Wp/tmr/אברהם
אברהם (ברישא איתקרי אברם, מיתקרי נמי אברהם עבראה, אי נמי אברהם אבון) הוה אבא קמא מן תלתא אבהתא. איהו הוה אבוהון דישמעאל ויצחק, ואבא דאבוהון דיעקב ועשו.
חיותיה
[edit | edit source]אברהם אתייליד בשמא "אברם", בשתא א'תתקמ"ח לשתא דאברי עלמא, לאבוהי תרח ולאימיה אמתלאי ברת כרנבו.
אברם נפק מאור כשדים בהדי אבוהי תרח, איתתיה שרי (דהוות עקרתא), ובר אחתיה לוט, אדעתא לממטי לארעא דכנען. מיהו, כי אתו לחרן איתיבו התם, ולא אזלו לארעא דכנען. כי הוה בר שבעין וחמשא שנין, איתגלי ליה קודשא בריך הוא ואמר ליה למיזל מארעיה ובי אבוהי, לארעא דיחוי ליה. ותו אבטח ליה, דיהוי לעמא רבא, ויתרבי שמיה, ויזכי לברכתא.
אזל כמאי דאמר ליה קב"ה, ואתא לארעא דכנען, בהדי דביתהו, בר אחתיה, ו"כולי נפשתא דעבוד בחרן". ברישא אתא לשכם ואלון מורה, ובני מדבחא לשמיה דרחמנא. לבתר אתא לבית אל, והתם נמי בני מדבחא, וקרי בשמיה דרחמנא.