Jump to content

Wp/tzm/Aṭṭan n kurunavirus 2019

Add links
From Wikimedia Incubator
< Wp | tzm
Wp > tzm > Aṭṭan n kurunavirus 2019

Aṭṭan n kurunafirus 2019 (s tneglizt: Coronavirus Disease 2019); asegzel-nnes: COVID-19 /kuvid-19/, iga yan waṭṭan itteɣemmamen, ar dig-s israg (SARS-COV-2 /sars-kuv-2/). aṭṭan-a ur yadelli ittussan dar ufgan dat ad d-yuman usuḍrer-nnes g tesga n Wuhan g tmurt n Cinwa deg wayyur n Dujanbir 2019, isreg ilemma g yiriḍi n kurunavirus 2019—20. seg tmitar nna s bahra ittussan waṭṭan n kurunavirus 2019 da nettafa; tawla, tusut, timri n usunfes. ilin kra n imuḍan ar darsen- ttumanent kra n tmita-yaḍen zun-d igẓaẓen n tzelmin, aṛmay, iḍen n yiɣf, abzag n taqqayt d umeɣlil.[1] timitar-a-akkʷ ar d-ttumanent imikk s imikk, ger semmus ar kkuẓ d mraw wussan. kra seg midden ar ten-ittaɣ waṭṭan min ad si-s syafan ula umanent fell-asen tmitar-nnes, midden-a akkʷ, amata dig-sen (attay n 80%) ar ttejjin min ad ḍefren kra n usafar iẓlin. yan seg sḍis (1/6) n medden ar fellasen ttumanent kra n temitar bahra hrecnin zun-d timri n usunfes. midden wssernin d willi dar llant tmukrisin tidewsanin (timukrisin n wul, aṭṭan n usekkʷaṛ, ...) llan g imizi n wad ten-yaɣ waṭṭan n kurunavirus uggar n wiyyaḍ.

ammuttey n waṭṭan n kurunavirus 2019

[edit | edit source]

ẓeḍaṛen middn lli yuḍnen s waṭṭan n kurunafirus 2019 ad t sɣemmen i wiyyaḍ, acku aṭṭan ad ar ittmuttuy seg yan umedan yuḍnen ɣer yan yaḍn ur yuḍinen, s tmeqqa meẓẓiynin lli d ittffuɣn g tenxar d yimi n wanna ittusun. timeqqa-ad ar ṭṭarnt ɣef ideɣaren d isekkinen d wanna yaẓen i umaḍun ittusun, ukan wanna mu kcimnet tmqqa-ad tiṭṭawin nɣ tinxar nɣ imi s teɣaraset tusrudt, nɣ d s teɣaraset tarusridet ig illa mayd iggern i yidɣaren d isekkinn nna ɣef ḍṛent tmeqqa nna s ufus, igger nn sis i tiṭṭawin nɣ tinxar nɣ imi, rad t iɣemm ufirus nna ittsragn g waṭṭan[2].

aray sg waṭṭan n kurunavirus 2019

[edit | edit source]

ar ɣilad ur ta illi kra n usafar neɣ d kra ugezzay igan afna n waṭṭan n kurunafirus 2019. maca llant mennawt tɣawsiwin n waray mkelli ttinin imezwura: «aray yuf asijji»[3].

tiɣarasin n waray

[edit | edit source]
  1. kcimat tigemma nnun ayenna s tufam !
  2. ig tffeɣm, lsat tanexxammut nnun !
  3. ad ur tettilim d ugdud !
  4. ad ur tessezulm s ufus ula udem !
  5. ad ur tettgiwirm d imuḍan !
  6. ffalat yan miter gratun !
  7. ḥebbuyat imi iɣ ar tettusum !
  8. ad ur teslaym udem s ufus !
  9. ssiridat ifassen nnun s userrad mennawt tewal g wass !

isaɣuln

[edit | edit source]
  1. ↑ Aṭṭan n kurunavirus 2019 g tunɣilt taneglizt n wikipidya, 21 ibrir 2020
  2. ↑ ajarmun, manemk s ar ittmuttuy kurunafirus d manemk s rad segis nary iɣfawen nneɣ ?
  3. ↑ ajarmun, manmk s ar ittmuttuy kurunafirus d manmk s r rad sgis nary iɣfawn nnɣ ?


Retrieved from "https://incubator.wikimedia.org/w/index.php?title=Wp/tzm/Aṭṭan_n_kurunavirus_2019&oldid=5667950"