Wp/tig/Main Page/ተእሪክ እርትርየ/ምህሮ 28 - ናይ አቶብየ ፊራሮ ሲያሰት ወዕስክርየት

ለትትስኤ ፍገሪት ድራሰት

• እት ደንጎበ ናይ እሊ ምህሮ እሊ ደረሰ እብ ክሱስ እሊ ጋራት ፈህም መአንብታይ እግል ልርከቦ ልትሰአው።

• መቃወማት ወግብሃታት ገቢል ድድ እስትዕማር ወናይ ሒለት ረድ - ፍዕል ምን ጀህት አቶብየ።

• ናይ አቶብየ ፊራሮ አስረቶት (Scorched Earth) እት ገቢል እርትርየ ወለሰበበቱ ብቆት

መቃወማት ወግብሃታት ገቢል ወከያነት አቶብየ

• - ሓለት ሐረ ' ት ( ሜዳን ) እርትርየ ገበይ ኢራትዐት ጻብጠት እተ ለዐለት መደት፡ እት አስመረ ወመደይን ብዕድ ለዐለው ንዙማም ጀ.ተ.እ.፡ ገቢል ነዝሞ ዐለው። መቃወማት ደረሰ ህጹይ እት ዘይድ ወልትደቀብ ገይስ ዐለ።

• እት ወሬሕ ማርስ ሰነት 1965 ኣላፍ ደረሰ አስመረ እት ሸዋሬዕ እንዴ ፈግረው፡ ወራር ወዐሚም አቶብየ እግል እርትርየ ሰቀው። እሊ እግል አቶብየ ሰበት አብህቖጀየ፡ ሕክም ህይሌስላሴ አግል አሊ አሴራር ሰላም እሊ፡ አምኣት ደረሰ እንዴ አስረ ረድ - ፍዕል ህበ እቱ። ጠለብ ናይለ አሴራር ለወደው ደረሰ ህዜ፡ -

1. መነዘመት መጅልስ - ቅራን ወራር አቶብየ እት እርትርየ አግል ትስቀቅ

2. ለመጽእ በክት እርትርየ ለለሐድ ' ድ እስትፍተአ ( ሕርያን ገቢል ) አግል AMA

3. ዐሳበከር አሜርከ ወእስራኤል ምን እርትርየ አግል ልፍገሮ ወመዐስከር ቃሃሣው እግል ልትደበአ

4. ክሎም እብ ስያሰት እሱራም ለዐለው ምዋጥኒን እግል ልትፈትሖ

5. ደብእ መሳኔዕ እግል ልብጠር ለልብል ዐለ።

• ሐቆ እሊ ሐደስ እሊ፡ ፍንጌ ከርስ አስመረ ወ ጀ . ተ . አ . ዱቅሪ ከጥ መትራካብ ትከለቀ። እት ሰነት 1966 At ጃምዐት አዲስ - አበበ ነዘሞት ንዛም ጀተ . አ . ለአሰሰው ወሐር እት ማርሒት ሰውረት ተረት ዐባይ ለዐለት እግሎም ብዝሓም ምዋጥኒን ደረሰ ዐለው።

• እት ሰነት 1965/1966 ቀደሜሁ ለኢትረአ ሐረካት ዋሴዕ አት መደይን ገብአ። ዐሚም ወዐዚግ ምን ጀህት አቶብየ ክምሰል በዝሐ ህይ፡ ብዝሓም አስክ ሰውረት ፈግረው።

• እሊ ለመስል ሐረካት ገቢል ዋሴዕ እግል ሕክም ህይሌስሳላሴ፡ እግል ሰውረት እርትርየ ሐረክት ሽፍትነት ወልኡክ ዐረብ እግል ለአተምስለ ወድዩ ለዐለ ወራታት ዐልገት እት እንቱ ቁቡሉ ዐለ። እለ ሓለት እለ፡ ፈሸል ቅወት ፖሊስ እት አብደዮት ሰውረት እርትርየ ክምሰል ትወሰከ እተ፡ አቶብየ እት እርትርየ ለዐለት እግለ ሒለት ዐስክርየት እግል ተአዚድ ወተዓቤ ትጀበረት። እት ገሌ ደዋይሖታት እርትርየ ህይ፡ አዋጅ ሓለት ብቆት አወጀት።

• ሸዐብ እርትርየ እብ ሕድ እግል ለአብድዉ፡ ሸባብ ወእብ ፍንቲት ክስታን ውላድ ከበሰ እንዴ ዐስከረው ሐቱ ድድ ሰውረት ( Anti Guerilla ) ለትትትሓረብ ውሕደት ናይ ኮማንዶ አሰሰው። እሊ እብ ለመድ ከሞንዶስ ልትበህል ለዐለ ሰውረት ቅድረት እሰርኤል ለድሩባሙ ዱሽ ዐለ። አወሳይ ፎጅ ናይ ከሞንዶስ እት ወሬሕ ሰብተምበር ሰነት 1964 ክምሰል ትከረጀ፡ ምን አምዕል ተክሪዱ እንዴ አንበተ፡ አስክ ሰነት 1975 እተ ድድ ሰውረት እርትርየ ገብእ ለዐለ ናይ አቶብየ ፊራሮታት ዐስከሪ ለዴሽ ለእሙር ለመትሓርባይ ገብአ። ስያሰት አቶብየ ለሳብተት፡ እግል ሸዐብ እርትርየ እብ ዲን ወቀበይል እንዴ ፈናቱከ ጀላብ ሐቂ እብ ሕበር ክምሰል ኢቀንጽ ውድየት + ለዐለት። ረድ - ፍዕል ሸዐብ- እርትርየ አእትለ፡ ዴረይት ወዋድየይት ስያሰት አቶብየ እለ ህይ፡ እብሊ ለተሌ ናይለ መደት ለህ ውሕደት ለጠልብ ሕላይ እግል ልትሸረሕ ቀድር።

አስላማይ ክስታናይ ወዲ ቆለ ደገ

ንምኽሪ ጸላኢ ኣይተሀቦ ዋገ

አይተሀቦ ዋገ ከይትኾኖ ዕዳገ

ናይ አቶብየ ፊራሮ አስረቶት

• እት ሰነት 1967 አቶብየ ሰውረት እርትርየ እግል ተአብዴ ፊራሮ አስረቶት (scorched earth) አትበገሰት። ለወራር እት ወሬሕ ማርስ ሰነት 1967 ተአንበተ። አስክ እሊ ወቅት እሊ እት እርትርየ ዎሮት ብርጌድ ናይ ካልኣይ ( ክፍሌ - ጦር ) ሌጠ ዐለ። እተ መደት ናይለ ወራር ለዋሴዕ ታርፋት ምኑ ለዐለየ ክልኤ ብርጌድ ናይለ ( ክፍሌ - ጦር ) መ እርትርየ አተየ። እትሊ ወራር እሊ፡ ከሞንዶስመ መጠር ጦር - ሰራዊት እንዴ ገብአው ሻረከው።

• እትሊ ናይ ሰነት 1967 ወራር አብደዮት ሰውረት አምኣት ደገጊት ረአሱ - ቀደም ልትደከክ እት ህለ፡ ኣላፍ ምን በርጌስ ሸዐብ ህይ ትቃተለው። እት በርኩ - ለዓል ሌጠ 62 ድጌ ነደው። ሐድ 300 ትንፋስ ህይ ትቃተለው። እት ህዘሞ የም - አለቡ ደገጊት ነደ '’ ወዝያድ 253 ነፈር ሞተው። እምበል እሊመ እት ሰንሒት ወሳሕል 30 ድጌ ነዶ ’ እት ህለው፡ የም - አለቡ ገቢል ህይ ትቃተለ። እት ሰምህርመ ዱዴሽ አቶብየ 115 ምን ሸዐብ ቃተለው። እብሊ ናይ አስረቶት ፊራሮታት ናይ ዴሽ አቶብየ ሐድ 30 አልፍ ለገብእ ሸዐብ አስክ ሶዳን ለጅአ። ለሰልፋይ ፎጅ ናይ ለድእ አስክ ሶዳን እት ገብእ፡ አስክ አምዕል ሕርየት እት ሶዳን ወድወል ብዕድ ናይለ ለጅአ ሸዐብ እርትርየ ብዝቈ 500 አልፍ በጽሐ።

ሰኣላት

1. እት ናይ ሰነት 1965 አሴራር ደረሰ ለቀደመዉ ጠለባት ሚ ዐለ ?

2. ሕክም ህይሌስላሴ እት ክፍለት 1960 ታት፡ ሸዐብ እርትርየ እንዴ ፈናተ እግል ለአስተዕምሩ ለትነፈዐ እበ ስያሰት ሚ ዐለት ? መባጽሐ ህዬ?

3. ፊራሮ አስረቶት ( ስኮርችድ ኤርዝ ) ሚ በህለት ቱ ?