Wp/tig/Main Page/ተእሪክ እርትርየ/ምህሮ 34 - ሰውረት እርትርየ ወሐረ ' ሮት መደይን

ለትትስኤ ፍገሪት ምህሮ

· እት ደንጎበ ናይ እሊ ምህሮ አሊ፡ ደረሰ እብ ክሱስ እሊ ለተሌ መሻቛላት ፈህም መአንብታይ እግል ልርከቦ ልትሰአው።

· እት አደቀቦት ሰውረት ወጸቢጥ መደይን ለሰደ ተጠውራት ወመሲረት ሐረሮት መደይን

· ሰውረት ለአትበገሰቱ መሕበራይ፡ እቅትሳድያይ ወስያስያይ ተቃዪር

· ጸገም ጀላብ ውሕደት ወፍገሪቱ

ተሐረረት ዐጄ ምፍጋር - ጸሓይ

በርደት እነ ሐልፈየ ለሐጋይ

ወትደመረ መዐሳክር ናይ አባይ

ሳሕል ክለ ምስል ተሐረረት

ቅሮረ ነቅፈ ሳልስ አፍዐበት

እለ ተ ሸዕብየት እብ ክሉ ተዐወተት

· ሐቆ ሰነት 1975 ሜዛን ሒለት ዐስከርየት ባይን እት እንቱ እት መስለሐት ሰውረት እርትርየ ዲብ ረጃሕ ወእዱ ዛይደት እግል ለህበ ክምሰል አንበተ ህደግነ። ፍገሪት ናይ እሊ ህይጹ፡ እት ሰነት 1976 ምን 90 ፥ ወለዐል ናይ ክሉ ብሩር እርትርየ እት እዴዱ ሰውረት እርትርየ እንዴ በርደ ተእሲር ሰውረት ባጽሑ ዐለ። ለዐል ክምሰለ ' ህደግናሁ፡ ደብህት ሰዕብየት እት አወላይ ሙእተመር ተንዚመ፡ ለቀደም AA ትትመረሕ አበ ለዐለት፡ ‘ ምድር ወገቢል እብ ሑድ - ሑድ ሐረሮት " ለትብል ስያሰት ዋቅየት ወራትዐት ክምሰል ተ እንዴዱ አከደት አግል ተአተላልየ ቀረረት። ሄራር ዐቦት ዴሽ ሸዕቢ ሐቆለ ሙእተመር ህዬ እብ ዓይን - ባይን ገብአ። እስትዕማር አቶብየ ዜ አካናት እስትራተጅያይ ብዞሕ እንዴ ትባልሐ እት መደይን ሑዳት ሌጠ እግል ልትሐየብ አንበተ።

· እት ሐረሮት መደይን መንገአት ለአርሕሴት አወለይት መዲነት ቅሮረ ተ። ቀደም ሄለል ዩናይር ሰነት 1977 ህዬ እት እዴ ዴሽ ሸዕቢ በርደት። ሐቆህ ለዐሬት ህይ ለእግል ሐድ ስስ ወሬሕ እት ከርዶን ለከለት ነቅፈ ተ። ዴሽ አቶብየ ነቅፈ እግል ለአድሕን ምን ከረን ለህረሰዩ ዴሽ እት ሕሊል ዐንሰበ ወእብ ሄሊ - ኮብተራት ለከረዩ ዴዱዴሹ እት ጋድሞታት ናሮ ከምደ። ነቅፈ ህይ እት ዮም 23 ማርስ ሰነት 1977 ተሐረረት። መትሐራር ነቅፈ እት መሲረት ሐረሮት መደይን ወመትዐዳይ ሰውረት አእርትርየ እት መርሐለት ህጅም እስትራተጅያይ ዐጀይብ ወባይነት (Symbolic and Substantive) ሳተ ሐዞት ዐለት እግለ።

· ዴሽ ሸዕቢ ሄራሩ እንዴ አተላለ እት ካልእ ሳምን ናይ ሕርየት ነቅፈ እት ዮም 6 አፕሪል ሰነት 1977 አፍዐበት ሐንቲ ምልኩ ወደ። ምን እላ ሓለት እለ ለበዕነነ ዴሽ አቶብየ ሳመ መደይን ለብዕድ እግል ኢልክሰሩ ሰበት ፈርህ፡ ምነ ዕስኩር እቱ ለዐለ ደገጊት ነአይሽ እተ መደይን ለዐበዪ ተሐየበ።

· ክምሰለ ' ቀደም እለ ለህደግናሁ፡ እት ክፍለት 1970 ታት ትንከር ጅኑድ ሐደይስ አስክ ሰውረት እርትርየ ብዝሑ ወውጅብ ውሕዳስ ዴሽ ሰውረት እት ደረጀት ዐቦት ውቅል ራፍዑ ዐለ። ደረጀት መትነዛም ዴሽ ሸዕቢ ህጹ ደረጀት በራጊድ በጽሐት፡ ሐቆ አሊ መትነዛም ሐዲስ ህይ፡ ዴሽ ሸዕቢ መደይን ደቀም - ሐሬ ወከረን ዘብጠ። እት ወሬሕ ዩልዮ ሰነት 1977 ህይ፥ ሐንቲ ምልኩ ወደየን። ወሐቆህን ሰገነይቱ ወድግሰ ተሐረረየ። ለዳይናሚክ ናይ ዐውቴ አተላለ። እት ደነግብ ሰነት 1977 ህይ አስመረ ሐንቲ ከርዶን ሻምል አቱት። ግንደዕ ወገበይ አስመረ - ባጹዕ እብ ተማመ ተሐረረየ። መዲነት ባጹዕ ህይጹ ሰር እብ ሰር ሐንቲ ዱሽ ሸዕቢ አቱት።

· መጦር እሊ ጀብህት ተሕሪር እርትርያመ እት ሰነት 1977 እም - ህጀር፡ ተሰነይ፡ ዐዲ - ኳለ፡ መንደፈረ ወአቅርደት ሐረረት። ወእብሊ እተ ሰልፋይ አውረሐት ናይ ሰነት 1978 እምበል ዐሰብ፡ አስመረ፡ ዐዳ - ቀይሕ፡ ባረንቱ ወገሌ ክፋል ባጹዕ፡ መቓብ ክሉ ምድር እርትርየ እንዴዱዴ ተሐረረ፡ ሕርየት ካምለት ዮም ወፈጅር ትትበህል እተ ለዐለት መርሐለት ትበጸሐት።

ሰውረት ለአትበገሰቱ መሕበራይ ወእቅትሳድያይ ተቃዪር

ሰውረት እርትርየ እት ሰነት 1977 መጦር ርሕብ ምድር ሕሩ፡ ' ር፡ መሕበራይ፡ እቅትሳድያይ ወስያስያይ በርናምጃታመ እት መዓል እግል ተአውዕሉ አንበተት። ለአግደ አምሳላት እግል ንስሰሜ፡ -

ሳወዮት ምልክ ምድር

· እት ናይ ለመድ ንዛም ምልክ ምድር (Land Tenure System) ሐዞት ምድር ለይዐለት እግሎም ብዝሓም ሐረስቶት ወድቡራም ወእብ ፍንቲት አዋልድ አንሳት ምድር ለረክቦ እቡ በርናምጃት ሳወዮት ምድር እት ደዋይሖታት ብዞሕ ገብአ።

ክድመት ዓፍየት

· ሐቆ ሰነት 1975 ፡ ምስል መትሓባር ሰብ - መቅደረት ዓፍየት ብዝሓም እት ሰውረት እርትርየ፡ ዲብ ክድመት ዓፍየት አብ ቅያስ ልግበአ ወውጅብ ዐቦት ባይነት መጽአት። እግል ጅኑድ ሌጠ አንዴ ኢገብእ፡ AMA MAG ለሌሰት ክድመት ዓፍየት እግል ትውጀድ አንበተት። እት ሐረ ' ት እርትርየ ህጹ ሆስፒታላት ወክሊኒካት ተአሰሰ። ምን አካን እት አካን እበ ልትሐረኮ ሐከይም በርመ ክድመት ዓፍየት አስክላመ በር ለረፈም ትመደደት።

· ሐቆ እንሰሓብ እስትራተጅያይ ሰነት 1978 ፡ እብ ፍንቲት እት 1980 ታት ክድመት ዓፍየት ጀ . ሺ . ተ . እ . ሆስፒታል ምግባይ ናይ እሮተ ወሆስፒታላት ብዕድ ወዕያዳት እተክምሰልሁመ ናይ ድፈዕ ውሕዳት ዐመልያት ለከምክም ዱዴሽ ወሸዐብ ለከድም ንዛም ዓፍየት ዋሴዕ ወጥዉር እግል ልግበአእ ቀድረ። እብሊ እብ ፍንቲት እት ናይ ሐርብ ክድመት ዓፍየት እብ ደረጀት እዲነ እግል ልትጃገር ለቀድር እተ ደረጃት ባጹሕ ዐለ።

· ኣላፍ መአንብተት ወምግባያም ሰብ - መቅደረት ዓፍየት ለለአፈሬ መዳርስ ወደወ አሳሲያይ ትሸቄ ለዐለ መስነዕ አድውየት፡ ሐብሬ ወፈህም ለነሽር ጀረይድ ወአክትበት ህጹ ገሌ ምነ አግደ ወቀይ ፈሬዕ ዓፍየት ናይ ሰውረት እርትርየ ዐለ።

· ጀ . ተ . አ . እብ እንክረ ምሴርበት ወገቢል ለከድም ዐበዪ፡ ምግባይ ወነአይሽ መአሰሳት ዓፍየት እት ምድር ሕሩር እንዴ አሰሰት እት ምህነት ዓፍየት ጅኑድ ብዝሓም ድርብት ዐለት።

ክድመት ተዕሊም

· አብደዮት ቅዌት መባጹሕ ለአወላይ እንዴ ተሐሰበ እት ጅኑድ ቅዌት እግል አብደዮት እበ ገብአ ጸገም፣ እት ክፍለት 1970 ታት ጅኑድ ለበዜሕ ምኖም ቅዌት አብደ።

· እት ሰነት 1975-76 ፡ እት ጅሺ፳ . ተ . እ . ወጀተ . አ . መንህጅ ሐዲስ አንዴ ፈግረ ናይ መአንብተይት ደረጀት ወናይ ዐበዪ አክትበት ድራሰት እግል ልትዳሌ አንበተ። እተ ሕሩ ' ር ለዐለ በር ( ወምን ገጽ - ሐር እት መደይንመ ) መዳርስ ትፈተሐ። ቤት - ምህሮ ሰውረት ለአግደ ወለዐቤት መድረሰት እት እንተ እንዴ ተአሰሰት፥ ዐስሮታት ኣላፍ አፍሬት። ጅጀተ . አእ . ምን ሰነት 1977-81 ለአሰሰተ መድረሰት ጽበ ' ሕመ ደረሰ ብዝሓም ትከበተት።

· እት ሰነት 983 እት ምድር - ሕሩ፡ር ወሽብህ ሕሩር ለተአንበተ በርናምጅ ፊራሮ አብደዮት ቅዌት ህይ፡ በርናምጅ ምህም እት እንቱ ዐለ።

· እት ክሉ መጃላት ሽቅል፡ እት ዕስክርየት፡ ተክኒክ፡ ብነ፡ ሐርስ ወለመስሉ ልትህየብ ለዐለ ድራሳት ወተድሪብ እግሉ ለገብእ አክትበት አድረሶት ዐለ እግሉ። ወእብሊ ኣላፍ ምዋጥኒን ድራሰት ምህናት ረክበው።

ሰልጠት ገቢል

· ‘ ግቢል ልፍዘዕ፡ ልትነዘም፡ ልትሰለሕ ( ልትዐንደቅ )!" ለትብል ስቅራት ሐቱ ምነ አግደ አግደ መባጥር ፳፭.ተ.እ. ዐለት። እሊ መባጹሕ እሊ፡ ገቢል እንዴዱ ኢፈዜዕ ወኢልፍህም ኢልትነዘም ወኢልትሰለሕ። ሰውረት ህይ ኢትትዐወት እተ ትብል ቀናዐት ለተአሰሰ ዐለ። ሰበት አሊ ገቢል፡ እት ክል - መሕበራይ መጃምዑ ለልትነዘም እቱ መሕበራት ገቢል ወእተክምሰልሁመ ምሊሽያታት ወዴሽ አቃሊም ተአሰሰ እግሉ። እት ደነግብ 1970 ታት ወጠናይ መሓብር አዋልድ - አንሳት፡ ሐረስቶት፡ ሸቃለ፡ ደረሰ ወሸዐብ ተአሰሰ። እሊ መሓብር እሊ፡ ገቢል ምን ኢወጠናይ ወመካፍላይ አፍካር ወስምዒታት እንዴ ትባልሐ፡ ወጠናይ ወዐይ ወውሕደት ለረክብ ምኑ ወመሻረከት ዋቅየት እት ሰውረቱ ለአከደ እቡ መሓብር ዐለ።

· ገቢል እት መጃላት እዳራቱ መሻርካይ ዋቄ ጀላብ እግል ልግበአ፡ ሸቂ ለዐለ ናይ እስትዕማር ወለመድ ሰልጣት አብ ሰልጣት ገቢል እግል ልትበደል ዐለት እግሉ። ሰበት AA እተ ምድር ለሕሩር ወሽብህ ሕሩር፡ እብ ሕርያን ገቢል ለማጽእ መጃልስ ገቢል ወልሻቛን ክምሰልሁመ ልቛን ግብህ ወመትባጣር አባይ ተአሰሰ።

መሻረከት አዋልድ አንሳት

· “ መሻረከት አንሰይት እንዴ አለበ ለትዐወተት ሰውረት ይህሌት " ለትብል ሐቱ ምነ አሳስያይ ላቱ ቀናዓት ጀብህት ሸዕብየት ተ። ወእብሊ አሳስ እሊ ህይ፡ አዋልድ እርትርየ አግደ ቈዓጻት ወሒለት ሰውረት እግል ልግበአ ወለእግል መሻረከተን ለኬልብ ወመኔዕ አፍካር ወለመድ እንዴ ካየደየ ወተዓደየ እግል ልፍዘዐ፡ ልትነዘመ ወልትሰለሐ ለለአቀድር ግድላታት ትሩድ ገብአ። እብሊ አሳስ እሊ ህይ እርትርዪን አንሳት ሐቀን ወመሳዋተን አብ ወቀየን ወግድላህን እት አከዶት፡ ፈራሰት ለዕላመቱ ተአእሪክ ሸቀየ። ወአእብሊ እት አካነተን ወመናስበት ተጠውር ዐቢ ትረአ።

· ደብህት ሸዕብየት ሐቅ መሳዋት አዋልድ አንሳት እት ህዳይ፥፡ ሕድጎ፡ ውርስ፡ ምልክ ምድር፡ እት ስያሰት፡ ድራሰት፡ ምህናት ወለመስሉ መጃላት አግል አከዶት ድድ ናይለ እግል አንሰይት ለቀብብ ወለለአትሓምቅ ወጨቅጥ ናይ አብነ ' ት ዓዳት ድንጉር ወአፍካር ምክ ' ቈ፡ መሻረከት አንሳት ዋቅየት ለዐለት እቱ ግድላታት ትሉሉይ ወዲት።

· አዋልድ አንሳት እርትርየ ‘ መሳዋት እብ መሻረከት ዋቅየት " ለትብል ስቅራት እት መዓል እንዴ አውዐለየ እት ሰውረተን ለዐለት እግለን መሻረከት ፈራሰት ወመትሰባል እት ተእሪክ ግድላታት ገቢል፡ ሑዳይ መትጃግረት ሌጠ ትረክብ። ሰበት አእሊ፡ እት መአንበት 1970 ታት ሐዋን ለዐለ ብዝሌ ምቈርበት አንሳት፡ እት 1980 ታት እት 35 ፡ እንዱዴ ትወቀለ፡ ዐስሮታት ኣላፍ በጽሐ። እሊ እብ ክል - መጃሉ ዶል ልትርኤ፡

መጃል መሻረከት አዋልድ አንሳት እብ %

1. ዴሸ	23.0
2. ኢንዳስትሪ	29.5
3. መዋሰላት	25.9
4. ዓፍየት	55.2
5. ብነ ወዐማር	19.6
6. ሐርስ	19.8
7. ኤልክትሮኒክስ	25.0
8. ( ተዕሊም፡ ዓዳት፡ እዕላም፡ አትፋዝያዖት )	17.4
9. ማልየት ( ፋይናንስ )	9.5
10. እትሳላት	33.1

· ተረት አዋልድ አንሳት እት ሰውረት፡ እብ ጅኑድ ሌጠ ለባጥረት ይዐለት። አምኣት ኣላፍ አዋልድ አንሳት እት ምድር ሕሩር ወሽብህ ሕሩር፡ ሐንቱ አባይ እተ ዐለ መደይን ወድዋራቱ ወእት ዐለዮ፣፡ አንፋር መነዘማት ገቢል ስቡላት እንዴ ገብአየ ለአውፈያህ ክድመት ጌዳን ወሐድ ይዐለ እግለ። እተ ግድለ ህይ አሳስየት ዐለት።

መሓብር ገቢል

· አሰሶት ወአደቀቦት መሓብር ገቢል እግለ ' እተ ናይ ለመድ መዕየ እርትርየ ለጸንሐ ኢወጠንያይ ተክዊን እበ ሴሰት ገበይ ወጠንየት እት በደሎቱ ተረት ዐባይ ዐለት እግሉ።

· ወእብሊ ወጠናይ መሓብር ናይ ሐረስቶት፡ አዋልድ - አንሳት፡ ሸቃለ ወደረሰ እት ሰነት 1979 መአስሳይ ሙእተመራቱ እንዴ ወደ እግል ልንሸጥ አንበተ። እሊ መሓብር እሊ ገቢል እንዴ ትነዘመ ወፈዝዐ እት ሰውረቱ እግል ልቫርክ ተረት ዐባይ ዐለት እግሉ። ብዝሓም ምን አንፋር እሊ መሓብር እሊ ህይ እት ሰውረት ተሓበረው። ናይ ማል ወማደት ሰደይት እት ወዴመ እሊ መሓብር እሊ ክድመት ዋቅየት አውፈ፡ እምበል እሊ ለትበህለ መሓብር ገቢል እሊ፡ ብዕድመ ክምሰል ከረ መሕበር ሐከይም ለመስል ናይ ሰብ - ምህነት መሓብርመ እሱስ ዐለ።

· ሰነት 1975 ለትአሰሰ መሕበር ራድኢት እርትርያመ ( ኢረ ) እግለ እብ ትሉሉይ ቖጀፋፍ ወሐርብ ለእዙይ ክፋል መዕያነ ሰደይት እት ጀሜዕ ወወዜዕ ለልትሐመድ ወቀይ አውቀ። እተ መደትለ እት ሰነት 1984/85 እት እርትርየ ወአቶብየ ለትከረ ፈለል ጃእር ህጹይ እት ምድር ሕሩር ወሽብህ ሕሩር ነብር ለዐለ ገቢል ራድኢት ሻፍገት እት ለአትባጹሕ ፍገሪት ሰኔት ለዐለት እግለ ክድመት ወደ።

መጻግም ጀላብ ውሕደት፡ የስሩ ወፈሸሉ

· ቀደም እለ ክምሰለ ህደግናሁ፡ ምን ሰነት 1972-1974 ለአተላለ ሐርብ ሕድ እብሊ ለተሌ አስባብ እት ደነግብ ሰነት 1974 በጥረ።

1. ሰባት ወምርወት ቅዋት ተሕሪር እርትርየ ወእብ ሐርብ ክምሰል ኢትበዴ አመርደዮተ

2. መቃወማት ጅኑድ ጀብህት ተሕሪር ለወጠንዪን ወዲሞቅራጥዪን ድድ ሐርብ ኖስ

3. ሕለ ' ገቢል ጀላብ ውሕደት

4. ወዲቅ ወዘዋል ሕክም ለከልቀዩ ቴለል ውጡ ' ይ

· ሐርብ ክምሰል በጥረ፡ ፍንጌ ቅያደት ቅፈተ . አ . ወገሌ እት ከበሳታትለዐለው ሜርሐት ጀተ . አእ . ድድ አባይ ለገብእ ወራታት እግል አትመሳነዮት መዋጀሃት እግል ልግባእ እንቡት ዐለ። ፍንጌ ጅኑድ ክልኢቱ ለተናዚምመ አስክ ውሕደት ለጌልል መዋጀሃት ገብእ ዐለ። አተላላይ ናይ እሊ ህዬ ጀ . ተ . እ . እት ወሬሕ ማርስ ሰነት 1975 ካልኣይ ሙእተመር ተንዚመ እግል ቲዴ እት መትዳላይ ሰበት አቱት፡ እንቡት ለዐለ መዋጀሃት እግል ዶሉ በጥረ።

· እሊ ክእነ እት እንቱ፡ ወኪል ሕስር ካርጅየት ቅ . ተ . እ . ቴለል ሐረ ' ት እርትርየ እግል ልድሌ ወአግል ልህደግ ውለአመቅሬሕ አት ወሬሕ ማዮ ሰነት 1975 ሐረ ' ት ግድለ እርትርየ ካየደ። እት ሐረ ' ት እርትርየ እንቡት ለዐለ ነሻጣት ወሕደት ወልጅነት ህድግ ምነ ' ሙእተመር ለትፈግር ልጅነት ጅተ . እ . ትታኬ ክምሰል ህሌት ህዪ ተሐበረዩ።

· ጀ . ተ . አ . እት ወሬሕ ማዮ ሙእተመረ ክምሰል ወዴት ህይ፥ ኩርምት ለዐለት ህድግ እግል ተአተላሌ ወሐርብ ሕድ አብ ረስሚ እግል ልብጠር ቀረረት። እተ ሙእተመር ለትሐሬት ቅያደት ጀ . ተ . አ . ለሐዳስ፡ ናይ ህድግ ልጅነት ሐዳስ ከለፈት። ምናተ፡ እለ ልጅነት እለ ሕኔት ምስለ ' እት ሜዳን ለዐለት ታንጃህ ላተ ልጅነት ህድግ ቅ . ተ . አ . ተህድግ ወተአመቅሬሕ፡ ምስል ወኪል ሕስር ካርጅየት ቅ . ተ . አ . እግል ትህደግ አስክ ካርጅ ትወጀህት። ልጅነት ህድግ ጅተ .. እግለ ' እት ሐረት እርትርየ ለዐለ እንክር ቅ .:+ እ . እንዴ ሐሸት ምስል ወኪል ሕስር ካርጅየት እት ከርቱም እት ወሬሕ ሰብተምበር ሰነት 1975 እንዴ ትዋጅህት ክልኢቶም ውሕደት ቫፍገት ናይ ክልኢቱ ለተናዚም እግል ትግበአ ክምሰል ቀረረው ልትአመር። ቅ . ተ . አ . እት ሐረ ' ት እርትርየ እት ዮም 12 ኖቨምበር ሰነት 1975 እት ሰሜናዊ በሕሪ እጅትመዕ ወከይል ጅኑድ ሐዳስ ወዴት፡ ውፋቅ ከርቱም አንዴ ሰቀት፡ ምስል ጀብህት ተሕሪር እርትርየ ለተህድግ ልጅነት ሐዳስ ሐሬት።

· ወኪል ሕስር ካርጅየት እት ዮም 25 ማርስ ሰነት 1976 እተ ’ አፍገረዩ ሸሬሕ ምን ቅተ . ኔ . እንዴ ትፈለ ' ጀ . ተ . ኢ . ቅ . ተ . እ . ለልትበህል ተንዚም ክምሰል አሰሰ አትአመረ።

· እብሊታት ወለመስሉ ለትከለቀ ዐዋርድ፡ መሲረት ውሕደት እግል ገሌ አውቃት ተዐናቀፈት። እት ክፍለት ሰነት 1976 ክልኢቱ ለተናዚም እት ዐግሎ ህድግ እግል ዐገሎት ለአመመት ‘ ልጅነት ዕፊሬ ገቢል " ቀንጸት። ወእብሊ ሐቆ እጅትመዓት ትሉሉይ፡ እት ወሬሕ ፈብራይር ሰነት 1977 ምነ ትፈናተ እንክራት እርትርየ ለመጽአው 350 ነፈር ለገብኦ ወከይል ገቢል እት ጸበለ ለትትበህል አካን እንዴ ትጀመዐው ውሕደት ክልኢቱ ለተናዚም ጠልበው። እለ በዳሪት እሊ ህዬ መሻረከት ገቢል ነቪጠት እት ሰውረቱ ለትወዴሕ መሰል ተ

· እሊታት ወናይ ፈተች ድወል ንየይ ሰኒ እንዴ ትወሰከ እቱ፡ ክልኢቱ ለተንዚም እት ዮም 20 ኦክቶበር ሰነት 1977 ውፋቅ ውሕደት ፈረመው። ' ውፋቅ 20 ኦክቶበር " እንዴ ትበህለ እት ከርቱም ለትፈረመ ውፋቅ ቱ።

1. ውሕደት እብ ናይ አትመሳናይ ሽቅል - ሕበር እግል ትትበጸሕ

2. አሽቃሳት ክልኢቱ ተናዚም ለተአትመሳኔ ወተአትመቃሪሬሕ ናይ ሕበር ቅያደት - ስያስየት ውቅል አግል ትትከወን

3. ዐገል ሐርብ ናይ ክልኢቱ ተናዚም እግል ትርሰም፡ ከፈፍል ክልኦት ለተንዚም ለለአትመሳኔ ሐንቱ እለ ቅያደት ስያስየት ለዓሊት እንዴዱ ገብአ ለነሽጥ ናይለ ትፈናተ መጃላት ልቛን እግል ልትአሰስ ትቀረረ።

ሰኣላት

1. ሐቆ ሰነት 1975 ሜዛን ሒለት ዐስከርየት እብ ዛህር At መስለሐት ሰውረት እርትርየ ለትበደለ እቡ አስባብ ዘርዝሮ።

2. ሐረሮት ነቅፈ ሚ ምህመት ዐለት እቱን ?

3. እት ሰነት 1977/78 ሰውረት እርትርየ ለሐረረቱ መደይን ዘርዝሮ።

4. ሰውረት ለአምጸአቱ መሕበራይ፡ እቅትሳድያይ ወስያስያይ ተቃዪር ስመው

5. ውፋቅ 20 ኦክቶበር ለሰበበ ተጠውር ሽርሖ።