Wp/tig/Main Page/ተእሪክ እርትርየ/ምህሮ 39 - ሳድስ ወራር፡ ተኣምሪት ግብህ ወይሕላሌ ሰውረት እርትርየ

ለትትስኤ ፍገሪት ምህሮ

· እት ደንጎበ ናይ እሊ ምህሮ እሊ ደረሰ እብ ክሱስ እሊ ለተሌ ጋራት ፈህም መአንብታይ እግልልርከቦ ልትሰአው።

· ናይ ስያሰት፡ዲብሎማስየት፡ ዕስክርየት መዳሊት IL ሕክም ደርግ እግል ሳድስ ወራር

· ረድ - ፍዕል ፳ . ፭ . ወገቢል እርትርየ

· መሲረት ወፍገሪት ሳድስ ወራር

· ስቱር ወራር

ብድሆ .. ብድሆ .. ብድሆ ..

ናይ ዐሰርተው ትሽዓተ ዓመት ገድሊ

ክትጎብጡዎ ትብገሱ ብሓይሊ

ብድሆ .. ብድሆ

ንዝመጽእ ወራር ቅልጽመይ እንሆ

የራግፋ ነፈርቲ ይኸምርዎ ኣጽዋር

ይጓርቱ ሰራዊት ናይ ላዕሊ ናይ ኣጋር

የውሕዝወን ኣማኸርቲ መራሕቲ ናይ ወራር

ሄይ .... ኣነ ኣይዕጸፍን .. ኣነ ኣይደንንን

ፈጺመ ኣይምብርከኸን

ብድሆ .. ብድሆ ..

ሓንቲ ' ያ መትከለይ መቓብርን ሞትን

ይነስነሶ መሬተይ ዝዓግቱ ስምታት

ይከዓዎ ኣካላተይ መርዛም ዝኾነ ጋዛት

ይጠቀሙ ኣብ ልዕለይ ብብዝሒ ፈሰስቲ ነገራት

ሄይ ... ንድሕነት ህዝበይ።

ንቕኑዕ መትከለይ

ኣይልውጦን ' ዩ እቲ ድሑር ፋሽስታዊ

ስነቐመማዊ ኣገባባት ኩኵናት ....

መትከማካም እግል አብደዮት ሰውረት እርትርየ

· ሳድስ ወራር አው እበ ' ደርግ ሳሚሁ ተ ለዐለ፡ " ወፍሪ ቀይሕ ኮኸብ " ( ፊራሮ ኮከብ ቀይሕ ) ምነ ደርግ ሰውረት እርትርየ ረአሰ - ቀደም ምን ገጽ - ምድር እግል ዲመ - ደመይም እግል ለአብዴ ለህረሰዩ ወራራት እብ ደለገአቱ ለትደቀበ ዐለ። ደርግ ሰውረት እርትርየ እግል ለአብዴ፡ ሐምስ ወራር እት ሕድ ኩትራም ክምሰል ህረሰ፡ እተ ሐልፈ አርእሳት ሃድጋሙ ዐልነ። ምናተ እግል ሳድስ ወራር ምነ ቀደሙ ለዐለ ወራራት ብዕድ ለትፈንትዩ፡ ክልኤ ሰነት እብ ግዲደን ለነስአ መዳሊት ዲብሎማስየት፡ ስያሰት፡ እቅትሳድ ወናይ ፕሮፖጋንደ ገብአ አግሉ። ተኣምሪት እሊ መዳሊት ብዞሕ እሊ፡ ለወራር እተ ትበገሰ እተ መደት፡ መሻክል እርትርየ ለትባሌሕ በዳሪት ቫምለት ትበህለከ ቀንጸት። ገሌ ምነ መዳሊት ለደርግ እግል ሳድስ ወራር ወደዩ ምን እንርኤ ህይ፡ -

· ሰውረት እርትርየ ናይ ካርጅ ሰደይት ወጽጌዕ እግል ኢትርከብ፡ ወራታት ዲብሎማስየት ብዞሕ ወሻፍቅ ወደ። ፍገሪት ናይ እሊ ህዪ፡ እት ከረም ናይ ሰነት 1981 አቶብየ ግብለት - የመን ወናይ መዐመር ቀዛፊ ሊብየ፡ TL ሕበር ውፋቅ ዳፍያዖት ፈረመየ። ሊብየ ህዪይ እተ ዶለ እግል ደርግ ናይ 250 ሚልዮን ዶላር ሰደይት ህበቱ። ሕክም ንሜሪ ናይ ሶዳን ምስል ሰውረት እርትርየ ለዐለት እግሉ ዕላቀት እንዴ በትከ፡ ክሉ እት ሶዳን ገብእ ወእብ ገበይ ሶዳን እንዴ አበለ ለሐልፍ AOA ወራታት ሰውረት እርትርየ አብጠረ። ሰውረት እርትርየ ህይ ምነ ገብአ ልግበአ ወቅት ወኬን እብ ገዘ ትዘለመት ወትከርደነት።

• ደርጊ እግል ሰውረት አርትርየ ምን ገቢለ እግል ልክረም ወአት ጸባብ AIA ልሕነየ ወፊራሮ ' ኾኮከብ ቀይሕ ተእዪድ ሸዐብ እርትርየ ክምሰል በ እግል አተምሰሎት፡ የም - ኣለቡ ትጻገመ። ሸዐብ እርትርየ እብ ገበይ እቅትሳድ እግል ልትህመል ወልትቀሸሽ ወልከይን ህይ፡ ገቢል ነፈ ’ ዕ ለቤለዩ በርናምጅ ገማል እግል ለኣንብት ክምሰል ቱ አወጀ።

· እምበል እሊመ እተ ምስል ሸዐብ እርትርየ ለዐለ እግሉ መቅሬሕ ወአግቡይ ጸቢጥ ስን ክምሰል መጽአ እግል ለአተምስል ለእምበል ሐቅ ወገበል ወእምበል ፍቴሕ ወዐዳለት ገብእ ለዐለ አስሮ ወሸሪብ (Disappearances) ክምሰል ነቅስ ወደ። እት ክል - አካን ህይ መህረጃናት፡ ሰሚናራት ወእጅትመዓት አንበተ።

· እት መጃል ዕስክርየት ህይ ደርግ፡ እት ክለ አፍሪቀ ለትጠወረ ጽዋር ለመልክ 120 አልፍ ለገብአ ዴሽ አትዳለ። ምን እሊ ዴሽ እሊ ህይ እብ በሰር ሐርብ ኣድብር ለድሩ ' ብ 50 አልፍ ለገብእ " ተራረ ሰራዊት " ( ዴሽ አድብር ) ለልትበህል ዴሽ አትዳለ። እብ ዓመት ደርግ ለአትዳለዩ ዱሽ፡ ልትርኤ እት ህለ እሊ ለተሌ መስል፡ -

· 15 ናይ አጋር ክፈል - ዱሽ

· 2 መከነይዝድ ብርጌድ

· 8 ናይ ደባ ' ብ ቫለቀ

· 16 ናይ መዳፊፈዕ ቫለቀ

· 5 ድድ ጥያራት ላተን ውሕደት

· 4 ቢኢም (Ballistic MIssiles)

· 200 ደባበት ሐደይስ

· 500 መኪነት ጽዕኔ

· 124 ሄሊኮፕተር ጥዉራት (24 ምነን MI-24) ለልትበህለ ጥዉራት ሄሊኮፕተራት ሐርብ

· እብ ዝያደት ጌምየት ውላድ ሕብረት - ሶቤት እብ ብዝጨ ልግበአ ወውጅብ ቅድረት አብ ዕጹፍ ብዞሕ ዜደት። ሐርብ ለከጥጠ ወመርሖ አርበዕ ጀነራልመ ትለአከው።

· ብዕድ ፍንቱይ ተጠውር ዐስከርያይ ሕክም ደርግ፡ አተላላይ ናይለ ሰውረት እርትርየ እግል ለአስርት ለዐለት እግሉ ቀይድ ባትከት ለዐለት ንየት (obsession) ክሉ እድንያይ ውፋቅ ወቀዋኒን እንዴዱ ኬደ ድድ ሰውረት እርትርየ ጋዛት ስሙ ' ም እግል ልርሸሸ ለወደዩ መዳሊት ቱ።

መዳሊት ሰውረት እርትርየ ወገቢለ

ደብህት ሸዕብየት እብ እንክረ ምነ ወዴቱ መዳሊትመ፡ -

· ክተት ወጠንየት አወጀት። ክል - ምዋጥን እበ ሒለቱ ተ፡ : ለወራር እግል ልትባጠር ትላኬት።

· ለወራር ለወድየ እዴ እግል ተአቅልል ህይ፡ ሳትሮታተ አደቀበት

· ናይ ዶሉ ናይ ጥበ ' ሕ ( ዐመልያት ) ሆስፒታላት አትዳሌት።

· ኤማን ገቢል ወምሔርበት እግል ተአስብት ህይ ሰሚናራት ዋሴዕ ወዲት

· ድድ ጋዝ ስሙ ’ ም ለነፈዕ ሕገን ኣንትሮፒን እት ምሔርበት ወዘዐት። እተክምሰልሁመ ናይ ካፍሖት ጋዝ ስሙ ’ ም ማስኬራት ክምሰል ልትዳሌ ወዲት።

· ዴሽ ሸዕቢ እት ዐስር ብርጌድ ንዙም ዐለ። ምን ክሉ ለውሕዳት ዴሽ ለፋግራት ሰለስ በጠሎኒ ክምሰል ለህልየ ወምነ እት ከልፍየት ለዐለው፡ ድፈዕ እግል ትእቲ ለትቀድር ሒለት አዳምመ እት ድፈዓት ክምሰል ትሸፍፍ ገብአት። ብዝሑ ናይለ ልትሓረብ ዴሽ ምን 13 አልፍ ለዘይድ ይዐለ። እሊ በህለት ህይ፡ ሜዛን ሒለት ዐስከርየት ናይ ሰውረት እርትርየ ወዴሽ ደርግ፡ ዎሮት ቅብላት 10 ነፈር እግል ልትሓረብ ዱሉይ ዐለ በህለት ቱ። “ ለመጽአ ዌራይ ምን መጽእመ፡ ሃብ ሰውረት እግል ልሰውስዩ ቱ " እበ ትብል ስቅራት ለሸሬሕ ተፍኪር ወደሚር (Psyche) ምሑርበት ወገቢል እርትርየ ለዐበ መዳሊት ዋድያም ክምሰል ዐለው ምን ልብ አግል ልብዱ ኢለአስትህል።

መዳሊት ደርግ እግል ሳድስ ወራር አግል ካፍሖት ጋዛት ስሙ ' ም

ለወራር

ሐቆ እሊ ክልኤ ሰነት እብ ግዲደን ለነስአ መዳሊት፣ መንግስቱ ህይሌማርያም ምስል ክሎም አንፋር መጅልሱ ወውዘራሁ ለሐርብ ምን ቅሩብ እግል ልወጅሆ ወልታብዖ አስመረ አተው። ለሐርብ ህዪ ዮም 15 ፈብራይር ሰነት 1982 እንዴ አንበተ እንዴ ኢካርም እግል መደት 95 አምዕል በህለት ዝያደት ሰለስ ወሬሕ አተላለ፡ አሊ ወራር እሊ እት ሰለስ ጀብህት ( ሳትሮታት ) ቱ ህጅማቱ ምስል ለአንበተ።

1. ጀብህት ( ሳትሮታት ) ቅብለት ምፍጋር - ጸሓይ ሳሕል

2. ጀብህት ( ሳትሮታት ) ነቅፈ

3. ጀብህት ( ሳትሮታት ) በርከ ወሐልሐል

· ዮም 15 ፈብራይር ( አምዕል ለሐርብ አንበተየ ) ምን ኮከን ( በርከ ) እንዴ ቀንጸ ለህጅመ '21 ክፈል ዱሽ " አንዴ ኢልትበገስ ዴሽ ሸዕቢ እንዱ በነገዩ ዐቅበለ። ለምን ዮም 18-22 እግል ሐምስ አምዕል ለገብአ ሸፍጐ፡፣ ዴሽ አቶብየ ሰብኡ ወጽዋሩ እንዴ ትደመረ ትፈራተከ እቱ።

· እብ እንክር ሐልሐል ለዐለ ዴሽ ደርጊመ፡ ዴሽ ሸዕቢ እበ ነስኡ ዐለ ምስዳራት ቀበልተ ህዱማት እንዴ ትበነገ እት ሳትሮታት ጀብህት በርከ ወሐልሐል ሌጠ ሐድ 9 አልፍ ለገብኦ ዐሳክር ደርግ ትቃተለው ወትዳምዐው። 511 ህጹ ትጸበጠው።

· ለሸፍ እት በርከ ወሐልሐል እት ልተ ’' ላሌ፡ እብ እንክር ሳሕልመ ትደቀበ።

· ‘ ዋበርሄ አንበሰ ’ ስሙይ ለዐለ ናይ ሳልሳይ ክፍሌ - ጦር ዴሽ ደርግ እት ዮም 18 ፈብራይር አድብር ዐገት ወመንደዐት እንዴ ፈግረ ስከት እአግል ልድበአእ ወጠነ።

· አወላይ ክፍሌ - ጦር ምን - ረሐር እንዲዴ ተሐልበበ ነቅፈ እግል ልጽበጥ ልትፈረር እት ህለ፡ እበ አግደ ሳትሮታት ናይ ነቅፋመ ዎሮት ክፍሌ - ጦር ወናይ ስለሕ ክቡድ ወሰክ ብርጌዳት ትበገሰ።

· እተ እግል ፈርተኮት ሳትሮታት ቅብለት - ምፍጋር - ጸሓይ ሳሕል ናዊ ለዐለ ህም እት ዮም 16 ፈብራይር ሕዱድ ሶዳን እንዴ ደከ ' ለአተ ዎሮት ክፍሌ - ጦር ወእብ እንክራት ብዕድመ ክልኦት ክፍሌ - ጦር ብዕዳም ፍክ ወትንፋስ ለአለቡ ህማት ምሱኑይ ወደ።

· ዴሽ ሸዕቢ እት ክርዐት እሊ ህጅማት አሊ ሌጠ እንዴ ኢልትከረዕ፡ ናይ ቀበልተ ህችማት ምስዳራት እንዴ ነስአ ምን ዮም 7-10 ማርስ እግለ፡ እብ ድማናይ ደንበር ጀብህት ቅብለት ምፍጋር - ጸሓይ ሳሕል ለህጅም ለዐለ ዴሽ ደርግ እንዴ ለክዐ፡ ዝያድ 1500 ዐስከሪ ወአጽዋር ብዞሕ ዐጠለ ምኑ።

· እምበል እሊመ እት ዮም 24 ማርስ እብ ድድለ ምድር ሶዳን እንዴ አበለ እብ እንክር ደምቦቤት ህጅማት ትሉሉይ ወዱዴ ለዐለ ዱሽ አባይህጂችም ቀበልተ እንዴ አትበገሰ፡ ምነ አካናት ሻፍፍ ዐለ እንዴ ከበ ' ጀህት ዐላኬብ ህንፈዩ።

ሳድስ ወራር እብ ካርተት

ፍገሪት፡ -

· ደርግ እትሊ ወራር እሊ፡

· 54 አልፍ ዐስከሪ ምን ማይት እት ድሞዕ ገብአው ምኑ

· 1400 ትጸበጠው

· 10,000 ለትፈናተ ጅንስ ስለሕ ትሰለበ

· 84 መኪነት ትደመረየ

· 28 ደባበት ወዐረባት ድሮዕ ትደመረ

· ሰለስ ጥያረት ሚግ ናይ ሐርብ ወድቀየ

· ሐቴ ሄሊኮፕተር ኤም ኣይ ከስረ

· ምን ሰውረት እርትርየ ህይ 2,700 ምቈሴርባይ አስተሸህደው፡ 5.000 ህይ ክቡድ ወቀሊል መሓክር ሳደፈዮም፡ ሰበት እሊ እብ ዓመት ምን 13 አልፍ ምሑርበት ዝያድ ሰር ምኖም ምን ሽሂድ እት ሑኩር ምንመ ገብአ። ለከሚድ ወለፈቨሸል ለወራር ደርግ ሳደፈ ላተ ተኣምሪት ሰባት ወፈራሰት ምቈርበት እርትርየ ዐለ፡

· ደርግ እት ሳድስ ወራር ለሳደፈዩ መትፈላል ኢትወሐጠ እግሉ። እብ ወራር ብዕድ ህጹይ እብ ስቱር እግል ልትዳሌ አነበተ። ‘ ጀብህት ሸዕብየት ሳድስ ወራር አትሕዉነ ህለ ’ ፡፥ ሰበት እሊ፡ እንዴ ሬሕ ኢትበልስ ወኢትትዓፈ እንዴ አትህመልከ ዘቢጠ በሰር ሰኒ ቱ እበ ትብል ክጠት፡ እት ወሬሕ ማርስ ሰነት 1983 ወራር ብዕድ አንበተ። እሊ ወራር ለሐዲስ፡ ኢክምሰል ናይ ሳድስ ወራር ሕኔት እብ አዋጅ፡ ሰውረት እርትርየ እግል አትህመሎት፡፥ አብ ስቱር ህረሰዩ፡ “ስቱር ወራር " ለትበህለ እቡ ሰበብ ህጹ ህቱ ቱ። ስቱር ወራር እት አሰርለ ጀ.ሸ. ዐውል ቃሊ ለደፍዐት እቱ ሳድስ ወራር አገድ አንበተ። ዴሽ ሸዕቢ እተ ሓለቱ ለጠቢዕየት እንዴ ኢለዐቀብል ሰበት ቀንጸ እቱ፡ ወእት በሰር ሐርብ ወሕርያን አካናት ሐርብ ለሑሰት ቅድረት ወበሰር ለትረአ እቱ አክል ናይ ሳድስ ወራር ጸገም ጠልበ። አስክ ክፍለት ወሬሕ አጉስቶስ ሰነት 1983 ለአተሳላለ ወራር ደርግ ሐድ 25 አልፍ ዐስከሪ እንዴ ከስረ ፈሽለ። ፈሸል እሊ እብ ክለ ሒለቱ ሰውረት እርትርየ እግል ለአብዴዱ ብጉስ ለዐለ ዴሽ አቶብየ አትሐወነዩ ወሰእየት አብተከዩ።

ሰኣላት

1. ደርግ እግል ሳድስ ወራር ለወደዩ መዳሊት ቫሻምል ሽርሖ።

2. ፍገሪት ፊራሮ “ ኮከብ ቀይሕ " ከሮፎ ክምሰል ዐለት ሽርሖ።