Wp/vmf/Kou
A Kou (Anschbachisch: Kua, Hoaloisch: Kuâ, deidsch: Kuh) is a weiblichs Rind un a Väich as der Familie vo däi Honndräächer. Sie is a Nudzdier un a Milch- un Fleischlieferand. Der wilde Schdammvadder is der Aueroggs. Vor ungfähr 8000 Joahr hams a boarr vo denne eigfangd und an Menschn gweend. Däi Nachgummma davo sin edzadla unsre Käi.
Die Männla hassn Bulln odder manchmol a Humml. Däi kasdrierdn Männla nennd ma Oggsn, däi Junga Kälbla odder Moggala. A Kou, däi wou nu ka Kälbla gräichd hoddd, obber scho älder als wäi a Joahr is, hassd Kalwa.
Es gidd an ganzn Haffm verschiedne Ardn vo Käi. In Frangng hodds fräisers zum Beischbill ofd es Gelbvieh odder Frangngvieh geem. Des woar a robusde Soddn. Schbäder is däi Milchbrodugdsion dann immer wichdicher worn und desweng hodd mer miid der Zeid immer mehr Fleggvieh ghaldn. Heid gidds nimmer vill Höf miid Gelbviieh-Haldung. Däi massdn gidds in Underfrangng, in Middlfrangng im Landgrais Weißnburch-Gunzahausn, Neischdad a.d. Aisch-Bad Windsheim und im Landgreis Bambärch in Oberfrangng[1].
Gwelln
[edit | edit source]- Ronald M. Nowak: Walker's Mammals of the World. Johns Hopkins University Press, 1999 ISBN 0-8018-5789-9
Im Nedz
[edit | edit source]