Wp/tun/Hokokura

Hokokura (rihkuhiranwista otisa sahu; Latini: Sambucus canadensis; Ingrasa: elderberry; Pilanchi: sureau)

Hokokura halani

Hokokura rihku tohku. Uhkrihku lamihta. Kathotu raku. Hinahkushkan, kata Tahch’ihchi panu wɛhatihch, lapuya rakuk. Uhktɛnakɔla rɔwa, tohku. Ka’ash uhkelu samatihch, meli uhkpir’aki. Uhktahkishi kɔtashtohku, washa. Uhktɛrashki amayisahkulehe, kɔrasha, tahɛsaninahku. Hokokura ɔshka atɛhkala lamihta panuhchikashi, rasht’ɛhɛ uhkhel’ɔtashtuku.

Onimahonisɛma namu hokokura mari chukata. Yasha uhkyatihch, uhkwihtihch, Tahumaku hokokura tahkishi pɔhtahkuta. Wishitɔrahta mashukata hokokura uhkeluhta. Hɛhirani kɔrakata. Tahumaku alatashuru mashuku hokokura ɔshkahta. Tachalakiku kuhpani sahusɛm’ama sihkwan’akihch, hokokura tɛnakɔla wishiyimohku kɔrakata.