Jump to content

Wp/tzo/Mexiko

From Wikimedia Incubator
< Wp‎ | tzo
Wp > tzo > Mexiko

Mejiko ja' jech sbi ak'bil yu'un mol me'eletik ta vo'nej ti muk'ta lum bu nakalutik ta komon xchi'uk yantik bats'i vinik antsetik ti sna'ik yantik'o sbats'i k'opik'ek'. Chalike ja' la xchanibal muk'ta lum ta ba banamil ti ep xa jnaklumetik oy yu'une. K'op chi'ch tunesel sventa lo'ile ja' la ti kaxlan k'ope vai ja la ich'bil ta muk' yu'un ti yosilal mejikoe xchiuk' vuklajunem xchanvinik bats'i k'op oy k'untik ta skotol yosilal mejiko.

Ep ta chol ta alel ti k'uxi likemtal sbi ti mejikoe; chal jkoje ja' la tsk'an chal "Spis xmixak' jmetik U" ja' la jech chapbil ta jbel bats'i k'op ja sbi "Nahuatl" yu'unla ta sbats'i k'opike mejikoe ja' la k'ool sba xchiuk' "Mexitli" , jechuk jchak'tike ja' la meltsambil ta "Meztli" ti ja' la tsk'an chal U, "Xictli" ja' la tsk'an chal Pis o mixak' va'i "co" ja la tsk'an chal osil o banamil, ja'yo "Spis xmixak' jmetik U" tsk'an chal ti mi jtsomtikxa skotole.