Wp/tig/Main Page/ተእሪክ እርትርየ/ምህሮ 43 - ናይ ሰውረት እርትርየ መርሐለት ህጅማት እስትራተጂ አስክ ዐውቱ ቫምለት (1988-1991)

ለትትስኤ ፍገሪት ድራሰት

· እት ደንጎበ ናይ እሊ ደርስ አሊ ደረሰ፡ እብ ክሱስ እሊ ለተሌ ጋራት ፈህም መአንብታይ እግል ልርከቦ ልትሰአው።

· መትደውሻሽ ናደው እዝ ወምህመት አእስትራተጂሁ

· ሰውረት እርትርየ እት ፍንጌ ናደው ወፈንቅል እተ ዐለት መደት

· ዐመልየት ፈንቅል

· ናይ ደንጎበ ምስዳራት እግል ሕርየት እርትርየ ቫምለት

· መሲረት ህድግ ምስል ሕክም ደርግ ወመባጥር ጅ . ሺ . ተ . እ .

· ሐቆ ካልኣይ ወናይ ውሕደት ሙእተመር፡ ጅ . ሺ . እት ክሉ መጃላት ግድላህ እንዴ አደቀበት ወአንሸጠት። ዐውቴቱታት ዐበዪ ሰጀለት። እት ሰነት 1987 ምስል አባይ ሌጠ 168 መዕረከት ወዴት። አሊ ለመብዝሑ ግረ ' ሳትሮታት አባይ ለገብአ መዓርክ እት አባይ ኣለ ዐባይ ወደ። ወአግል ናይ ሰውረት እርትርየ ህችማት እስትራተጅያይ ገበይ አጥፈሐ።

መትደውሻሽ ናደው እዝ፡ ድዩን - ብጹይ ፉ እት እርትርየ

· መትደውሻሽ ናደው እዝ አሰር ካላኣይ ወናይ ውሕደት ሙእተመር ለሐስለ ሜዛን ሒለት ዐስከርየት እት መስለሐት ሰውረት እርትርየ ለበደለት መንፈዐት እስትራተጅየት ዐባይ ለዐለት አግለ ዐመልየት ፈዳቢት ተ። “ ናደው እዝ " እት ጀብህት ነቅፈ ወአፍዐበት ሴዕ ሰነት እብ ግዲደን . ዕስኩር ወሻፍፍ ለዐለ ዝያድ 22 አልፍ ዕስከሪ ለዐለ እግሉ ዴሽ ቱ። ዴሽ ሸዕቢ ቀደመ ' ናደው ለደከ ' እበ መዕረከት፡ እት ወሬሕ ዲሰምበር ሰነት 1987 ህም እስትራተጂ እንዴ ወደ፡ መሳክቡ እትጡፎሕ ዐለ።

· ሐቆ መደት ብዝሕት ለጠልበ መዳሊት ትሩድ ወምስጢራይ፡ ዴሽ ሸዕቢ ምን ዮም 17-19 ማርስ ሰነት 1988 እብ ሰለስ እንክር እት ናደው ዘብጥ ፈትሐ። እብ እንክር ድገለባይ አስክ አገንን በሐር እንዴ ደነ ’ አወድግ ወሳሳት ሸለብ ወአዝህረ እንዴ ገፍለ፡ እግለ ' ምን አፍዐበት አስክ ምፍጋር - ጸሓይ እግል ልህረብ ለጀረበ ዲሽ ከርዐ። እብ ደብህት ምግበይት፡ እብ እንክር ሕሊል ሕዳይ ለዐለ አግደ ሳትሮታት አባይ ህጅመ። እብ እንክር ድማናይ ለቀንጸ ዱሽ ፳ሸ . ህዪ፡ እግለ ' እቱ ሻፍፍ ለዐለ 21 ክፍሌ - ጦር አባይ ህጅመ። ምን - ረሐር እንዴ ዶረ ገበይ አፍዐበት - ከረን ለበትከ ዴሽ ሸዕቢመ ዐለ።

· ዴሽ ሸዕቢ ክምሰለ ' እለ ብርሙጅ ዐለ፡ እት ዕስረ ወአርበዕ ሳዐት እት ዮም 19 ማርስ አስቦሕ አፍዐበት ሐረረ። ደርግ ምነ ' 22 አልፍ ዴሽ ድሩ ' ብ ወጅሩብ ሐድ 18 አልፍ ( እሊ 20 ፡ ናይ ክሉ ዱዴሽ ደርግ በህለት ቱ ) ምን ማይት እት ድሞዕ ወጽቡጥ ገብአ። እግል አወል መረ ' ት ህዬ መጦሩ ምነ ብጉሳም ዐለው ውላድ ሶኩት፣ ክልኦት ኮሎኔል ወዎሮት መስኡል 100 ( ሞቶ - ኣለቀ ') ለብእቶም መስኡሊን ትጸበጠው። 50 ደባበት፣ 100 ዐረብየት፡ 60 መድፈዕ፡ 20 ድድ ጥያራት ረሻሽ ወዐስሮታት ኣላፍ ምን ስለሕ ቀሊል ብዕድ ምልክ ሰውረት ገብአ ምኖም።

· ፍገሪት ናደው እዝ ወሐቆ ናደው ለዐለ ተጠውር፡ ጅ . ሺ . እት ጀብህት ሐልሐል ለጠለቀቱ ህም፣ ደርግ ተሰነይ፡ ዐሊ - ግድር፡ ባረንቱ ወአቅርደት እንዴ ጠለቀ እት ቅብለት - ከረን እንዴዱ ሸፈ ’ እግል ልካፊሕ ዱዴሹ ሐየበ።

· ለእሙር ባሕስ ወኬትባይ ተእሪክ አፍሪቀ ባሲል ደቪድሰን ( Basil Davidson ); ምን ሐረት እርትርየ እብ ገበይ ሳተሳላይት ምስል ቢቢሲ እት ወደየ መቃበለት ‘ መትደውሻሽሸ ናደው እዝ " ሐቆ መዕረከት ዴይን - ብይን ፉ ምነ ሐረካት ተሕሪር ለወደዩ መዓርክ ለዐቤት ዐውቱቴ (One of the biggest scored by a Liberation Movement anywhere since Dien Bien Phu’): እት ልብል ሸርሐዩ። ዐመልየት ናደው ህይ፡ እብ አማን እት መትቀያር ሜዛን ሒለት ዐስከርየት ምስዳር ዐባይ ገጽ - ቀደም ሌጠ ዐለት እንዴ ኢትገብእ፡ እግል ግድለ ሕርየት ገቢል እርትርየ ለዓድለት ወራትዐት፡ መክሰብ ስያሰት ወፕሮፖጋንደ ለገብአት ንቅጠት ተቅዪር ዐለት።

· እምበል እሊመ Lo ሸዕቢ ጅላብ - ገያድ ( ሞቶስካፍ ) እንዴ ተወበ፡ ድድ ናይለ ተጃሪብ ብዞሕ ወደቅብ ለዐለ እግሉ ቅዋት በሕርየት እስትዕማር አቶብየ እት በሐር መዓርክ እግል ልጽመድ አንበተ። ተኣምሪት ናይ እሊ ህዪይ፡ እት ዮም 19 ኣፕሪል ሰነት 1988 እት ዐሰብ ሐርብ እንዴ ፈትሐ፡ እት መአሰሳት አጫራይ ብትሮል ወዎሮት ባቡር ሐርብ አቶብየ ብቆት ከረ። እት ዮም 31 ማዮ ናይ እለ ሰነት እላመ፡ ድላብ - ገያድ እንዴ ትነፈዐ እት ሖር ባጹዕ ለዐለው ክልኦት ባቡር ሐርብ ቅዋት በሐር አቶብየ ወእት ዮም 6 ሰብተምበር ህይ፡ እት ሚነት ባጹዕ ህጅም እንዴ ጠለቀ፡ እተ ለዐለው ሰለስ ባቡር - በሐር ዐበዪ ወመካዝን ደመረ።

· ሕክም ደርግ ህዪ፡ መርባት እሊ ውጽቈፍታት እሊ፡ ሓላት ብቆት እንዴ ዐለነ፡ እት ገቢል ላጹሕ አብረደየ። እት 12 ማዮ ሰነት 1988 እት ሽዕብ ሐድ 400 ትንፋስ ምን ገቢል ሳጹሕ ወመብዝሖም አንስ፡ አግሩዝ ወገነድብ እብ ደባባት ረጭቀዮም ወቃተለዮም። ሐቆ እለ መደት እላመ ደርግ፡ እትለ ትፈናተ ደዋይሖታት፡ ሸበ ’ ሕ፡ ጎገይቲ፡

‘ መዕረከት ድዪዩን ብጹይን ፉ ካቲመ ናይለ ምን ሰነት 1946 አስክ 1954 እት ፍንጌ እግል ሕርየት ኬትናም ቃንጻም ለዐለው ምቈጨርበት ወእስትዕማር ፈረንሰ ገብእ ለዐለ ሐርብ ተ ። ለእ ት ድዬን ብይን ፉ ለትትበህል አእት ቅብለት - ምውዳቅ - ጸሓይ ኩትናም ለትትረከብ መዲነት ለገብአት መዕረከት፡ እስትዕማር ፈረንሰ ትፈለለ እተ። ፈረንሰ ህይ እትፋቅ ሰላም እግል ትፈርም ለቀሰበተ መዕረከት ዐለት።

ሰሜናዊ - በሕሪ፡ ሮረ - መንሰዕ ., እት ረአስ ገቢል በርጌስ ወላጹሕ ተዕዚቡ አተላለ።

· እሊ ዐመልያት ዐበዪ ናይ ዴሽ ሸዕቢ እት አደቀቦት ተናዚም መቃወማት አቶብያመ ሰኒ ሰደ። ጅ . ሺ . ለትረክቡ ለዐለት ዐውቂታት ዐበዪ እግል ትዕቀብ ወአተላላዩ ጀላብ እግል ትድመን፡ ምስል ተናዚም አቶብየ ( ምስል ወያኔ እት ወሬሕ ኣፕሪል ሰነት 1988 ፡ ምስል ጀብህት ሕርየት አሮሞ፡ እት ወሬሕ ማርስ ሰነት 1988) ትወድዩ ለዐለት መትሳዳይ እንዴ አተላሌት፡ ውፋቅ ምህም ፈረመት።

ሰውረት እርትርየ እት ፍንጌ ናደው ወፈንቅል እተ ዐለት መደት

· ጅ.ሺ. እብ ሰበብ መትደውሻሽቭ ናደው ለረክበተ ሰእየት ወሒለት አግል ትዕቀብ፡ እትለ ትፈናተ መዐሳክር አባይ ትወድዩ ለዐለት ህችማት አብዘሐት። ወእብሊ፡ እት ወሬሕ ኣፕሪል ሰነት 1988 እት ጀብህት ከረን ህቕም ዋሴዕ ወዴት። ምናተ ለጀርቤ እለ ኢተዐወተት። ዴሽ ሸዕቢ እት ወሬሕ ማዮ ሰነት 1988 እግል ካልእ ደርበት እት ጀብህት ከረን እበ ' ወደዩ ህም ክምሰለ ' አወለይት ጀርቤ እሊመ ኢተዐወተ። ደርግ ሐጠጦቱ አብ ከረን ሐቆ አከደ፡ ምነ ' ጨቅጥ ለጅቨሸ ትወድዩ እቱ ዐለት እግል ለአባሬ እብ ጋድሞታት አዝህረ ወመዕሚዴዱ ጀብህት ሐዳ፥ስ እንዴ ፈትሐ፡ አፍዐበት እግል ልብለስ ወጠነ። ዴሽ ሸዕቢ እለ ጀርቤ አለ ሐቆ አፍሸለ፡ እት ጀብህት ሮረ መንሰዕ ህማት ሕዱ ' ድ እንዴ ወደ መሳክቡ አትጣፍሐ ወአትሓየሰ።

· እተ ካልአይት ክፍለት ናይ ሰነት 1988 ቅዋት በሐር ዴሽ ሸዕቢ እብ እንክሩ እት ረአስለ እት ሐር ባጹዕ ወደዋይሑ ለዐለ ቅዋት በሐር AFnN? (Naval Assets) ዐመልያት ወዴ ዐለ።

· ዴሽ ሸዕቢ ከረን እንዴ ደውሸሸ አግል ልሕለፍ ለወደዩ ጀርቤታት፡ መባጽሑ ክምሰል ኢተመ ' ልቡ እት ጋድሞታት ምፍጋር - ጸሓይ ( አቅሊም ሰምህር ) ከረዩ። እት መአንበት ሰነት 1989 እት ጋድሞታት ቅብለት ሰምህር ውሕዳት ኮማንዶ ለወደወ ዐመልየት ህዪይ እለ ሐቂቀት እለ ተአሰብት።

· ጅ . ሺ . ለወዴቱ ፊራሮታት ዐስከሪ ምህም ብዕድ ህይ፡ ለምስል ህወሓት ወጅብህት ሕርየት አሮሞ እንዴ ትላበነት እት ሽፊ ( ትግራይ ) ወአሶሰ ( ወለ ' ገ ) ለወዴቱ ዐመልያት ቱ። ዐመልየት ሽፊ ህዪ፡ ፈጊር ዴሽ ደርግ ምን ክለ ትግራይ ለሰበበት ዐውቴቲ ዐባይ ዐለት። እሊ ዐመልያት እሊ ምን ምህመት ስያሰት ( ምስንዮት ምስል ተናዚም መቃወማት አቶብየ ) ወኬንመ ሒለት ደርግ ለዐስከርየት እንዴ አትሐወነ፡ ዐይን ደርግ እንዴ ለክመ ወቀሸ ' ዐመልየት ፈንቅል እግል ደርግ ህዶመይት ወአመተ ኢትአመረት እግል ትግበእ እቱ አቅደረ። ህጅማት ህዶመይት እት ዐውቱ ተረቱ ዐባይ ተ።

· እብ ዓመት ፍንጌ ናደው ወፈንቅል ለዐለት መደት፡ ምን ምግባይ እት ዋሴዕ ሐድ 50 መዕረከት ገብአየ። እሊ ዐመልያት እሊ ህዪ እብ እንክሩ እግል ሕርየት ባጹዕ ባብ አርሐ።

ዐመልየት ፈንቅል ባብ ሕርየት ቫምለት

· ሐቆ ናይ ሰነት ካምለት መዳሊት፣ ውሕዳት ጅ . ሺ . እት ወሬሕ ዩናይር ሰነት 1990 እብ ስቱር እት ድዋራት ባጹዕ እግል ልሽፈፍ አንበተ። እት ዮም 8 ፈብራይር ህጹ ህጅም ዋሴዕ አትበገሰ። እንክር ዎሮት ገበይ አስመረ - ባጹዕ እት ገሕቱቴላይ እንዴዱ አበትከ ገጽ - ለዐል አስክ ደንጎሎ ለልትመደድ፡ ካልኣይ እንክር ህይ ጋድሞታት ሰምህር እንዴ ሰጥረ ባጹዕ እግል ለሐርር ለትበገሰ ዐለ።

ዴያ ያሪዪፉ ተሕሪር ዳሮፓረያ ጓግላ ሪመሰዖታ ፈቅሰ ዳታ ፅሃሃ፮ ?

· ዴሽ ሸዕቢ መትአንባት ዐመልየት ተሕሪር ባጹዕ አምዕለ ቀዳሚት እት ባጹዕ ተንከበ። ቅዋት በሐር ጅ.ሺ. ህዬ ጅላብ - ገያድ አንዴ ትነፈዐ ለበዜሕ ምን በዋቢር ሐርብ ቅዋት በሐር አቶብየ ደመረዩ። ዴሽ ሸዕቢ እት ሳልስ ዮሙ ባጹዕ እት እዴዱሁ አብረደየ። ባጹዕ ተሐረረት ወእስትዕማር አቶብየ እብ ወሪዱ ትጸበጠ።

· ሐቆ መትሐራር ባጹዕ ደርግ መርባቱ እብ ናይ ቀናብል ክላስተር ወናፓልማት ህጅም ጥያራት እት ስካንለ መዲነት አብረደየ። አምኣት ምነ ገቢል ለላጹሕ ህይ ትቃተለው ወመካዝን ኣካል ሐርገ። ወለእብ ሰበብለ ሐርብ ደማር ክሪት እተ ለዐለት ብንየት አሳስ ሚነት ህይ ዝያድ ትደመዐት።

· ዐመልየት ፈንቅል እብ ደቅበ ልግበ ወጅንሰ ለትጠወረት እት ደርግ ለዐቤት ረብሸት ለከልቀት፡ ዘዋል ወመትፈላል እስትዕማር አቶብየ ለአትሻፈገት፡ ስሜት ሰውረት እርትርየ እት እዲነ ለወቀለት ወለአትአመረት ሐደስ ዐለት።

ህድግ እግል ሐል ሰላም “ ምሕከ ለአለቡ ሐቅ "

· ጅ . ሺ . ቀድየት እርትርየ እብ ገበይ ሰላም አግል ትባልሐ ለዐለ እግል መዋቅፍ ራቱዕ ወዋዴሕ ዐለ። እት መስአለት ተቅሪር መሲር ሸዐብ እርትርየ እብ ኖሰ እግል ልግበእ ክምሰል ቡ እንዴ ገብለት ለትገብእ ህድግ ሰላም እተ እግል ትሻርክ ህይ ዲመ ዱሊት ዐለት። ተኣምርተ ቀድየት እርትርየ እብ ሰላም እግል ትባሌሕ ለዐለ እግለ ምራድ ህይዪ፡ እት ሰነት 1980 እማሚብ እስትፍተእ ( ረፈረንዱም ) ቀደመት። ምናተ ሕክም ደርግ እግል ሐል ሰላም ሰበት ኢረደዩ፥ ግድለ ስለሕ ሸዐብ እርትርየ አተላሌት።

· ሐቆለ ሜዛን ሒለት እት መስለሐት ሰውረት እርትርየ ለበደለት ዐመልየት ደውሸሹት ናደው እዝ ወእት ወሬሕ ማዮ ሰነት 1989 ውቂላም መስኡሊን ዴሽ ደርግ እት መንግስቱ ለወደ ይዕውትት ጀርቤ እንግላብ፡ ድወል ብዞሕ ቀድየት እርትርየ አስክ ሐል ሰላም እግል ልዜርን ትበገሰ። ቀበት እሊ ናይ መትሐሳር ድወል እት ቀድየት እርትርየ ህይ፡ ሕስር ናይለ ርኢስ አሜርከ ለቀዳም ለዐለ ጂሚ ካርተር አብህዘ። ወእብሊ አብ ማርሒት ካርተር፡ እት ፍንጌ ጅሸ . ወናይ ደርግ ሕኩመት ዐስከርየት እት አትላንተ ( አሜርከ ) ፡ ናይሮቢ እት ወሬሕ ሰብተምበር ወወሬሕ ኖሸምበር ክልኤ ትሉሉያት ህድግ ገብአየ። ምናተ፡ ደርግ እግል እሊ ናይ ህድግ መዋጀሃት መዳሊቱ ለለአተምም እቱ ወቅት እግል ልግበእ ሌጠ እግል ልትነፈዕ እቡ ብጉስ ሰበት ዐለ፡ ፍሬ ይዐለ እግሉ። በዳሪት ካርተር ክምሰል ፈሽለት፡ ወጀብህት ሸዕብየት እብ ዐመልየት ፈንቅል ባጹዕ ክምሰል ሐረረት፡ ሓብራት ዐዶታት አሜርከ ፍንጌ ጅ . ሺ . ወሕክም ደርግ ህድግ እግል ትዜርን ሕስር ወዱት። ወአእብሊ ሰበብ አሊ እት ዮም 4 ኦክቶበር ሰነት 1990 እት መክተብ ጋራት ሕስር ካርጅየት አሜርከ ፍንጌ ጅ . ሺ . ወንዛም ደርግ ህድግ ገብአት። ምናተ እሊ ወለሐቀቆሁ እት ዋሽንግቶን ወለንደን ለገብአ መዋጀሃት ህድግ እግል አሳስያይ ሐቅ - መሲር ሸዐብ እርትርየ ወእት ሰውረት ለዐለ ቴለል ዐስከሪ እት ወግም ለኣተ ወእግል ደርግ ምን ሞት እግል ለአድሕን ገብ ' እ ለዐለ ጀርቤታት ሰበት ዐለ፡ ፍሬ ብዞሕ እንዴ ኢረክብ ሕርየት እርትርየ ካምለት ወሻምለት አዳለቀት እቱ።

ናይ ደንጎበ ምስዳራት እግል ሕርየት ቫምለት

· ሐቆ ዐመልየት ፈንቅል ደርግ፡ እግለ ምድር ለእሉ ከስረ እግል ልብለስ ወጀሸ ., ለዐውቱቴታት ዐበዪ ለእሉ ረክበት እሉ እግል ተሓጥጥ ፍንጌ ክልኢቶም መዓርክ ትሩድ ገብእ ዐለ። እት ግንደዕ ወቢዘን ለገብአ ጌራታት ህጹ መሰል ናይ እሊ ቱ። ጅሸ፳ . ግንደዕ እንዴ ተዐዴት፡ አስመረ እግል ትእቱ ለዐለ አግለ በክት ጸቢብ ሰበት ቀየመት፡ እንክር ብዕድ እንዴ በደለት፡ እት ደነግብ ወሬሕ ኣፕሪል ሰነት 1990 እብ እንክር ግብለት ህጅማት ህረሰት። እት ቀበት ናይ ክልኦት ወሬሕ ለትገብእ መደት ህዪ ሰንዐፈ፡ ዐዲ - ቀይሕ ወሰገነይቱ ሐረረት።

· ሕክም ደርግ ንሱእ ምኑ ለዐለ ምድር እግል ልብለስ ምን ደረቦት ይዓረፈ። ምናተ እት ጀብሃት ግንደዕ፡ ብዜን ወሐልሐል ህችማትመ ምን ወደ ኢተዐወተ።

· ሐቆ እሊ እግል ሰነት እብ ግዲደ ገብእ ለዐለ መዓርክ ወቀበልታሁ ጅ፳ . ለሐርብ እብ ዐውቴህ እግል ተአተክትሙ እት ደነግብ ወሬሕ ፈብራይር ሰነት 1991 ናይ ደንጎበ ህጅማት አንበተት። አብሊ መዓርክ እሊ፡ ጢዖ ወዕዲ ' ሐቆ ሐረረት፡ እት ዮም 19 ማዮ ሰነት 1991 ደቀምሐሬ፡ ወእት ዮም 24 ማዮ ሰነት 1991 አስመረ ሐረረት።

ዴሽ ሸዕቢ አስመረ እት ለአቱ	ገቢል ሕርየቱ እብ ፈርሐት እት ልትከበት

· ሕርየት እርትርየ ለሻምለት አት ዮም 26 ማዮ ሰነት 1991 ዐሰብ ክምሰል ተሐረረት ተመት። እርትርየ ምድረ ወበሕረ ተሐረረ። እስትዕማር አቶብየ ህይ ዞለ ወአክተመ። ኢ . ህ . ወ . ደ . ግ . እብ እንክረ ሰደይት ጅ . ሺ . እንዴ ረክበት እት አቶብየ ትወድዩ ለዐለት ዐመልያት እብ ዐውቲ እንዴ አትመመት አዲሰ - አበብ ጸብጠት።

· ደብህት ሸዕብየት እግለ ' ዓድለት ቀድየት አርትርየ እብ ገበይ ሰላም እግል ትትደበእ እበ ዐለት እግለ ቀናዐት እንዴ ትበገሰት፥ ምን ሰነት 1980 እንዴ አንበተት ቱ እማሚብ ረፈረንዱም ለአወጀት። አሊ ፍክር እሊ ህጹይ ምስለ ' ገበይል ለዝሉም ወመሲሩ ኖሱ እግል ልቀርር ሐቅ እግል ልርከብ ለጠልብ አድንያይ ቃኑን ለልትዋፈቅ ቱ። ሰበት እሊ፡ ሐቆ ሕርየት እርትርየ ሻምለት ናይ ዶሉ ሕኩመት እንዴ ከወነት ሐቆ ክልኤ ሰነት ረፈረንዱም እግል ልግበአ አወጀት። ረፈረንዱም እግል ሸዐብ አርትርየ፡ እብ ሒለቱ ወደሙ ለነዝዐየ ሕርየቱ እብ ሕርያኑ ወክርንቱ ቃኑንየት እግል ሊደየ ቱ እግል ልግበአ ለትቀረረ። ክምሰለ ' እለ በርመጀ ህይ ምን ዮም ኣፕሪል 23 አስክ 25 ሰነት 1993 ገብአ። ምነ እተ ሕርያን ለሻረከው፡ 1,102,410 እርትሪ ህይ፡ 99.8 ፡ አይወ እግል ሕርየት ሐረው። እርትርያ ህዬ እት ዮም 24 ማዮ ሰነት 1993 ደውለት ሕርርት ወስያደተ እምርዲት ገብአት።

ሰኣላት

1. ምህመት ዐስከርየት ወስያስየት ናይ መትደውሻሽሸ ናደው እዝ ወድሖ።

2. ዐመልየት ፈንቅል እግል ሰውረት እርትርየ ለዐለ እተ ናይ ስያሰት፡ ዕስስርየት ወዲብሎማስየት መሳሌሕ ስመው።

3. ጀ፳ . እግል ሚ ቱ ሕርየት ረስምየት እንዴ ኢተዐልን ክልኤ ሰነት ለታኬት ?

4. ምህመት ወፍገሪት ረፈረንዱም አፍህሞ።