Wp/tig/Main Page/ተእሪክ እርትርየ/ምህሮ 21 - መቃወማት ገቢል እግል ዳፍእ መትከያድ ቃኑን ፈደሬሸን

ለትትስኤ ፍገሪት ድራሰት

• እት ደንጎበ ናይ እሊ ምህሮ እሊ ደረሰ እብ ክሱስ እሊ ለተሌ ንቀጥ ፈህም መአንብታይ እግል ልርከቦ ልትሰአው።

• መቃወማት ምን ቀበት መጅልስ ወእት ዘዋል ሕክም ተድለ ለጌለለ አሕዳስ

• ቀኒጽ ሐረክት ደረሰ

• ናይ 1958 እድራብ ሸቃለ፡ ሰበቡ ወፍገሪቱ

መቃወማት ምን ቀበት መጅልስ እርትርየ

• ሓለት እቅትስድ አርትርየ እት ትትኬለም ወመትአታታይ አቶብየ እት እርትርየ እት በዜሕ አክለ ' ጌሰ፡ አንፋር መጅልስ አግል ልትቃወሞ አንበተው። ምናተ፡ ለመቃወማት ምን እብራሂም ሰልጣን፡ ዑመር ሃኪቶ ወደጂገብሬዝጊ ጋንጉል ሌጠ እንዴ ኢገብእ፡ ላመ አግደ ቴልየት ሕብረት ለዐለው አበ ’ ህብቱማርያም ንግ ' ሩ፡ እምባይ ገብሬአምላኸ ወብዕዳምመ መቃወማት አንመዐው።

• መትአታታይ አቶብየ እት በዜሕ ክምሰል ጌሰ፡ 29 ምን በርለማን እት ዮም 13 ፈብራይር ሰነት 1954 እንዴ ትዋጅህው፡ ርኢስ ህኩመት ተድለ ባይሩ፡ እጅትመዕ ሻፍግ እግል ሊዱ እግሎም ጠልበው። ምናተ ርኢስ ሕኩመት አበ። እብሊታት ወአብ አስባብ ብዕድ ዕላቃት ተድለ ወመጅልስ እግል ልእኬ አንበተ።

• እምበል አእሊመ አንፋር መጅልስ አርትርየ፡ አስክ ወኪል ጋራት እርትርየ እት መጅልስ - ቅራን፡ ቆናስል ብሪጣንየ፡ አሜርስከ፡ ፈረንሰ፡ ጥልያን ወወኪል ሶዳን፡ ፈደሬሽን ልትከየድ ክምሰል ህለ፡ ለሸሬሕ ጥርዓናቶም ነድኦ ዐለው።

• እት ክእነ ለመስል ቴለል ወተጠውራቱ፡ እት ሰነት 1953 ለገብአ ናይ በደሎት አንፋር መጅልስ ሕርያን፡ ወልደኣብ ዕዉትመ ምን ለዐሌ፡ ተድለ ባይሩ ረፍደዩ። እለ መሰል ሐቱ ናይለ ሕኩመት ተድለ ባይሩ ትወድዩ ለዐለት ወደዲት ከዪድ ሕቁቅ ዲሞቅራጥያይ ተ።

ዘዋል ሕኩመት ተድለ ባይሩ

• ትድለ ባይሩ እምበለ ' ምስል አንፋር መጅልስ ( አንፋር መሕበር ሕብረትመ ልግብኦ ) ለዐለ እግሉ ኢውፋቅ፡፥ ምስል አንደርጋቸውመ እት መናዘዐት ዐለው። አንደርጋቸው ምስል ከረ ቀሽ ዲሞጥሮስ ገብሬማርያም ለመስሎ ቴልየት ሕብረት እሙራም - ሕጉራም እንዴ ገብአ፡ ተድለ እግል ለኣውድቅ ከድም ዐለ።

• እት ሰነት 1955: ቀሽ ዲሞጥሮስ ለመርሐሖም መትቃውመት ተድለ ላቶም አንፋር መድጅልስ፡ አስክ ህጸይ ህይሌስላሴ እንዴ ጌሰው ጠርዐው ምኑ። ለጥርዓን እብ ክሱስ ተድለ ድድ ሽፍትነት ለአፍገረዩ አዋጅ ወልተ ' ብዑ ለዐለ አግቡይ ምል ' ክ ለለህድግ ዐለ። ህጸይ ህይሌስላሴ እግል ተድለ እት አዲስ - አበበ እንዴ ትላከዩ፡ “ ወከይል ሸዐብ ተአቀድብ ሐቆ ህሌከ፡ ምን ሰልጠከ ትሸነ ' ከ ’ ለልብል ትእዛዝ ህበዩ።

• እብ አሳስ እሊ ተውጂህ እሊ፡ ተድለ እት ዮም 18 ዩልዮ ሰነት 1955 እብ ገበይ ረስምየት ምን ሰልጠቱ ትከረ። ሐቆ ገሌ አምዓላት ህዬ ዐሊ ራድኣይመ ዐረ ' ዩ። ሺቪመት ተድለ ናይብ ናይ እንደርጋቸው ለዐለ አስፈህ ወልደንኪኤል ወርሰየ። ርኢስ መጅልስ ህዬ እብ ሕርያን እድሪስ መሐመድ ኣደም ገብአ።

• እት ሰነቱ ካልኣይ ሕርያን መጅልስ ገብአ። መጅልስ እርትርየ ህዪይ፡ እብ ከያነት ናይ አስፈህ፡ ቀሸ ዲሞጥሮስ፡ ወርኢስ ፖሊስ ለዐለ ኮሎኔል ( ህር ጀነራል ) ተድለ ዑቅቢት፡ ምን ቴልየት ሕብረት ክምሰል ልትመለእ ገብአ።

ሐረካት ደረሰ ወሸቃለ

• እት ወሬሕ ማዮ ሰነት 1957 ደረሰ ቀ . ህ . ስ፡ እት አስመረ ድራሰት ህግየ አምሐርንየ እንዴ ትቃወመው፡ ሐቅ ገቢል እግል ልትሐሸም፡ አሴራር ሰላም ወደው። ለደረሰ፡ አግደ እበ ' ወልደኣብ እት ሰነት 1956 ምን ካይሮ ነሽሩ ' ለዐለ በርናምጅ ራድዮ ተእሲር ጋብአ እቶም ዐለ።

• ሐቆ ገሌ አምዓላት ለእድራብ ገሌ ደረሰ ብዕዳምመ ተሓበረዉ። እት መደይን ብዕድ ህይ ለዐለ። እት ደንጎበ ደረሰ ብዝሓም ተኣሰረው።

• እት ዮም 10 ማርስ ሰነት 1958 ፡ ሸቃለ ቃኑን ሽቅል ለሐዲስ እንዴ ትቃወመው እድራብ ወደው። እት አስመረ ህዪ 20.000 ለገብእ ሸዐብ ተሓበረዮም። መአሰሳት ህይ ትዳብአ። እተ ' እት አስመረ እግል ሰለስ አምዕል ለአተላለ እድራብ፡ ረብሸት ወዘብጥ ስለሕ ገብአ። እብ ስለሕ ናይ ፖሊስ ህይ ዐስሮታት ምን ሸቃለ ትቃተለው። ሐድ 80 ለገብኦ ህይጹ ተሓከረው። ሜርሐቶም ህዪይ ተኣሰረት።

• ፖሊስ ወድወ ለዐለው ዐዛብ እት ትትኬለም ክምሰል ጌሰት ህይ፡ ሜርሐት ሸቃለ፡ ጀማዐቶም እት ሽቅሎም አግል ተዐብሎ ሰበት ትላከው፡ ለሓለት ህድአት። ሐቆ ገሌ መደት ህይ መሕበር ሸቃለ ትመሰሐ። ቀደም አላመ እሊ ለመስል አድራባት ሸቃለ እት ባዜጹዕ፡ ዐሰብ ወከረን ጋብእ ዐለ።

• እሊ ለመስል ሐረካት ደረሰ ወሸቃለ እግለ ናይ 1940 ታት ናይ ቀበይል ወአድያናት ስያሰት ኢወጠንየት ለትዐደ ' ፡ እት ሐዲስ ዘበናይ መሕበራይ መጃሜዕ ለትአሰሰ ወዐይ ናይ ወጠንየት ስያሰት ወመትነዛም ወልደ። እሊ ህዬ እት ዐቦት ጅንስየት ወጠንየት እርትርየት ምስዳር ዐባይ ገጽ - ቀደም ዐለ። እት ሰነት 1958 ለትአሰሰት ሐረከት ተሕሪር እርትርየ ( ሐረከ አው መሕበር ሸውዐቴ ) ህይ ለትወቀለት ፍገሪት ናይለ እተ መደት ለህ ለትጠወረት ወጠንየት ዐለት።

ሰኣላት

1. አስማይ ናይለ እት መጅልስ እርትርየ መቃወማት ለአስመዐው አንፋር መጅልስ ሳሙ።

2. አንፋር መጅልስ እብ ክሱስ መትአታታይ አቶብየ ለከትበዉ ጥርዓን ወለድወል ለአስኩ ነድአዉ ሳሙ።

3. እት ሰነት 1955 እት አካን ተድለ ባይሩ ወዐሊ ራድኣይ፡ ርኢስ ሕኩመት ወርኢስ መጅልስ ለገብአው መን ወመን ዐለው ?