Wp/tzm/ⵙⵉⵍⴼⴰⴷⵓⵔ ⵉⵙⴱⵉⵔⵓ
ⵙⵉⵍⴼⴰⴷⵓⵔ ⵉⵙⴱⵉⵔⵓ ⵉⵍⵓⵍ ⴷⵉ 1913 ⴷⵉ ⴱⴰⵔⵛⴰⵍⵓⵏⴰ. ⴰⵙⴳⴳⵡⴰⵙ ⵏ 2013 ⴳⴳⵉⵏ ⵜ ⴷ ⴰⵙⴳⴳⵯⵡⴰⵙ ⵉⵏⵙ ⴷⵉ ⴽⴰⵜⴰⵍⵓⵏⵢⴰ ⵓⵎⵉ ⵉⴽⵎⵎⵍ 100 ⵉⵙⴳⴳⵡⵓⵙⴰ ⵣⴳⴳⵡⴰⵎⵉ ⴷ ⵉⵍⵓⵍ. ⴷ ⴰⵎⴰⵔⴰⵢ ⴷ ⴰⴽⴰⵜⴰⵍⴰⵏ ⴷ ⴰⵎⵇⵇⵔⴰⵏ. ⵉⵥⵔⴰ ⴰⵥⵉⵢⵢⴰⵔ ⴷ ⵓⵊⵉⵢⵢⴼ ⵉ ⵜⵉⴷⵉⵔ ⵜⴽⴰⵜⴰⵍⴰⵏⵜ ⵅ ⵓⴼⵓⵙ ⵏ ⴼⵔⴰⵏⴽⵓ. ⵉⵡⵡⵉ ⴷ ⴰⵟⵟⴰⵚ ⵏ ⵉⵙⴳⴳⵡⵓⵙⴰ ⵉⴳⴳⵡⴰⵎⴰ ⴰⴷ ⵢⴰⵔⵉ ⵓⵍⴰ ⴰⴷ ⵉⴼⵙⵔ ⵎⵉⵏ ⵉⵜⵜⴰⵔⵉ. ⴰⵙⴳⴳⵡⴰⵙ ⵏ 1966 ⵉⴳⴳⴰ ⴰⴳ ⵉⵎⴰⵔⴰⵢⵏ ⵏⵏⵖⵏⵉ ⵜⴰⵎⵙⵎⵓⵏⵜ ⵏ ⵉⵎⴰⵔⴰⵢⵏ ⵙ ⵜⵓⵜⵍⴰⵢⵜ ⵜⴰⴽⴰⵜⴰⵍⴰⵏⵜ ⵃⵓⵎⴰ ⵜⴰⵙⴽⵍⴰ ⵜⴰⴽⴰⵜⴰⵍⴰⵏⵜ ⵡⴰⵔ ⵜⵜⵜⵎⵜⵜⵉ. ⵎⴰⵏⴰⵢⴰ ⵉⵜⵜⵡⴰⵟⵟⴼ ⵅⴰⵙ ⴰ ⵍⵃⴱⵙ. ⵢⵓⵔⵉ ⴰⵟⵟⴰⵚ ⵏ ⵉⴷⵍⵉⵙⵏ ⴷ ⵓⵏⴳⴰⵍⵏ, ⴰⵎⵣⴳⵓⵏ ⴷ ⵓⵙⴼⵔⵓ, ⵉⵜⵜⵡⴰⵙⵙⵏ ⵣⵣⴳⵙⵏ ⵇⵇⴰⵄ ⴽⵜⴰⵔ ⴰⵙⴼⵔⵓ: ⵀ ⵎⵉⵔⴰⵜ ⴰⵇⵓⵙⵜⴰ ⵜⵔⵔⴰ (ⵅⵣⴰⵔⵖ ⴷⵉ ⵜⵎⵓⵔⵜ ⴰ) ⵢⵓⵔⴰ ⵜ ⵅ ⴽⴰⵜⴰⵍⵓⵏⵢⴰ. ⵉⵜⵜⵡⴰⵙⵎⵎⴰ: ⵡⵏⵏⵉ ⵉ ⴷ ⵉⴼⴽⴽⵏ ⴰⵡⴰⵍⵏ ⵣⵉ ⵜⵎⵜⵜⵓⵏⵜ (ⵍⵎⵓⵡⵜ). ⴰⵙⴳⴳⵡⴰⵙ ⴰ, ⵎⴰⵏⵉ ⵎⴰ ⴷⵉ ⴽⴰⵜⴰⵍⵓⵏⵢⴰ, ⵇⵇⴰⵔⵏ ⵉⵙⴼⵔⴰ ⵉⵏⵙ, ⵜⵜⵉⵔⴰⵔⵏ ⵜⵉⵎⵣⴳⵓⵏⵉⵏ ⵉⵏⵙ, ⵜⵜⴳⴳⵏ ⵉⵎⵙⴰⴳⴰⵔⵏ ⵅ ⵎⵉⵏ ⵢⵓⵔⴰ ⴷ ⵎⵉⵏ ⵢⵓⵛⴰ ⵉ ⵜⵙⴽⵍⴰ ⴷ ⵜⵓⵜⵍⴰⵢⵜ ⵜⵉⴽⴰⵜⴰⵍⴰⵏⵉⵏ