Wp/tzm/ⵜⴰⵙⴷⴰⵡⵉⵜ ⵏ ⴽⵓⵍⵓⵎⴱⵢⴰ
ⵜⴰⵙⴷⴰⵡⵉⵜ ⵏ ⴽⵓⵍⵓⵎⴱⵢⴰ (ⵙ ⵜⴰⵏⴳⵍⵉⵣⵉⵜ: Columbia University) ⵜⴳⴰ ⵢⴰⵜ ⵙⴳ 8 ⵏ ⵜⵙⴷⴰⵡⵉⵢⵉⵏ ⵜⵉⵎⵇⵇⵔⴰⵏⵉⵏ ⴷⵉ ⵎⴰⵔⵉⴽⴰⵏ (USA) ⵓⵎⵉ ⵖⵖⴰⵔⴻⵏ ⵉⵖⵢ ⵍⴻⴰⴳⵓⴻ. ⵜⴰ ⴷ ⵜⴰⵙⴷⴰⵡⵉⵜ ⵜⵓⵙⵍⵉⴳⵜ (privée), ⵜⵣⴳⴰ ⴷⵉ ⵜⵉⵖⵔⵎⵜ ⵏ ⵏⵢⵓ ⵢⵓⵔⴽ, ⵢⴻⵔⵏⴰ ⴷ ⵏⵜⵜⴰⵜ ⴰⵢ ⴷ ⵜⴰⵙⴷⴰⵡⵉⵜ ⵜⴰⵇⴱⵓⵔⵜ ⴰⴽⴽ ⵏ ⵓⵡⴰⵏⴰⴽ ⵏ ⵏⵢⵓ ⵢⵓⵔⴽ. ⵢⴻⵙⵙⴱⴷⴻⴷ ⵜⵜⵉⴷ ⵓⴳⵍⵍⵉⴷ ⵏ ⴱⵔⵉⵟⴰⵏⵢⴰ ⵜⴰⵎⵇⵇⵔⴰⵏⵜ ⵊⵓⵔⵊ 2 ⴳ ⵓⵙⴳⴳⵯⴰⵙ 1754. ⵜⴰⵙⴷⴰⵡⵉⵜ ⵏ ⴽⵓⵍⵓⵎⴱⵢⴰ ⵜⴻⵟⵟⴰⴼ 4 ⵏ ⵡⴰⵎⵎⴰⵙⵏ ⵏⵉⴹⵏ ⴱⵕⵕⴰ ⵏ ⵎⴰⵔⵉⴽⴰⵏ: ⵢⵉⵡⵏ ⴳ ⵄⴰⵎⵎⴰⵏ ⴷⵉ ⵍⵓⵕⴷⵓⵏ, ⵡⴰⵢⴹ ⴳ ⴱⵉⴽⵉⵏ ⴷⵉ ⵛⵛⵉⵏⵡⴰ, ⵡⴰⵢⴰⴹ ⴳ ⴱⴰⵔⵉⵣ ⴷⵉ ⴼⵕⴰⵏⵙⴰ, ⴷ ⵡⴰⵢⴹ ⴳ ⵎⵓⵎⴱⴰⵢ ⴳ ⵍⵀⴻⵏⴷ. ⵜⴰⵙⴷⴰⵡⵉⵜ ⵏ ⴽⵓⵍⵓⵎⴱⵉⴰ ⵏⵜⵜⴰⵜ ⴰⵢ ⵢⴱⴹⴰⵏ ⵜⴰⵙⵎⵖⵓⵔⵜ ⵏ ⴱⵓⵍⵉⵜⵣⴻⵔ ⵢⴰⵍ ⴰⵙⴳⴳⵯⴰⵙ. ⴷⴰⵖⴻⵏ, ⴰⵟⵟⴰⵙ ⵙⴳ ⵡⵉⴷ ⵢⵉⵡⵉⵏ ⵜⴰⵙⵎⵖⵓⵔⵜ ⵏ ⵏⵓⴱⵍ ⵖⵔⴰⵏ ⴳ ⵜⵙⴷⴰⵡⵉⵜ ⴰⴷ. ⴳⵔ ⵡⵉⴷ ⵢⵖⵔⴰⵏ ⴳ ⵜⵙⴷⴰⵡⵉⵜ ⴰⴷ, ⵍⵍⴰⵏ 4 ⵏ ⵢⵔⴳⴰⵣⵏ ⴰⵢ ⵢⴻⵇⵇⵍⵏ ⴷ ⵉⵙⵍⵡⴰⵢⵏ ⵏ ⵜⵉⵡⵉⵏⴰⴽ ⵢⴻⴷⴷⵓⴽⴽⵍⵏ, 26 ⵏ ⵢⵉⵎⴷⴰⵏⵏ ⴰⵢ ⵢⴻⵇⵇⵍⵏ ⴷ ⵉⵎⴹⴻⴱⴱⵔⵏ ⵏ ⵜⵎⵓⵔⴰ ⵜⵉⴱⵕⵕⴰⵏⵉⵢⵉⵏ, 97 ⵏ ⵢⴻⵎⴷⴰⵏⵏ ⴰⵢ ⵉⵔⴱⵃⵏ ⴰⵔⵔⴰⵣ ⵏ ⵏⵓⴱⵍ, 101 ⵏ ⵢⴻⵎⴷⴰⵏⵏ ⴰⵢ ⵉⵔⴱⵃⵏ ⴰⵔⵔⴰⵣ ⵏ ⴱⵓⵍⵉⵜⵣⴻⵔ, 25 ⵏ ⵢⴻⵎⴷⴰⵏⵏ ⴰⵢ ⵉⵔⴱⵃⵏ ⴰⵔⵔⴰⵣ ⵏ Academy Award. ⴷⴰⵖⴻⵏ, 30 ⵙⴳ ⵡⵉⴷ ⴰⵢ ⵢⵖⵔⴰⵏ ⴳ ⵜⵙⴷⴰⵡⵉⵜ ⵏ ⴽⵓⵍⵓⵎⴱⵉⴰ ⵔⴱⵃⵏ ⵜⴰⵎⴰⴷⴰⵢⵜ ⵜⴰⵏⴰⵎⵓⵔⵜ ⵏ ⵜⵓⵙⵙⵏⴰ (National Medal of Science).