Wp/tun/Kapashkɔla

Kapashkɔla (Latini: Viola spp.; Ingrasa: violet; Pilanchi: crête de coq)

Kapashkɔla kashku, tihikiasahku; kapashkɔla sahu, tihikatɛpan. Kapashkɔla kashku, rihkutohku. Kapashkɔla panu, tɛrashki ohniyunahku ohtini. Uhktɛnakɔla ɔshta, rɔwa, ahak’ihch kayi. Ɔshka hayihta tɛrashk’ɛm’ahahta, kɔla sahku raku. Uhktɛnakɔla choka sinku. Choka sahkɔt tika, ut’ɔma, luleyuku. Kapashkɔla hali haluhta wala raku.

Kapashkɔla halani

Tayoroniku kapashkɔla ɔshka wɛra mariwi. Hinyatihch, ɔshka wishi kichu tohuku. Sehinta, oni ushtosu yasha yatihch, kapashkɔla wishihta uhksoluwan chuku. Oni osini yasha yatihch, Tachalakiku kapashkɔla tɛrashkihta yimohkucha mashuku. Tihikatohku yatihch, Tachalakiku kapashkɔla wishiyimohku mashuku. Oni tashkirupamili yatihch, oni uhutihch, oni yupahta tapitihch, hɛwishiyimohku uhksoluwan kɔraku. Tachalakiku, hahka tosu, kapashkɔla ɔshka wishiyimohku kichu, shila hapawan tohuku. Hinyatihch, hahka tapaku.