Wp/tzm/ⵜⴰⵀⵏⴷⵓⵙⵉⵜ

ⵜⴰⵀⵏⴷⵓⵙⵉⵜ ⵏⵜⵜⴰⵜ ⴷ ⴰⵙⴳⴷ (ⴷⴷⵉⵏ) ⵜⵍⵍⴰ ⴷⵉ ⵜⵎⵓⵔⵜ ⵏ ⵍⵀⵏⴷ. ⵡⵉⴷ ⵢⵜⵜⴹⴰⴼⴰⵔⵏ ⵜⴰⵀⵏⴷⵓⵙⵉⵜ ⵜⵜⵡⴰⵍⵉⵏ ⵜⴰⵕⵡⵉⵃⵜ ⵏ ⵢⴰⵍ ⴰⵎⵅⵍⵓⵇ ⴰⵎⵓⴷⴷⵉⵔ ⵜⵇⵇⵏ ⵖⵔ ⵜⵕⵡⵉⵃⵜ ⵜⴰⵎⵖⵔⴰⴷⵉⵜ (ⵓⵏⵉⴹⵔⵙⵍⵍ). ⵜⴰⵀⵏⴷⵓⵙⵉⵜ ⵜⴷⴷⴰⴷ ⵙⴳ ⴰⵙⴳⴷ (ⴷⴷⵉⵏ) ⴰⵇⴱⵓⵔ ⵏⵏⴰ ⴷ ⵉⵡⵉⵏ ⵡⴰⵕⵉⵢⵏ ⵖⵔ ⵍⵀⵏⴷ ⴳ ⵍⵇⵔⵏ ⵡⵉⵙ 18 ⵇⴱⵍ ⵜⴰⵍⴰⵍⵉⵜ ⵙⵉⴷⵏⴰ ⵄⵉⵙⴰ. ⵍⵍⵙⴰⵙ ⵏ ⵜⵀⵏⴷⵓⵙⵉⵜ ⵔⵙⴰⵏ ⴳ ⵉⴷⵍⵉⵙⵏ ⵉⵎⵇⴷⴷⵙⵏ ⵏ ⴹⴷⴰ ⴷ ⵓⵒⴰⵏⵉⵙⴰⴷ, ⵢⵔⵏⴰ ⴰⵢⵏ ⴰⵢ ⵙⵙⵍⵎⴰⴷⵏ ⵉⵛⵓⴱⴰ ⴰⵢⵏ ⴰⵢ ⴷ-ⵜⵙⵙⵍⵎⴰⴷ ⵜⴱⵓⴷⵉⵜ (ⴰⵙⵎⵉ ⵢⵎⵎⵓⵜ ⵢⵉⵡⵏ, ⴰⴷ ⵉⵄⴰⵡⴷ ⴰⴷ ⵉⵍⴰⵍ, ⵢⵔⵏⴰ ⵢⵙⵙⴼⴽ ⵖⴼ ⵡⵓⵎⴷⴰⵏ ⴰⴷ ⵉⵡⵜ ⴰⴽⴽⵏ ⴰⴷ ⵢⵙⵍⴻⵍⵍⵉ ⵉⵎⴰⵏ ⵏⵏⵙ ⵙⴳ ⵜⵎⴷⵡⵡⵕⵜ ⴰⴷ ⵏ ⵜⵎⵜⵜⴰⵏⵜ ⴷ ⵜⵍⴰⵍⵉⵜ ⴱⴰⵛ ⴰⴷ ⵢⴰⵡⴹ ⵖⵔ ⵜⴳⵏⵉⵜ ⵏ ⵏⵉⵔⴹⴰⵏⴰ, ⴰⵢⴷⴳ ⵓⵔ ⵢⵜⵜⵃⵓⵍⴼⵓ ⵉ ⵍⵇⵔⵃ ⵏ ⵜⵎⴷⴷⵓⵔⵜ). ⵉⵀⵏⴷⵓⵙⵉⵢⵏ ⵜⵜⴰⵎⵏⴻⵏ ⵙ ⵢⵉⵡⵏ ⵏ "ⵓⵎⵏⵣⴰⵢ ⴰⵎⵖⵔⴰⴷⵉ [ⵒⵔⵉⵏⵛⵉⵒ ⵓⵏⵉⴹⵔⵙⵍ]", ⴰⵎ ⵡⴰⴽⴽⵏ ⴰⵢ ⵍⵍⴰⵏ ⵢⵉⵢⵓⵛⵏ (ⵉⵕⴱⴱⵉⵜⵏ) ⴰⵢ ⵢⴷⴷⵔⵏ ⴷⴷⴰⵡ ⵓⵎⵏⵣⴰⵢ ⴰⴷ (ⴰⵎ ⵉⵏⴷⵔⴰ, ⴱⵕⴰⵃⵎⴰ, ⴹⵉⵙⵀⵏⵓ ⴷ ⵙⵀⵉⴹⴰ), ⴷ ⵡⵉⴷ ⴰⵢ ⵄⴱⴱⴷⵏ ⵉⵀⵏⴷⵓⵙⵉⵢⵏ. ⵙⴳ ⵜⴰⵎⴰ ⵏⵉⴹⵏ, ⵜⴰⵀⵏⴷⵓⵙⵉⵜ ⵜⴱⴹⴰ ⵜⵉⵎⵜⵜⵉ ⴷ ⵜⵉⵙⵙⵉⵡⵉⵏ , ⴽⵓ ⵢⵉⵡⵜ ⵜⴽⴽⴰⴷ ⵏⵏⵉⴳ ⵜⴰⵢⴹ. ⵍⵍⴰⵏ ⴰⵟⵟⴰⵙ ⵏ ⵍⵎⴷⴰⵀⵉⴱ ⵏ ⵜⵀⵏⴷⵓⵙⵉⵜ (ⵜⴰⴹⵉⵛⵏⵓⵡⵉⵜ, ⵜⴰⵛⵉⴹⴰⵢⵉⵜ, ⵜⴰⵜⴰⵏⵜⵔⵉⵜ), ⵖⵓⵔⵙ ⴰⵟⴰⵙ ⵏ ⵜⵟⴰⵢⴼⵉⵡ ⵉⵏ (ⵙⵛⵜⵙ) ⴰⵢ ⴷ-ⵢⴼⵔⵓⵔⵅⵏ ⵙⴳⵙⵏ.