Wp/vmf/Häzooch Hruodi

From Wikimedia Incubator
< Wp‎ | vmfWp > vmf > Häzooch Hruodi
Jump to navigation Jump to search


Der Adigl is in Nämbercherisch gschriim.


Där Häzooch Hruodi hôd am Oofang fom 7. Jôôrhundäd gleebd und is dä äschde bekannde Häzooch fo Wäzburch. Im fräjn Middlaldä hôm fo Wäzburch aus di Maa-frängischn Häzööch regiird. Dä Hruodi wôr dä Fadder fom Heden âm Äldärn, där widärum dä Faddä fom Häzooch Gozbäd wôr. Di anziche Gwelln, di wôs ibä iin wass, is di Vieda fom Hailichng Kilian.

Mâ hôd schbeguliird ob dä Hruodi mi´m Häzooch Radulf fo Dyringa idendisch is, ôbbä däs is ehä unwôôrschainli. Erär is ä no mi´m alamannischn Fiirä (ladainisch: dux) Grodobäd idendisch. Di zwaa kennd mä aus annäre Gwelln alds wäj än Hruodi. Falls dä Hruodi und dä Radulf zwaa Bäsoona sin, wôrn Maafrangng und Dyringa undäm Keenich Dagobäd am Oofang fom 7. Jôôrhunäd zwaa väschidna Häschafdsgebiide. In däm Fall is am wôrschainligsdn, dass si dä Soon vom Hruodi, dä Heden dä Äldäre, di dyringischn Gebiide gschnabbd hôd. Falls dä Hruodi und dä Radulf doch di selbe Bäsoon wärn, dann wärn Frangng und Dyringa scho said äm Oofang fom 7. Jôôrhundäd a anzichs Häzoochdum. Alläschbädesdns äm Gozbärd sai Soon, dä Heden dä zwaade hôd fo Wäzburch aus aa ibbä Dyringa ghärrschd.

Gwelln[edit]