Wp/vmf/Adidas

Der Adigl is in Nämbercherisch gschriim.

Däi adidas AG is anner vo däi weldweid grässdn Schbordaddiglherschdeller miid Sidz in Herzogenaurch in Middlfrangng (Bayan). Zur Brodugdbaleddn ghörrn Schouh, Begleidung und Zubehör. Des Marrgnzeing sind däi drei Schdreifn un des Logo miid däi drei Blädder.

Der Noma adidas sedsd si zamm as Vuur- unn Nachnoma vom Firmengründer, dem Schouhmachermassder Adolf („adi“) Dassler („das“), der miid sein Brouder Rudolf scho 1920 in der elderlichn Wohnung houchwerddiche Schbordschouh gferdichd hodd. 1924 hams dann däi „Gebrieder Dassler Schouhfabrigg“ gründ. Bei däi Olymbischn Schbiele 1936 in Berlin hodd Jesse Owens in Dassler-Schouh vier Goldmedaillen gwunna. Zum Bruch zwischn beide Bräider is nach hefdiche Schdreiderein kumma. Rudolf hodd däi heid a weldberiehmde Marrgn Buma (daitsch: Puma) gründ, Adolf 1949 adidas. Dadurch hodd si a däi ganze Schdadd Herzogenaurch in zwa Laacher afgschbaldn, weil´s seinerzeid undenkboar gween is, dass aus derselbn Famillie anner bei adidas un anner bei Buma ärrbern doud. adidas is heid der zwadgrässder Schbordaddiglherschdller auf der Weld un hodd weldweid zirrga 46.000 Miidarbeider.

Im Nedz

Offizielle Webseide