ⵜⵉⵏⴰⵔⵉⵡⵉⵏ

ⵙ ⵜⵎⴰⵛⵉⵇⵜ ⵏⵜⵜⴰⵔⵉ ⵉⵎⴽⵉⴷⴷⵖ: "ⵜⵏⵔⵓⵏ" ⴰⵎⴰⴳⵓⵜ ⵏ ⵜⵉⵏⵉⵔⵉ. ⴷ ⴰⵙⵙⴰⵖ ⵏ ⵢⴰⵜ ⵜⵔⴰⴱⴱⵓⵜ ⵏ ⵓⵥⴰⵡⴰⵏ ⵏ ⵉⵎⵓⵀⴰⵖ. ⵉⴳⵎⴰⵎⵏ ⵏⵏⵙ ⴳⴰⵏ ⵙⴳ ⵜⵉⵙⵙⴰⵍⵉⵜ, ⵜⴰⵙⴳⴰ ⵏ ⴽⵉⴷⴰⵍ, ⵜⴰⵎⵏⴰⴹⵜ ⵏ ⵓⴷⵔⴰⵔ ⵏ ⵉⴼⵓⵖⴰⵙ^[1]^[2]^[3], ⴰⵥⴰⵡⴰⴷ.

ⵜⵜⴳⴳⵏ ⵢⴰⵏ ⵡⴰⵏⴰⵡ ⵏ ⵓⵥⴰⵡⴰⵏ ⴰⵙⵙⴰⵖ ⵏⵏⵙ ⴰⵙⵓⴼ. ⴰⵙⵓⴼ ⵉⴳⴰ ⵜⴰⵖⵓⴼⵉ, ⴰⵎⴰⵔⴳ, ⴰⵏⵣⴳⵓⵎ. ⴰⵏⴰⵡ ⵏⵏⴰ ⵉⵙⵎⵓⵏⵏ ⴳⵔ ⵍⴱⵍⵓⵣ, ⵕⵕⵓⴽⴽ ⴷ ⵓⵥⴰⵡⴰⵏ ⴰⵣⴰⵢⴽⵓ ⵏ ⵉⵎⵓⵀⴰⵖ ⴳ ⵜⵉⵏⵉⵔⵉ. ⴰⵢⵏⵏⴰ ⵙ ⵏⵖⵉⵢ ⴰⴷ ⵏⵉⵏⵉ ⵍⴱⵍⵓⵣ ⵏ ⴰⵜⵡⴰⵔⴳⵉⵢ. ⴰⵛⴽⵓ ⴰⵎⵎ ⵏⵜⵜⴰ ⴰⵎⵎ ⵍⴱⵍⵓⵣ ⵉⵜⵜⵡⴰⵙⴽⴰⵔ ⴳ ⵓⵣⵡⴰⴳ ⴷ ⵓⵏⵎⵔⵉ.

ⵉⵅⴰⵜⴰⵔⵏ ⵏ ⵜⵔⴰⴱⴱⵓⵜ ⴳⴰⵏ ⵜⵏ ⵉⴱⵔⴰⵀⵉⵎ ⴰⴳ ⴰⵍⵃⴰⴱⵉⴱ ⴷ ⴰⵍⵃⵓⵙⴰⵢⵏ ⴰⴳ ⴰⴱⴷⵓⵍⵍⴰⵀⵉ. ⵜⵉⵏⴰⵔⵉⵡⵏ ⴷ ⵜⵔⴰⴱⴱⵓⵜ ⵜⴰⵎⵇⵇⵔⴰⵏⵜ ⵉⵙⵎⴰⵏⵏ ⴽⵉⴳⴰⵏ ⵏ ⵉⵏⴰⵥⵓⵔⵏ ⵉⵎⵇⵇⵔⴰⵏ ⵏ ⵉⵎⵓⵀⴰⵖ. ⵜⴳⴰ ⵢⴰⵏ ⵓⵎⵓⵙⵙⵓ ⴰⴷⵍⵙⴰⵏ ⴷ ⵢⴰⵏ ⵓⵎⵓⵙⵙⵓ ⴰⵏⵥⴰⵡⴰⵏ. ⴽⵓ ⵢⴰⵏ ⴳ ⵉⴳⵎⴰⵎⵏ ⵏ ⵜⵉⵏⴰⵔⵉⵡⵉⵏ ⵉⵜⵜⵓⵎⵓ ⴳ ⵜⵔⴰⴱⴱⵓⵜ ⵉⵎⴽⵉⵏⵏⴰ ⵉⵔⴰ. ⵎⵓⵃⴰⵎⵎⴰⴷ ⴰⴳ ⵉⵜⵍⴰⵍ ⵏⵏⴰ ⵎⵉ ⵇⵇⴰⵔⵏ ⴰⵊⴰⵒⵒⵓⵏⵉⵢ ⵉⵜⵜⵓⵎⵓ ⴳ ⵉⵜⵡⵉⵍⵏ ⵎⴰⵛⴰ ⵓⵔ ⴷⴰ ⵉⵜⵜⴼⴼⵖ ⵙ ⵉⴳⴷⵓⴷⵏ ⵉⴳⵔⴰⵖⵍⴰⵏⵏ.

ⵜⴰⵎⴷⴷⵓⵔⵜ

ⵜⵍⵓⵍ ⵜⵔⴰⴱⴱⵓⵜ ⵏ ⵜⵉⵏⴰⵔⵉⵡⵉⵏ ⴰⵙⴳⴳⵯⴰⵙ ⵏ 1982 ⴽⵓⴷⵏⵏⴰ ⵉⵎⵍⴰⵍ ⵉⴱⵔⴰⵀⵉⵎ ⴰⴳ ⴰⵍⵃⴰⴱⵉⴱ ⴷ ⴰⵍⵃⴰⵙⴰⵏ ⴰⴳ ⵜⵓⵀⴰⵎⵉ ⴷ ⵉⴳⵍⵍⵉⵏ ⵏ ⵉⵏⵜⴰⵢⴰⴷⵏ, ⴰⵎⵎⴰⵙ ⵏ ⵢⴰⵏ ⵓⴳⴷⵓⴷ ⴳ ⴷⵣⴰⵢⵔ, ⵙ ⵡⴰⵙⵙⴰⵖ ⵏ ⵜⴰⵖⵔⴼⵜ ⵏ ⵜⵉⵏⴰⵔⵉⵡⵉⵏ. ⵜⴰⵔⴰⴱⴱⵓⵜ ⴷⴷⵖ ⵜⵓⵔⴰⵔ ⵢⴰⵜ ⵜⵉⵍⴰⵍⵜ ⵜⴰⴷⴰⵙⵍⴰⵏⵜ ⴳ ⵓⵖⵡⵡⵢ ⴰⵜⵡⴰⵔⴳⵉⵢ ⵏ ⵉⵙⴳⴳⵯⴰⵙⵏ ⵏ 1990 ⵙ ⵜⴱⵔⴰⵜⵉⵏ ⵏ ⵓⵙⵉⵔⵎ ⴷ ⵜⵏⵣⴱⴰⵢⵜ ⵏⵏⴰ ⵜⵜⴰⵣⵏ ⵉ ⵉⵎⵓⵀⴰⵖ ⵎⴰⵕⵕⴰ.

ⴳ ⵜⵉⵣⵡⵓⵔⵉ, ⴽⵕⴰⴹ ⵉⴳⵎⴰⵎⵏ ⴷⴷⵖ ⵅⴼ ⵏⵙⴰⵡⵍ, ⵜⵜⵉⵔⴰⵔⵏ ⵅⴼ ⵢⴰⵜ ⵜⴷⵉⵏⴰⵏⵜ ⵜⴰⴽⵓⵙⵜⵉⴽⵜ ⵏⵏ ⴰⵙⵏ ⵉⵛⵛⴰⵔⵏ. ⴹⴰⵕⵜ ⵓⵢⴰ ⵎⵏⴰⴳⴳⴰⵔⵏ ⴷ ⵢⴰⵜ ⵜⵔⴰⴱⴱⵓⵜ ⴰⵙⵙⴰⵖ ⵏⵏⵙ ⵉⵎⵙⵍⵉ ⵏ ⴰⵀⴰⴳⴳⴰⵔ, les voix du Hoggar, ⵏⵏⴰ ⵉⵜⵜⵉⵔⵉⵏ ⵙ ⵜⵄⵔⴰⴱⵜ. ⵉⵎⵙⵍⵉⵜⵏ ⵏ ⴰⵀⴰⴳⴳⴰⵔ ⴰⵢ ⴷ ⵉⴼⴽⴰⵏ ⵉ ⵉⴱⵔⴰⵀⵉⵎ ⴰⴳ ⴰⵍⵃⴰⴱⵉⴱ ⵜⴰⴷⵉⵏⴰⵏⵜ ⵏⵏⵙ ⵜⴰⵍⵉⴽⵜⵔⵉⴽⵉⵜ ⵜⴰⵎⵣⵡⴰⵔⵓⵜ.

ⴳ ⵜⴰⵎⴰⵏⵖⴰⵙⵜ ⴷⴰ ⵜⵜⴳⴳⵏ ⵜⵉⵡⵓⵔⵉⵡⵉⵏ ⵏⵏⵙⵏ ⴰⴽⴷ ⴽⵕⴰⴹⵜ ⵜⵡⵜⵎⵉⵏ. ⴷⴼⴼⵉⵔ ⴰⴽⵓⴷ ⴷⴷⵖ ⵏ ⵓⵣⵡⴰⴳ ⴳ ⴷⵣⴰⵢⵔ, ⵉⴷⴷⴰ ⵉⴱⵔⴰⵀⵉⵎ ⴰⴳ ⴰⵍⵃⴰⴱⵉⴱ ⴷ ⵉⵏⵜⴰⵢⴰⴷⵏ ⴷ ⴰⵍⵃⴰⵙⴰⵏ ⵙ ⵍⵉⴱⵢⴰ ⴰⴷ ⵙⵍⵖⵎⵢⵏ ⵅⴼ ⵉⵎⵔⵉⴳⵏ. ⴷⵉⵏⵏⴰⵖ ⵎⵙⴰⴳⴰⵔⵏ ⴰⴽⴷ ⴰⵍⵃⵓⵙⴰⵢⵏ ⴰⴳ ⴰⴱⴷⵓⵍⵍⴰⵀⵉ ⴷ ⴽⵉⴹⵓ ⴰⴳ ⵓⵙⵙⴰⴷ, ⵎⵓⵃⴰⵎⵎⴰⴷ ⴰⴳ ⵉⵜⵍⴰⵍ ⵏⵖ ⴰⵊⴰⵒⵒⵓⵏⵉⵢ. ⵜⴰⵔⴰⴱⴱⵓⵜ ⵜⴻⵜⵜⵎⵖⴰⵔ. ⴽⵓⴷⵏⵏⴰ ⵉⵏⴽⵔ ⵓⵖⵡⵡⵖ ⵏ 1990, ⵓⵖⴰⵍⵏ ⴷ ⵙ ⵎⴰⵍⵉ, ⵉⵎⵔⵉⴳⵏ ⴳ ⵉⴼⴰⵙⵙⵏ, ⵉⴷⵉⵏⴰⵏⵏ ⵅⴼ ⵜⴷⵉⵡⵡⴰ. ⵍⵜⵖⵏ ⴳ ⵓⵎⵓⵙⵙⵓ ⴰⵖⵍⵏⴰⵡ ⵏ ⵓⵥⴰⵡⴰⴷ ⵏⵏⴰ ⵅⴼ ⵉⵍⵍⴰ ⵉⵢⴰⴷ ⴰⴳ ⵖⴰⵍⵉ. ⵡⴰ ⵢⵓⵡⵙ ⵉⵜⵏ ⴰⴷ ⵙⵖⵉⵏ ⵉⵎⴰⵙⵙⵏ ⵏ ⵓⵥⴰⵡⴰⵏ.

ⴽⵓⴷⵏⵏⴰ ⵜⴻⵜⵜⵡⴰⵣⵎⵎⴰⵎ ⵜⵎⵢⴰⵇⵇⴰⵏⵜ ⵜⴰⵏⴰⵎⵓⵔⵜ ⵏ 1992 ⴷ ⵜⵓⵖⴰⵍⵉⵏ ⵏ ⵓⴼⵔⴰ ⴷ ⵜⴰⵍⵡⵉⵜ ⵙ ⵜⵎⴰⵣⵉⵔⵜ ⵏ ⵉⵎⵓⵀⴰⵖ, ⵜⵉⵏⴰⵔⵉⵡⵉⵏ ⵜⵙⵡⵓⵔⵉ ⴳ ⵓⵣⵓⵣⵣⵔ ⵏ ⵉⴷⵍⵙ ⴰⵎⴰⵣⵉⵖ ⵙ ⵓⵥⴰⵡⴰⵏ ⴷ ⵉⵡⵍⵉⵡⵏ ⵉⵣⴷⴷⵉⴳⵏ, ⵉⵜⵜⵏⴰⵖⵏ, ⵜⵜⵉⵏⵉⵏⵉⵏ ⵜⴰⵢⵔⵉ ⵏ ⵜⵉⵏⵉⵔⵉ ⴷ ⵓⵏⵎⵔⵉ ⵏ ⵓⴳⴷⵓⴷ ⴰⵜⵡⴰⵔⴳⵉⵢ. ⴷⵉⵏⵏⴰⵖ ⴰⵢ ⵙⵙⵏⵜⴰⵜ ⴰⵔ ⵜⵜⵉⵔⵉⵔⵏ ⴳ ⵉⵏⵎⵓⴳⴳⴰⵔⵏ ⴳ ⵎⴰⵍⵉ. ⵙⵙⴽⵔⵏ ⴰⵙⵙⴰⵖ ⵏⵏⵙⵏ ⴳ ⵢⵉⴳⵔ ⴰⴷⵍⵙⴰⵏ. ⵙⵓⵙⵔⵏ ⵙⵉⵏ ⵉⵜⵡⵉⵍⵏ ⵏ ⵓⵙⵜⵓⴷⵢⵓ: ⴰⵎⵣⵡⴰⵔⵓ ⴳ ⴰⴱⵉⴷⵊⴰⵏ ⴰⵙⴳⴳⵯⴰⵙ ⵏ 1992 ⴷ ⵡⵉⵙⵙ ⵙⵉⵏ ⴳ ⴱⴰⵎⴰⴽⵓ^[4] ⴰⵙⴳⴳⵯⴰⵙ ⵏ 1993. ⴰⵙⵍⵡⴰⵢ ⵏⵏⵙⵏ ⵙⴳ 1993 ́ⴰⵔ 1999 ⵉⴳⴰ ⵜ ⵎⵓⵃⴰⵎⵎⴰⴷ ⴰⴳ ⴰⵏⵚⴰⵔ ⵏⵏⴰ ⵎⵉ ⵜⵜⵉⵏⵉⵏ ⵎⴰⵏⵏⵉ, ⵉⴳⴰ ⴷⵖⵉ ⴰⵙⵍⵡⴰⵢ ⵏ ⵓⴳⴷⵓⴷ ⵏ ⵜⵉⵏⵉⵔⵉ Festival au désert. ⴰⴽⵓⴷ ⴷⴷⵖ ⴰ ⴳ ⵙⴽⵛⵎⵏ ⴽⵔⴰ ⵏ ⵉⵎⵙⵍⵉⵜⵏ ⵓⵏⵜⵉⵜⵏ ⵏⵏⴰ ⵉⵔⵏⴰⵏ ⵜⴰⵀⵓⵙⴽⵉ ⵉ ⵜⵔⴰⴱⴱⵓⵜ ⵏ ⵜⵉⵏⴰⵔⵉⵡⵉⵏ: ⵜⵍⵍⴰ ⵙ ⵓⵎⴷⵢⴰ ⵜⴳⵍⵍⵉⵏⵜ ⵏ ⵡⵓⵏⵓ ⵡⴰⵍⵉⵜ ⵄⵓⵎⴰⵔ, ⵓⵍⵜⵎⴰⵙ ⵏ ⵎⵉⵏⴰ ⵡⴰⵍⵉⵜ ⵄⵓⵎⴰⵔ.

ⵖⵓⵔⵙⵏ ⴽⵉⴳⴰⵏ ⵏ ⵜⵣⵍⴰⵜⵉⵏ ⵉⵜⵜⵓⵙⵓⵙⵔⵏ ⴳ ⵜⴰⵙⵙⴼⵉⴼⵉⵏ. ́1999 ⵓⵎⵉ ⴰⵎⵓⵏ ⴳ ⵓⴳⴷⵓⴷ ⵜⵜⵓⴽⵓⵍⵓⵔ ⴳ ⵓⵏⵊⵉⵔ ⴼⵔⴰⵏⵙⴰ ⵙ ⵢⵉⵙⵎ ⵏ ⵓⵥⴰⵡⴰⴷ, ⴰⵢ ⵜⵙⵙⵏⵜⴰ ⵜⴷⵡⵡⴰⵢⵜ ⵏⵏⵙⵏ ⵜⴰⴳⵔⴰⵖⵍⴰⵏⵜ ⵙ ⵍⴰⵡⴰⵏ ⴰⴽⴽⵯ ⴳ ⵓⵎⵏⵥⴰⵡ ⵏ ⵓⵔⵓⵒⵒⴰ.

ⴰⵜⵡⵉⵍ ⵏⵏⵙⵏ ⴰⵖⵣⵡⴰⵔⵓ, ⴰⵏⵣⵡⴰⵢ ⵡⵉⵙⵙ ⵚⴹⵉⵚ, The Radio Tisdas Sessions, ⵉⵙⵓⵙⵔ ⵜ ⴳ ⵙⵉⵏ ⵡⵓⵙⵙⴰⵏ ⴳ ⴽⵉⴷⴰⵍ ⵙ ⵜⴰⵔⵏⴰ ⵏ ⵜⴰⴼⵓⴽⵜ ⵊⵓⵙⵜⵉⵏ ⴰⴷⴰⵎⵙ ⴷ ⵍⵉⵊⵓⵊⵓ, ⵉⴼⴼⵖ ⴷ ⴳ ⵓⵙⴳⴳⵯⴰⵙ ⵏ 2000. ⵢⴰⵎⵓ ⴷⵉⴳⵙ ⵉⴱⵔⴰⵀⵉⵎ, ⴰⴱⴷⴰⵍⵍⴰⵀ, ⴽⵉⴹⵓ, ⴰⵊⴰⵒⵒⵓⵏⵉⵢ, ⴰⵍⵃⴰⵙⴰⵏ ⴷ ⴼⵓⵢ ⴼⵓⵢ.

ⵓⴼⵓⵖ ⵏ ⵓⵜⵡⵉⵍ ⵏⵏⵙⵏ ⵡⵉⵙⵙ ⵙⵉⵏ ⴰⵎⵙⵙⴰⴽⵓⵍ ⴳ ⵓⵙⴳⴳⵯⴰⵙ ⵏ 2004 ⴰⵢ ⴷ ⵉⴳⴰⵏ ⵙ ⵜⵉⴷⵜ ⵜⴰⵙⵓⵔⵉⴼⵜ ⵏⵏⵙⵏ ⵜⴰⵎⵣⵡⴰⵔⵓⵜ ⴳ ⵓⵎⵢⵉⵙⵙⴰⵏ ⴰⴳⵔⴰⵖⵍⴰⵏ. ⴰⵜⵡⵉⵍ ⵏⵏⴰ ⵉⵎⵓⵔⵙⵏ ⵙ ⵡⴰⵔ ⴰⵙⵓⵔⴷⵓ ⵉⴳⴰ ⴷ ⵉⴳⵎⴰⵎⵏ ⵏ ⵜⵏⴰⵔⵉⵡⵉⵏ ⵉⵎⵙⵇⴰⴷⵏ ⵏ ⵓⴳⴷⵓⴷ ⴽⵍ ⵜⴰⵎⴰⵛⴰⵇ ⴳ ⵓⵎⴰⴹⴰⵍ ⵇⴰⵃ, ⴽⴽⴰⵏ ⵓⵔⵓⵒⵒⴰ, ⵉⵡⵓⵏⴰⴽ ⵉⵎⵓⵏⵏ ⵏ ⵎⴰⵔⵉⴽⴰⵏ, ⴽⴰⵏⴰⴹⴰ, ⴰⵙⵢⴰ

ⴰⵜⵡⵉⵍ ⵏⵏⵙⵏ ⵡⵉⵙⵙ ⴽⵕⴰⴹ, ⴰⵎⴰⵏ ⵉⵎⴰⵏ, ⵉⴼⴼⵖ ⴷ ⴳ ⵓⵙⴳⴳⵯⴰⵙ ⵏ 2007. ⵉⵔⵏⴰ ⴳ ⵛⵛⵓⵀⵔⴰ ⵏⵏⵙⵏ ⵙ ⵓⵎⴰⵜⴰ ⴰⴽⴽⵯ ⵉⴳ ⵏⵙⵙⵏ ⵉⵙ ⵢⵉⵡⵉ ⵢⴰⵜ ⵜⴰⵔⵔⴰⴳⵜ ⵜⴰⵎⵇⵇⵔⴰⵏⵜ: ⴰⵜⵡⵉⵍ ⵏ ⵓⵥⵔⴼ ⴳ ⵜⵎⴰⵣⵉⵔⵜ ⵏ ⵏⵏⴳⵍⵉⵣ.

ⴰⵙⵙ ⵏ 7 ⵉⴱⵔⵉⵔ 2007 ⴳ ⵓⴳⴷⵓⴷ ⵏ ⴱⴰⵟⴰⴽⵍⴰⵏ, ⵢⵓⵡⵙ ⵜⵏ ⵓⵎⴰⵔⵉⵔ ⴰⵎⴰⴹⵍⴰⵏ ⵔⵓⴱⵉⵔ ⵒⵍⴰⵏⵜ ⵏ ⵍⵍⵉⴷ ⵣⵉⵒⵒⵍⵉⵏ. ⵉⴳⴳⵉ ⴰⵎⵎ ⵡⴰ ⵉⴳⴰ ⵢⴰⵏ ⵓⵙⵉⵙⵙⵏ ⵙ ⵜⵡⵓⵔⵉⵡⵉⵏ ⵜⵉⵏⴰⵥⵓⵔⵉⵏ ⵏ ⵜⵉⵏⴰⵔⵉⵡⵉⵏ.

ⴰⵙⵉⵏⵢⴰⵙⵜ ⴰⴼⵔⴰⵏⵙⵉⵙ ⵊⵉⵖⵉⵎⵉ ⵖⴰⵢⴽⵏⴱⴰⵅ ⵉⴳⴰ ⵢⴰⵏ ⵓⵙⴰⵔⵓ ⴰⴷⵓⴽⵓⵎⵓⵏⵜⵉⵔ ⵏ 51 ⵏ ⵜⵓⵙⴷⵉⴷⵜ, ⵅⴼ ⵜⵍⴰⵍⵉⵜ ⵏ ⵜⵔⴰⴱⴱⵓⵜ, ⴰⵣⵡⵍ ⵏⵏⵙ : ⵜⵉⵛⵓⵎⴰⵔⴰ, ⵉⴷⵉⵏⴰⵏⵏ ⵏ ⵓⵖⵡⵡⵖ ⴰⵜⵡⴰⵔⴳⵉⵢ. ⵢⵉⵡⵉ ⵓⵙⴰⵔⵓ ⴷⴷⵖ ⵜⴰⵔⵔⴰⴳⵜ ⵜⴰⵎⵇⵇⵔⴰⵏⵜ 2006 ⵏ ⵓⴷⵓⴽⵓⵎⵓⵏⵜⵉⵏ ⴰⵏⵥⵡⴰⵏ ⵏ ⵍⴰ ⵙⵙⴰⵙⵉⵎ.

2010, ⵜⴰⵎⵓ ⵜⵔⴰⴱⴱⵓⵜ ⵏ ⵜⵏⴰⵔⵉⵡⵉⵏ, ⵙ ⵡⴰⵙⵙⴰⵖ ⵏ ⴷⵣⴰⵢⵔ, ⴳ ⵓⵕⵥⵥⵓⵎ ⵏ ⵓⴱⵓⵇⴰⵍ ⴰⵎⴰⴹⵍⴰⵏ ⵏ ⵜⵛⴰⵎⵎⴰ ⵏ ⵓⴹⴰⵕ ⴳ ⵜⴼⵔⵉⵇⵜ ⵏ ⵓⵏⵥⵓⵍ.

ⴳ ⵜⵉⵣⵡⵓⵔⵉ ⵏ ⵓⵙⴳⴳⵯⴰⵙ ⵏ 2012, ⴽⵓⴷⵏⵏⴰ ⵜⵏⴽⵔ ⵙ ⵡⴰⵙⵙⴰⵖ ⵏ ⵓⵎⵓⵙⵙⵓ ⴰⵖⵍⵏⴰⵡ ⵏ ⵓⵙⵍⴻⵍⵍⵉ ⵏ ⵓⵥⴰⵡⴰⴷ, ⵉⵏⵏⴰ ⵉⵢⵢⴰⴷⵓ ⴰⴳ ⵍⵉⵛ ⵢⴰⵏ ⵡⴰⵡⴰⵍ ⵉ ⵍⵉⴱⵉⵔⴰⵙⵢⵓⵏ:" ⵎⵔ ⵙⵙⴼⵍⵉⴷⵏ ⵉ ⵉⵡⴰⵍⵉⵡⵏ ⵏⵏⵖ, ⵓⵔ ⴷ ⵏⵜⵜⴳⵓⵍⵓ ⵉⵎⴽⵉⴷⴷⵖ ⴰⵙⵙⴰ. ⵏⴽⴽⵯⵏⵉ ⴷ ⴳⴷⵓⴷ ⵏ ⵓⴼⵔⴰ ⴷ ⵜⴰⵍⵡⵉⵜ, ⵎⴰⵛⴰ ⵏⵓⴳⵉ ⴰⴷ ⴰⵏⵖ ⵙⵍⴽⵓⵏ. ⵙⵎⵎⵓⵎⵔⴰⵡ ⵏ ⵉⵙⴳⴳⵯⴰⵙⵏ ⴰⵢⴰ ⵏⵙⵙⵓⵜⵓⵔ ⵜⵉⵏⵎⴰⵍ ⵉ ⵉⵔⴱⴰⵏ ⵏⵏⵖ, ⵓⵏⴰ ⵉ ⵉⵎⵓⴷⴰⵔ ⵏⵏⵖ, ⴰⵣⵔⴼ ⵏ ⵜⴽⵙⵙⴰ ⴰⴼⵍⵍⴰ ⵏ ⵉⴽⴰⵍⵏ ⵏⵏⵖ. ⴳ ⵙⵎⵎⵓⵎⵔⴰⵡ ⵏ ⵉⵙⴳⴳⵯⴰⵙⵏ ⵓⵔ ⵏⵓⵎⵉⵥ ⵖⴰⵙ ⴰⵡⴷⵃⴰⵃ." ⵉⵢⵢⴰⴷⵓ ⴰⴳ ⵍⵉⵛ^[5].

ⴷⵉ 30 ⵢⵓⵏⵢⵓ 2012, ⵓⵔⴰⴷⵏ ⴰⵢⵜ ⵜⵏⴰⵔⵉⵡⵉⵏ ⴰⴽⴷ ⵀⵓⵜⵜ ⵔⵔⵉⴷ ⵜⵛⵉⵍⵉ ⵒⴰⵢⵒⵒⵔ ⴳ ⵚⵟⴰⴹ ⴷⵓ ⴼⵔⵓⵏⵙ.

ⵉⴳⵎⴰⵎⵏ ⵏ ⵜⵔⴰⴱⴱⵓⵜ ⵉⵜⵜⵓⵎⵓⵏ ⴳ ⵉⵙⵉⴽⵉⵍⵏ

-ⴰⵍⵃⵓⵙⴰⵢⵏⵉ ⴰⴳ ⴰⴱⴷⵓⵍⵍⴰⵀⵉ, ⵜⵜⵍⴰⵖⴰⵏ ⴰⵙ « ⴰⴱⴷⴰⵍⵍⴰⵀ », ⵇⵇⴰⵔⵏ ⴰⵙ « Catastrophe », (ⴰⴷⵉⵏⴰⵏ, ⵓⵔⴰⵔ, ⴰⴷⵢⴰⵣ)

-ⴰⵍⵃⴰⵙⴰⵏ ⴰⴳ ⵜⵜⵓⵀⴰⵎⵉ, ⵇⵇⴰⵔⵏ ⴰⵙ « ⴰⴱⵉⵏⵏ ⴰⴱⵉⵏⵏ » ⵏⵖ "ⴰⵀⴰⵔ", ⵇⵇⴰⵔⵏ ⴰⵙ « ⵉⵣⵎ ⵏ ⵜⵉⵏⵉⵔⵉ » (ⴰⴷⵉⵏⴰⵏ, ⵓⵔⴰⵔ, ⴰⴷⵢⴰⵣ)

-ⵙⴰⵖⵉⴷ ⴰⴳ ⴰⵢⵢⴰⴷ (ⵉⵇⵍⵍⴰⵍⵏ, ⴰⵙⵉⵜⵜⵢ)

-ⵉⵢⵢⴰⴷⵓ ⴰⴳ ⵍⵉⵛ (ⴰⴷⵉⵏⴰⵏ ⵏ ⵍⴰ ⴱⴰⵙⵙ, ⴰⴷⵉⵏⴰⵏ, ⴰⵙⵉⵜⵜⵢ, ⵉⵇⵍⵍⴰⵍⵏ, ⴰⴷⵢⴰⵣ)

-ⴰⴱⴷⴰⵍⵍⴰⵀ ⴰⴳ ⵍⴰⵎⵉⴷⴰ, ⵇⵇⴰⵔⵏ ⴰⵙ « ⵉⵏⵜⵉⴷⴰⵡ » (ⴰⴷⵉⵏⴰⵏ, ⵓⵔⴰⵔ, ⴰⴷⵢⴰⵣ)

-ⵡⵓⵏⵓ ⵡⴰⵍⵉⵜⵜ ⵙⵉⴷⴰⵜⵉ (ⴰⵙⵉⵜⵜⵢ, ⴰⴱⵇⵇⴰ)

-ⴽⵉⵙⴰ ⵡⴰⵍⵉⵜⵜ ⵃⴰⵎⵉⴷ (ⴰⵙⵉⵜⵜⵢ, ⴰⴱⵇⵇⴰ)

ⵡⵉⵢⵢⴰⴹ ⵉⴳⵎⴰⵏ

-ⵎⵓⵃⴰⵎⵎⴰⴷ ⴰⴳ ⵉⵜⵍⴰⵍ, ⵇⵇⴰⵔⵏ ⴰⵙ « ⴰⵊⴰⵒⵒⵓⵏⵉⵢ » (ⴰⴷⵉⵏⴰⵏ, ⵓⵔⴰⵔ, ⴰⴷⵢⴰⵣ), ⵢⴰⵎⵓ ⴳ ⵉⵜⵡⵉⵍⵏ ⴰⴷ: ⴰⵏⵣⵡⴰⵢ ⵜⵉⵙⵙ ⵚⴹⵉⵚ ⴷ ⴰⵎⴰⵏ ⵉⵎⴰⵏ.

-ⴽⵉⴹⵓ ⴰⴳ ⵓⵙⵙⴰⴷ, ⵇⵇⴰⵔⵏ ⴰⵙ « ⵅⵉⵡⴰⵊ » (ⴰⴷⵉⵏⴰⵏ, ⵓⵔⴰⵔ, ⴰⴷⵢⴰⵣ),ⵢⴰⵎⵓ ⴳ ⵉⵜⵡⵉⵍ ⵏ ⴰⵏⵣⵡⴰⵢ ⵜⵉⵙⵙ ⵚⴹⵉⵚ.

-ⵎⵉⵏⴰ ⵡⴰⵍⵉⵜⵜ ⵄⵓⵎⴰⵔ (ⴰⵙⵉⵜⵜⵢ, ⴰⴱⵇⵇⴰ); ⵜⴻⵜⵜⵎⵓⵏ ⴷ ⵜⵔⴰⴱⴱⵓⵜ ⴳ ⵉⵙⵉⴽⵉⵍⵏ ⴰⵔ ⴰⵙⴳⴳⵯⴰⵙ ⵏ 2007, ⵜⴰⵎⵓ ⴳ ⵉⵜⵡⵉⵍⵏ : ⴰⵎⵙⵙⴰⴽⵓⵍ ⴷ ⴰⵎⴰⵏ ⵉⵎⴰⵏ.

-ⵉⵍⴰⴳⴰ ⴰⴳ ⵃⴰⵎⵉⴷ (ⴰⴷⵉⵏⴰⵏ, ⴰⵙⵉⵜⵜⵢ), ⵉⵜⵜⵎⵓⵏ ⴷ ⵜⵔⴰⴱⴱⵓⵜ ⴳ ⵉⵙⵉⴽⵉⵍⵏ ⴰⵔ ⴰⵙⴳⴳⵯⴰⵙ ⵏ 2007; ⵢⴰⵎⵓ ⴳ ⵉⵜⵡⵉⵍⵏ : ⴰⵎⵙⵙⴰⴽⵓⵍ ⴷ ⴰⵎⴰⵏ ⵉⵎⴰⵏ.

-ⴼⵓⵢ ⴼⵓⵢ (ⴰⴷⵉⵏⴰⵏ, ⴰⵖⵏⵏⵊ), ⵢⴰⵎⵓ ⴳ ⵓⵜⵡⵉⵍ ⴰⵏⵣⵡⴰⵢ ⵜⵉⵙⵙ ⵚⴹⵉⵚ ⴷ ⴰⵎⴰⵏ ⵉⵎⴰⵏ .

-ⵍⵉⵢⴰ ⴰⴳ ⴰⴱⵍⵉⵍ, ⵇⵇⴰⵔⵏ ⴰⵙ « ⴹⵢⴰⵕⴰ » (ⴰⴷⵉⵏⴰⵏ, ⵓⵔⴰⵔ, ⴰⴷⵢⴰⵣ), ⵢⴰⵎⵓ ⴳ ⵓⵜⵡⵉⵍ ⵏ ⵉⵎⵉⴷⵉⵡⴰⵏ :ⵉⵎⴷⴷⵓⴽⴽⴰⵍ ⴷ ⵜⵉⵏⵉⵔⵉ ⴷ ⴱⴰⵎⴰⴽⵓ.

-ⵙⴰⵏⵓ ⴰⴳ ⴰⵃⵎⴰⴷ, ⵢⴰⵎⵓ ⴳ ⵓⵜⵡⵉⵍ ⵏ ⵉⵎⵉⴷⵉⵡⴰⵏ : ⵉⵎⴷⴷⵓⴽⴽⴰⵍ.

-ⵙⵡⴰⵢⵍⵓⵎ

ⵉⵜⵡⵉⵍⵏ

-1992: ⵜⵉⵏⵉⵔⵉ

-1692: ⴱⴰⵎⴰⴽⵓ

-2002: ⴰⵏⵣⵡⴰⵢ ⵡⵉⵙⵙ ⵚⴹⵉⵚ

-2004: ⴰⵎⵙⵙⴰⴽⵓⵍ

-2006: ⵉⵎⴰⵏ ⵉⵎⵖⵡⵡⵖⵏ ⵏ ⵜⵏⵉⵔⵉ ⵜⴰⴼⵔⵉⵇⴰⵏⵜ, DVD (ⵢⵓⵎⴰ ⴰⵙⴰⵔⵓ ⵏ ⵊⵉⵖⵉⵎⵉ ⵔⴰⵢⴽⵏⴱⴰⵅ, ⵉⴷⵉⵏⴰⵏ ⵏ ⵓⵖⵡⵡⵖ ⴰⵜⵡⴰⵔⴳⵉⵢ)

-2007: ⴰⵎⴰⵏ ⵉⵎⴰⵏ

-2009:ⵉⵎⵉⴷⵉⵡⴰⵏ : ⵉⵎⴷⴷⵓⴽⴽⴰⵍ

-2011: ⵜⴰⵚⵉⵍⵉ

-2014: ⵄⵎⵎⴰⵔ

ⵜⴰⵔⵔⴰⴳⵉⵏ

2012: ⵜⴰⵔⵔⴰⴳⵜ ⵏ ⵓⵜⵡⵉⵍ ⴰⵎⵓⴼⴰⵢ, ⴰⵏⴰⵡ ⵏ "ⵉⵥⴰⵡⴰⵏⵏ ⵓ ⵎⴰⴹⴰⵍ" ⵏ ⴳⵔⴰⵎⵉ ⴰⵡⴰⵔⴷⵣ, ⴰⵜⵡⵉⵍ ⵏ ⵜⴰⵚⵉⵍⵉ.

ⵜⵉⵢⵢⴰⴹ ⵜⵔⴰⴱⴱⵓⵜⵉⵏ

ⴰⴷⵍⵙⵓⵎⵓⵖ

wp/tzm/ⴰⵥⴰⵡⴰⵏ ⴰⵎⴰⵣⵉⵖ wp/tzm/ⴰⵥⴰⵡⴰⵏ wp/tzm wp/fr: Tinariwen wp/ar:تيناروين wp/es:Tinariwen wp/en:Tinariwen wp/tak:Tinariwen

--Amessakoul (talk) 15:46, 18 June 2015 (UTC)[reply]

↑ (en)Blues From the Desert, Recorded On-Site [archive] dans The New York Times du 31 août 2011.
↑ Tinariwen [archive] dans Le Figaro du 20 septembre 2011
↑ Histoire du Monde : histoire d'un disque [archive] sur le site de la RTBF le 27 février 2012.
↑ La résistance sahraouie a Gdaïm Izig [archive], ouvrage collectif, coll. L'Ouest saharien vol. 8, in Cahiers d'études pluridisciplinaires, éditions L'Harmattan, 2012, (ISBN 9782296992337), pp. 178-179.
↑ Tinariwen, branché désert [archive] par François-Xavier Gomez, dans Libération du 2 avril 2012.

[1] (en)Blues From the Desert, Recorded On-Site [archive] dans The New York Times du 31 août 2011.

[2] Tinariwen [archive] dans Le Figaro du 20 septembre 2011

[3] Histoire du Monde : histoire d'un disque [archive] sur le site de la RTBF le 27 février 2012.

[4] La résistance sahraouie a Gdaïm Izig [archive], ouvrage collectif, coll. L'Ouest saharien vol. 8, in Cahiers d'études pluridisciplinaires, éditions L'Harmattan, 2012, (ISBN 9782296992337), pp. 178-179.

[5] Tinariwen, branché désert [archive] par François-Xavier Gomez, dans Libération du 2 avril 2012.

[1]

[2]

[3]

[4]

[5]