Käichla, Küchle, Käichla, Kiachla, Kichle) wärd in Frangn un deilweis a in Aldbayan a säiß, in Fedd rausbaggngs Hefedeichgebägg gnannd, des wou ofd an Fesde frisch zoubereided wärd. Auszuungne gidds in verschiedne Formen: Sie könna gwadrodisch, rechdeggerd odder rund sei. Wenns rund sin, wern`s a "Gnäikäichla" (deidsch: Knieküchle) gnannd, weil die Bägger fräiers `n Deich asu lang ieber ihr Gnäi drieberzuung ham, bis dass er asu dinn woar, dass mer – hodd mer fräiers gsachd – an Liebesbrief durch nern durchlesn hodd könna.
Heidzdooch wärd der Hefedeichbadzn ieber an dreggsldn Krapfenschdogg odder an Gummiball zuung. In dera Form wärrd es Käichla in Fedd rausbaggn. Su endschdäid a Gebägg miid anner drei bis vier Zendimeder houchn, goldbrauna Deichwulsd, des wou gschmagglich an Grabfn ähnln doud un inna a dinne, fasd durchsichdiche Deichgrusdn hodd.
Im Nedz
[edit | edit source]
- Knieküchle (Krapfen, Kiechla) (frankentourismus.de)