Wp/tvl/Ekalesia Tonu a Iesu
A te "Ekalesia Tonu a Iesu" se ekalesia tu-tokotasi tela ne fakatuu i Beijing, Saina i 1917. I aso nei, e fakatautau pela me se 2.5 miliona o tino ko 'kau i ei i atufenua e fasefulu valu kae ono a konitineta. A te ekalesia e a te potukau Penetekoso tela se vaega o te Lotu Kelisiano tela ne sae aka i te kamataga o te luasefulu senitenali. A latou e fakamoemoe ke talai ne latou a te tala'lei ki maaloo katoa mai i mua o te Lua o Fokimaiga o Iesu. A te talitonuga taaua e sefulu o te ekalesia e penei:
- Agaga Tapu: "A te maua o te Agaga Tapu, molimaugina ne te faipati ki 'gana valevale, ko te fakamaoniga o te tou tofi i te Maaloo o te Lagi".
- Papatisoga: "A te papatisoga ki te vai ko te sakalameta mo te fakamagaloga o agasala e pela foki mo te fakafouga. A te opapatiisoga e fai i te vai ola o te natula, e pela mo te vaitafe, te tau, io me i se vau tela e 'puna aka mai i te laukele. A te Tino Fai Papatisoga, tela ko leva ne maua ne ia a te papatisoga o te vai mo te Agaga Tapu e fai ne ia a te papatisoga i te igoa o te Aliki ko Iesu Keliso. Kae ko te tino tela ka maua ne ia a te papatisoga e 'tau o 'lomi katoatoa ki lalo i te vai mo te ulu e ifo ki mua kae 'fuli ki lalo".
- 'Fuluga o Vae: "A te sakalameta o te mulumuluga o vae e fai ne ia a te tino ke mafai ne ia ke isi sena vaega mo te Aliki ko Iesu. E fai foki e pela me se fakamasauaaga tumau me i te tino e 'tau o iai i a ia a te alofa, olaga tapu, loto maulalo, fakamagalogaga mo te galuega. So se tino tela ko oti ne maua ne ia a te papatisoga o te vai e 'tau o mulumulugina a olotou vae i te igoa o Iesu Keliso. A te fakatyau mulumulu o vae e mafai o fai i so se taimi tela e 'tau".
- 'Kaiga Tapu a te Aliki
- Te Aso Sapati
- Iesu Keliso
- Te Tusitapu
- Fakaolataga
- Te ekalesia
- Fakamasinoga Fakaoti