Wp/tun/Tishlinashihpari

Tishlinashihpari (Latini: Erythrina herbacea, Ingrasa: coral bean, Pilanchi: mamou)

Tishlinashihpari tihikatɛpan uhkpirakati. Uhktɛnakɔla mili, churuni. Uhktɛrashki alanahku pokati. Tishlinashihpari ɔshka tupa. Chahka uhkyahoni uhkara. Tosu tahawohkuni mashuku, tosu mili likahta uhkara. Hali tɛkaha kichu, kata hahchu hɛntohku urahch, rawishtuku. Tahch’ihchi tihktawɛhani kashku uhkwana.

Kaku uhkɔhkali kichu tishlinashihpari sahku hushuw’ihch, uhkkɛmakatik Sesostrie Youchigantku niwi. Hinahkuhch, tishlinashihpari ɔshka hirani. Tachahtaku tishlinashihpari tɛrashki chu mariwihch, wishihiranyimohku yaku. Talibamaku tishlinashihpari ɔshka chu mariwihch, hirani mashukuman oni nuhchisinima sinkyuwaku sinyuni yasha yatihch. Takiriyɔlku tishlinashihpari ɔshka chu mariwihch, yashi opushka hirani mashuku.