Wp/tig/Main Page/ተእሪክ እርትርየ/ምህሮ 37 - ሐሶሳይ ሐርብ - ሕድ ምን ሐዲስ ወመትፈንጣር ጀ . ተ . እ .

ለትትስኤ ፍገሪት ምህሮ

· እት ደንጎበ ናይ እሊ ምህሮ እሊ ደረሰ እብ ክሱስ AA, ATA ጋራት ፈህም መአንብታይ እግል ልርከቦ ልትሰአው።

· አስባብ ሐሶሳይ ሐርብ ሕድ ምን ሐዲስ

· መሲረት ወፍገሪት ሐርብ ሕድ

· መትፈንጣር ደብህት ተሕሪር እርትርየ

· ሐቆ ውፋቅ 20 ኦክቶበር፡ ጀተ . አ . ወጀሸ . ተእ . እብ ክሱስ ተግበሮት ወራታተን እት ፍዕል እግል ልህደገ እት ወሬሕ ኣፕሪል ሰነት 1978 መዋጀሃት እንቡታት ዐለየ። ፍገሪት ናይ እሊ ህጹይ፡ ክልኢቱ ለተናዚም እግለ ' ውፋቅ እት መዓል እግል ለአውዕል ናይ ሕበር ቅያደት ስያስየት ለዓሊት፡ ናይ ሕበር ዐስከርያይ፡ ናይ እዕላም፡ ናይ እቅትሳድ፡ ናይ መሕበራይ ጋራት ልጃቛን ወናይ ወኪል ካርጅየት እግል ልከውነ፡ እት መጃል ዕስክርየት መትሳዳይ ወአትመሳናይ ነሻጣተን አግል ለህሌ ትዋፈቀየ። ለናይ ሕበር ቅያደት ስያስየት ለዓሊት ህጹ እት ሰነት 1979-1980 ለውፋቅ እት መዓል እግል ተአውዕል፡ ውሕደት ክልኢቱ ተናዚም እግል ተአትምም መዋጀሃት ህድግ አንበተት።

· እብ ድድ አሊ ሰእየትመ ለለአወዴ አሸይር ኬር፡ ፍንጌ ክልኢቱ ለተናዚም እርትርየ ለዐለት ዕላቀት ረአሰ - ቀደም እግል ትትበተክ ለቀሰበ መፈናቲት ስያሰትመ ዐለ።

· ዕላቃት ክልኢቱ ተናዚም ምን ክፍለት ሰነት 1980 እንዴ አንበተ፡፥ ምን እኪት እተ ትመክረህት ደረጀት በጽሐ። እት ዮም 6 ዩንዮ ሰነት 1980 ገሌ ውሕዳት ዴሽ ጀ . ተ . እ . እግለ እት ቅብለት ደንከል እት እንገል ለዐለየ ውሕዳት ዴሽ ጀ.ተ.እ. እንዴዲ ዘብጠየ መስከበን አጠለቀያህን።

· እግለ ' እኪት እተ ’ ትወቀለት ደረጀት ለአብጸሐ ሰበብ ብዕድ ህይ፡ ለእብ አሳስ ውፋቅ ክልኦት ለተንዚም እት ቅብለት ሳሕል መጠር ዴሽ ጅ . ሺ . ተ . እ . ሻፋ ' ት ለዐለየ ክልኤ ብርጌድ ጀ . ተ . አ . እግል ዴሽ ጅ . ሺ . ተ . እ . እንዴ ኢለአስእለ፡ ድፈዕ እንዴ ጠለቀየ አንሰሐበየ ወአእግል አባይ ገበይ ፈትሐየ እግሉ።

· ሐቆ እንሰሓብ ዴሽ ጀተአ . ምን ሳትሮታት ቅብለት ሳሕል፡ ለአከይ - መቅሬሕ ደረጀት ምነ ኢሰኔ በጽሐ። ወእብሊ ሐርብ ሕድ ምን ሐዲስ ሐሶሰ።

· እሊ ለዐል ለትሸረሐ ለዱቅሪ አስባብ ሐሶሳይ ሐርብ ሕድ ምን ሐዲስ እግል ልትበህል ምንመ ቀድር፡ ለአግደ ሰበብ ላተ ለእት ቅያደት ደተ . እ . ለዐለው ድድ ውሕደት ለባጥራም አግደ ጀሃት ቶም ለዐለው።

· ለሐርብ እት ለአተላሌ መነዘመት ድወል ዐረብ አት ቴቱኒስ ዓሲመት ቱኒዝየ፡ ተናዚም እርትርየ እት ሕድ ለዜርን ወውሕደት ለለአወዴ እጅትመዕ ጠልበት። እተ እጅትመዕ ሐርብ - ሕድ እግል ልብጠር፡ አትማራር ወአትካፍኦት ሕድ እብ ፕሮፖጋንደ እግል ልብጠር ወእተክምሰልሁመ ሄራር ውሕደት ተናዚም አርትርየ ለትራቅብ ወታ ' ቤዕ ልጅነት እግል ትትከወን ለልብል ቀራራትመ ምን ፈግረ፡ እግለ ልዒ ለዐለ ሐርብ ላተ እግል ለኣብጥሩ ኢቀድረ። ሐርብ - ሕድ ህይ አተላለ። እት ወሬሕ አጉስቶስ ሰነት 1981 ህይ ዴሽ ጅ . ተ . አ . እት ሰኬ ምድር ሶዳን አተ። እት ሶዳን ህጹ ሕኩመት ሶዳን ስልሑ አክሬቱ።

· ጀ . ተ . እ . እት ሶዳን እት የም - አለቡ ኖስ - ኖሱ መቅሬሕ ለአለቡ ወሕድ ለልትኣተል ከረርም ትካፈለት። ወአብሊ ህለዮት ፫ተ . እ . አክተመ።

መትፈንጣር ጀ . ተ . እ .

· ክምሰለ እሉ ህደግነ፡ ካቲመ ጅ . ተ . እ . እብ ሰበብለ ምስል ጅ . ሸ . ተ . እ . ለጸምደቱ ሐርብ ምንመ ትሻፈገት፡ ዝያድ ክሉ ላተ አስባብ መትፈንጣር ጀ ተ . አ . መሻክል ከርሰ ዐለ።

· ፍንጌለ አግደ ሜርሐተ ለዐለ ክሳፍ፡ ምን ሒን እት ሒን ልትርኤ ወበይን ዐለ። እት ሰነት 1976 ፡ ‘ ፋሉል ” ለልትበህል ቅያደት ጅ . ተ . እ . ለረፍደ ክራም ክምሰል አብህዘ ህጹ ለክላፍ ርሽሸመቱ በጽሐ። ምን ተውሊደት ጀተ . እ . እንዴ አንበተ እት ምግብ ቅያደት ናይለ ተንዚም እንዴ ትከለቀ ለአተላሌ ለዐለ ጅግራታት፡ አተል ወመትፈናታይ ( ሕዝብ ሽቅል፡ እስላምየት፡ ማናያም፡ ሕዝብ በዐስ ወብዕድ ) ወእሉ እንዴ ተለ ለመጽአ ዐሚም ወብሒት ናይ ዎሮት ቤልሳይ - ሐር ወመካፍሳይ ላቱ ክራም ቱ።

· እሊ ናይ ከርስ ክላፋት ወመሻክል፡ ጀ.ተ.እ. ሶዳን ክምሰል አቱት፡ እግል ልትዐገል ወገጽ - ሐር እግል ለዐቅብል ለኢትቀድር ደረጀት ትኬለመ። ወእብሊ ለተንዚም ለትፈናተ ስያሳት ለወክል መጃሜዕ ፈርተከዩ።

ሰኣላት

1. ሰበብ ሐሶሳይ ሐርብ - ሕድ ምን ሐዲስ ሽርሖ።

2. ፍገሪት ሐርብ - ሕድ ለሐዲስ ሽርሖ።