Wp/tig/Main Page/ተእሪክ እርትርየ/ምህሮ 23 - መትከያድ ፈደራሬሽን ወወራር ባይን

ለትትስኤ ፍገሪት ድራሰት

• እት ደንጎበ ናይ እሊ ምህሮ እሊ ደረሰ እብ ክሱስ እሊ ለተሌ ንቀጥ መፍሁም መአንብታይ እግል ለህሌ እግሎም ልትሰአው።

• መትከማካም እግል ከዪድ ፈደሬሽን

• መቃወማት እርትርዪን ድድ ምስዳራት ሕኩመት አቶብየ

• አዋጅ ወራር አቶብየ እት እርትርየ

መትከማካም እግል ከዪድ ፈደሬሽን

• እት ወሬሕ ኖሸምበር ሰነት 1958 ፡ ሕኩመት አቶብየ መንዴረት እርትርየ ከሬት። እለ ምስዳር እለ ህይ እንቡተት ናይለ ተሚመ ለኢተር ' ፈ ’ ምሽዋር ገብአት። ሐቆ ገሌ እዋን እት ወሬሕ ማዮ ሰነት 1960 ፡ ‘ ሕኩመት እርትርየ " ለትብል ስሜት እንዴ ትከሬት፡ “ እዳረት እርትርየ " ትበደለት። ከትም ሕኩመት እርትርያመ እብ ናይ አቶብየ ትበደለ።

• እምበል እሊመ፡ እት ወሬሕ ሰብተምበር ሰነት 1960 ፡ አቶብየ እግል ክሉ መዳርስ እርትርየ ሐንቲ እዳረተ ኣቱቱ። አምሐርንየ ህይ ትግርንየ ወዐረቢ እንዴ ወርሰት ህግየ እርትርየ ረስምየት ገብአት። እሊ ክሉ ህይ፡ ድድ ናይለ ናይ መጅልስ - ቅራን ቀራር ፈደራሸን እት እንቱ ገብእ ዐለ።

መቃወማት ድድ ምስዳራት ሕኩመት አቶብየ

• መሲረት ከዪድ ፈደሬሽን እት ሸዐብ መቃወማት ህረሰ። ደረሰ እግል ናይ አቶብየ እዳረት መዳርስ እርትርየ ትቃወመው። ፍገሪት እግል ናይ ህይ፡ 35 ምን ደረሰ እግል አር - ኣርበዕ ወሬሕ ተአሰረው።

• እት ወሬሕ ሰብተምበር ሰነት 1961 ሓምድ እድሪስ ዐዋቲ እብ ስሜት ደብህት ተሕሪር እርትርየ ግድለ ስለሕ እንቡት ዐለ። ጅ . ተ . አ እት እት 1962 እት አቅርደት ህዱም ቀናብል እተ ወዴት እቱ ወቅት፡ ሰለስ ምን ሰብ - ሰልጠት አቶብየ መይቶ እት ህለው፡ 62 ብዕዳም ህይ ተሓከረው።

• እት ሰነት 1962 አንፋር ሐረከ ለዐለው ገብሬመድህን ወመልህያሙ እት ቀሽ ዲሞጥሮስ ጀርቤ ቀትል ወደው። መጨርባይ ገብሬምድህን እንዴ ተሐከረ እት ዕያደት እተ ለዐለ እቱ ወቅት፡ ምስጢር እግል ኢለአፍግር እንዴ ቤለ ጸልዐቱ ኖሱ እንዴ ፈትሐ አርወሐቱ ቀትለ። ቀደም መትከያድ ፈደሬሽን ህጹ ሸዐብ አርትርየ እብሊ ለመስል አግቡይ መቃወመቱ ሸርሐ።

ወራር አቶብየ እት እርትርየ

• አወይን ወራር እግል ክሉ መተቅብላይ ባይን ዐለ። እት ዮም 13 ኖሸምበር ሰነት 1962 ሰብ - ሰልጠት ሕኩመት እግል ክሎም ፖሊስ እርትርየ ዐዶም ነድአዎም። በደሎም ህጹይ አስመረ " ጦር - ሰራዊት " አቶብየ መልአወ። እምቢ ያሌ ሰው፡ ጥይት አግርሰው ( አቤኮ ለቤለ፡ ጠልገት አሉሹ ’) እት ልብሎ፣ ሸዋሬዕ ዶረው። ጥያራት አቶብየ እት ጀው እት ለዐውለ ሸዐብ እግል ለአብህጃ፳ ወጠነየ።

• ፈጅረተ ዮም 14 ኖሸምበር ሰነት 1962 መጅልስ እርትርየ እብ ጦር - ሰራዊት እብ ስድ ' ት እት ልትዐቀብ ትጀመዐ። አስፈህ ወልዴሚካኤል ህይ ተድለ ዑቅቢት እት ተል ' ዩ እት ቀበት መጅልስ አተ። እተ እብ አምሐርንየ እግል መድጅልስ ለህበዩ ወዐዝ፡ እርትርየ እት አቶብየ ክምሰል ተሓበረት ወፈደሬሽን ክምሰል ትከየደ ሸርሐ። አንፋር መጅልስ እንዴ ልትሰአሎም አለቡ፡ ኤታኑ መትከባቶም ሐመደዮም። ፈደሬሽሸን ህጹይ እብ ክእነ ገበይ ትከየደ። አእርትርየ ህጹ ሐንቱቴ ናይ አቶብየ ምልክ ቫምል አቴት።

• እት አስመረ ለዐለው ሜርሐት ሐረክ፡ እሊ እንዴ ትቃወመው አሴራር ዋሴዕ ነዘመው። ለአሴራር፡ ፖሊስ ፈንጠረዉ። ብዝሓም ምን ሜርሐት ወአንፋር ሐረከ ክምሰል ከረ መሕሙድ እስማዒል፡ ሳሌሕ እያይ፡ ሙሰ አፍሖ፡ ትኩእ ይሕደጎ፡ ከሕሳይ በህልቢ፡ ወልዴሚካኤል አብረህ ወተክላይ ገብሬስላሴ ህዪይ ተኣሰረው። እሊ ክእነ እት እንቱ ህጹይ ሸዐብ እንዴ ቀደ '/ መ ድድ እስትዕማር አቶብየ ስለሕ እንዴ ጸረ እግል ሕርየት ወጠን ሰውረት ህሩስ ዐለ።

ሰኣላት

1. ስሜት “ ሕኩመት እርትርየ " ም እት እዳረት አርትርየ ለትበደለት እቱ ወመንዴረት እርትርየ ለትከሬት እቱ ወሬሕ ወሰነት ወሰበቡ ሽርሖ።

2. ረድ - ፍዕል ሸዐብ እርትርየ እት መትከያድ ፈደራሸን ከፎ ዐለ ?

3. ፈደሬሽን ሚ ዶል ወእብ ከፎ እብ ገበይ ረስምየት ትከየደ ?