Wp/vmf/Achala

From Wikimedia Incubator
< Wp‎ | vmfWp > vmf > Achala
Jump to navigation Jump to search


Der Adigl is in Nämbercherisch gschriim.


A Achala (Sciurus vulgaris) hockd am Bôdn

A Achala (deidsch: Eichhörnchen) is a Naachedier aus der Familie vo däi Hörnla (Sciuridae). Nomalerweis maand mer damiid es normale Achala (Sciurus vulgaris). Ma sachd aber eingndli zu alle Arddn aus der Gaddung Sciurus Achala.

A normals Achala is ungfähr zwanzg bis dreißg Zendimeder lang, ann Schwaf ned miidgrecherd. Der is nu amol fuchze bis fümfazwanzg Zendimeder lang. Es wiechd um die 200-500 Gramm. Miid seim langa buschichgn Schwaf und die Binslohrn und der roudn Farb kammers eingdli miid kan annern Väich in Euroba verwegsln. No ned amal miidn Grauhörnla, des wou in England eigfierd worrn is. A anders Achala aßer denna zwa gidds eh ned in Euroba.

A boar Achala sin obber a fasd schwadz. Achala leem v.a. in dungle Nadlwälder un sin Allesfresser. Si haldn kan Winderschlaf un däi Nahrung variierd je nach Jahreszeid. Gfressn werrn v.a. Niss, Früchde, Bilze, Bammrindn obber a Wirmer, Vugleier un Jungvöchl.

Da iberol gids es nomale Achala

Es Achala bewohnd Wälder und hubfd vur allem am Dooch umanand. Die Ard lebbd ieberoll im nörrdlichng Eurasien vo däi Bridischn Insln bis zum Ginesischn Meer.

Daggsonomische Eideilung[edit]

Underoddnung: Hörnlaverwande (Sciuromorpha)

Fammilie: Hörnla (Sciuridae)
Dribus: Baumhörnla (Sciurini)
Gaddung: Achala (Sciurus)
Add: Achala (Sciurus vulgaris), Autor: Linnaeus, 1758

Beleech[edit]

  • Dr. Josef Reichholf (1983): Steinbachs Naturführer, Säugetiere. Mosaik Verlag, Bertelsmann-Gruppe. Germany (Neue, bearbeitete Sonderauflage 1996). Template:ISBN

Im Nedz[edit]

Commons-logo.svg
Wikimedia Commons has media related to: