Wp/vmf/Hulzkulln
Der Adigl is in Nämbercherisch gschriim.
Hulzkulln is a fesder Brennschdoff, der wou endschdäid, wenn a lufddruggngs Hulz (af 13 bis 15 % Wasser druggngd) under Lufdabschluss un` ohne Sauerschdoffzufuhr af 275°C derhidzd wärd (Byrolyse). Däi Demberadur schdeichd dabei vo ganz allans af 350 bis 400°C oo. Dabei verbrenna däi leichdflüchdichn Bschdanddeile vom Hulz. Als Rüggschdand gräichd ma´ neba gasförmiche Zersedzungsbrodugde ungfähr 35 % Hulzkulln. Däi schlächd nachherd beim Brenna kanne Flamma un` brennd miid anner häichern Demberadur als wäi Hulz.
Verwenden doud ma a Hulzkulln ieberoll dou, wou ma`a indensive Hidzn ohne Rauch- odder Flammabilldung brauchd, z.B. fier´s Faier vom Schmied. Heidzdooch wärd Hulzkulln v.a. fier Freizeidzwegge hergschdelld, z.B. fiers Grilln.