Wp/tru/Suriya
Suriya Aṭro ³araboyo bAsia yo. buTayımno Suriya kitla Ḥdud ³am Urdun u Isroel. BuMa³erbo kito uLibnan u uYamo ḥeworo. Turkiya buGarbyo yo u buMadenḥo u3raq yo.
Şerşo duIşmo[edit | edit source]
uIşmo diDawlaṭe koṭe muLeşono Yawnoyo. Meqım a3araboye ummiwa liDukṭaṭe "bilad al-şam".
3amo[edit | edit source]
iĞılbaye du 3amo ko³oyeş baMḍinoṭo Şam, Ḥalab, Ḥoms u Latakia. iNaqa diŞato 1915 Suriya bes kitweyla ḥḍoray 1,5 Milyun 3omure. Boṭır miNaqayo u3amo bNaqa sayıd u u³do kito 20.960.588 3omure bSuriya. Kito Jama³at rabe bAṭrawoṭo Brazilia, aw Argentinya, aw Venezuela. Meqım ğalabe maSuriye mşiḥoye mahasmiwa lAmerika.
Jğır ma3araboye bSuriya kito ğalabe 3ame na³ime. buGarbyo biDukṭo hawır diQamişlo u diḤasake ko³ayşi aKurdoye. aKurdoye ağlab meneye aṭın lSuriya boṭır miŞato 1915 u hul u³do lo komitaqıbli muAṭro suri. 3alhawxa latte Passaporte suriye. Welaw uMenyonaṭe hawi % 9 bu3amo kule heş komıḥşowi Nuxroye . Boṭır muSayfo ğalabe manArmnoye mahsamme lSuriya. uMenyonaṭe hawi % 2-3 bu3amo suri. Ağlab meneye ko³ayşi baMḍinoṭo. Hul u³do ste kito Turkmanoye miNaqa duZabno da3utmanoye fayişi tamo.
U Kito ğalabe Suryoye ste bSuriya. Ham Oromoye ne u ham koḥişwi ruḥeye Oṭuroye. iĞılbaye maSuryoye ko³ayşo biḤasake. U biḤaraytaṭe aṭın aFalesṫinoye laDukoṫe hawır duŞam. Hinne ste lo komitaqabli muAṭro suri xud daKurdoye. miNaqa dmayeṭ Ṥaddam Ḥusseyin kito ğalabe 3raqoye ste bSuriya.
Leşone[edit | edit source]
uLeşono resmi dSuriya u3arabi fisḥa yo. Elo kito ğalabe Leşone ğer ste komitajğıli bu3amo. aKurdoye komijğoli bKurdoyo u kito Dukoṫe aNoşe bas bSuryoyo oromoyo komijğoli. Maṭlo bMa³lula u3amo heş komijğal buSuwodo oromoyo dMşiḥo. buGarbyo biQamişlo kito Suryoye dkitne asas me Turkiya, ³alhaṭe aNoşani komijğoli bṪuroyo. Jğer maLeşonani uArmnoyo ste komitajğal bSuriya. U heş kito ğalabe Noşe dkod³i uFranzawi miNaqa duZabno Suriya kitwa daḥt duŞulṫono daFranzawiye.