Wp/tig/Main Page/ተእሪክ እርትርየ/ምህሮ 22 - ሐረከት ተሕሪር እርትርየ ( ሐረከ )

ለትትስኤ ፍገሪት ድራሰት

• እት ደንጎበ ናይ እሊ ምህሮ እሊ ደረሰ፡ እብ ክሱስ እሊ ለተሌ ንቀጥ ፈህም መአንብታይ እግልልርከቦ ልትሰአው።

• መትአሳስ ወአግቡይ መትነዛም ሐረከ

• ሕውነ ' ሐረከ

መትአሳስ ሐረክትት ተሕሪር እርትርየ

• አወለይት ውሕደት ሐረክት እት ዮም 2 ኖሸምበር ሰነት 1958 እት ፖርትሶዳን ተአሰሰት። ምን መአስሰተ ህይ፡ መሐመድ - ስዒድ ናውድ፡ መሐመድ አል - ሐሰን ዑስማን፡ ዑስማን መሐመድ ዑስማን ወሳሌሕ እያይ ዐለው እቶም።

• ሐረከ እት ሶዳን ለትአሰሰት እቡ ሰበብ፡ እት እርትርየ እት ደነግብ ሕምሳታት ንዛም ፖሊስ ዓምም ሰበት ዐለ፡ ሐረከት ወጠንየት ውድየት ትጉብ ሰበት ዐለ ቱ። አግደ መባጹሕ ሐረከ እሊ ለተሌ ዐለ፡

1. ውሕደት ገቢል እርትርየ አከዶት ወዐቂብ

2. ሕርየት እርትርየ አምጽኦት

3. ንዛም ዲሞቅራጥያይ ከወኖት

• እት ሰነት 1959 ፡ ሐረክት እት ቀበት እርትርየ ወራታት ነዘሞት ገቢል አንበተት። ሳሌሕ እያይ እት ከረን ወበርከ፡ ያሲን አቀደ እት ከበሰ፡ ሰምህር ወደንከል እግል ልነዝሞ ትየመ ' መው። መትነዛም ሐረከት AN ምስጢር ዐለ። ቅያደት ኦኣመት እት ፖርትሶዳን እንዴ ገብአት፡ ውሕዳተ እት ዐድ ልግበእ ወካርጅ አብ ሰብ - ሰቦዕ ነፈር ለትነዘመ ዐለ። አንፋር ሐቱ ውሕደት ምነ ውሕደቶም ወኬን አንፋር ውሕዳት ብዕድ እግል ለኣምሮ ሐቅ ይዐለ አግሎም ወገበይ። ክል - ነፈር ውሕደት ህጹ ጀላብ ቀድየት ወጠን አግል ልትሰበል ልምሕል ወልትነዘም ዐለ። እብ ' ለ ገበይ እለ ' ፥ ሐረክት ምዋጥኒን ብዝሓም ነዘመት። ክል - ውሕደት እት ወቅት ሕዱ ' ድ እት ትትዋጀህ ጋራት ወሓላት ወጠን ተህድግ። እሊ ህዪ እግል ወዐይ ወፈዛዐት አንፋረ እት ዓበዮት ተረት ዐባይ ዐለት እግሉ።

ሕውነ ' ሐረከ

• እት ፍንጌ ቅያደት ወፍንጌ እት ቀበት ዐድ ለትነዘመው አንፋረ ዕላቃት ወቅርብ ይዐለ። አብሊ ሰበብ እሊ ህይ፡ እግል አንበቶት ግድለ ስለሕ ውጡይ ለዐለ በክት እግል ትትነፈዕ እቡ ኢቀድረት።

• እት ቀበት እርትርየ እንግላብ እንዴ ወዲከ ሕርየት ዐለ ' ኖት ለዐለት እስትራተጅየት ሐረክ፡ እግለ ናይለ መደት ለህ ዋቁቄዕ አርትርየ ወፈደሬሽን እት ወግም ለኡቲት ይዐለት።

• ሓምድ እድሪስ ዐዋቴ እብ ስሜት ጀብህት ተሕሪር እርትርየ እት ሰነት 1961 ግድለ ስለሕ ዶል አንበተ፡ ብዝሓም ምን አንፋር ሐረክ እት ቖጀብህት ተሕሪር እርትርየ ተሓበረው። ተእሲር ስያሰት ሐረከ ህዪይ እት ለሐውን ጌሰ። ምናተ፡ አሊ በህለት፡ ሐረከ እት ግድለ ስያሰት ወጠን ወእት ዓበዮት ወዐይ ወፈዛዐት ገቢል ተረት ዐባይ ክምሰል ዐለት እግለ እግል ልትነሴ ኢወጅብ።

ሰኣላት

1. ሐረከ እግል ሚ ቱ ምን እርትርየ እት ካርጅ ለትአሰሰት ?

2. እት ከርስ እርትርየ መነዝመት ሐረከክ ለዐለው ምዋጥኒን ሳሙ።

3. አግደ ሕውነ ' ሐረከ ዘርዝሮ።