Wp/tig/Main Page/ተእሪክ እርትርየ/ምህሮ 17 - ቀራር ቤት - ጎማት መጅልስ - ቅራን ለዓሊት

ለትትስኤ ፍገሪት ድራሰት

• እት ደንጎበ ናይ እሊ ምህሮ እሊ ደረሰ፡ እብ ክሱስ እሊ ለተሌ ጋራት ፈህም መአንብታይ እግል ልርከቦ ልትሰአው።

• ተቃዪም ወለትፈናተ እማማኢባት ድወል አንፋር መፈወድየት ፈቱሽቨ መጅልስ - ቅራን

• መሳሌሕ አሜርከ ለከድም ቀራር ፈደራሽን (390(A)V ፡

ተቅሪር መፈወድየት ፈቱሽ መጅልሱቅራን

• መፈወድየት ፈቱሽ መድልስ - ቅራን ፈቱሸ ክምሰል አትመመት፡ ሰለስ እት ሕድ ለኢበይእ መከምከሚታት በጽሐት። ፓኪስታን ወጓቲማለ ሕርየት እርትርየ ታመት የመመየ፡ በርመ ወግብለት - አፍሪቶቀ፡ እርትርየ እብ ፈደሬሽን ምስል አቶብየ እግል ትትሓበር የምመ እት ህዘለየ፡ ኖርወይ ህይ፡ ከበሳታት፡ ደንከል ወሰምህር አቶብየ እግል ልትህየብ፡ ቀላቅሎታት ምውዳቅ - ጸሓይ ህጹ ሐንቱ ምልክ እንግሊዝ እግል ልጽነሕ ወሐር እብ ምራዱ እት አቶብየ ልግበእ ወሶዳን አእግል ልትሓበር የመመት።

• ቀድየት አእርትርየ እት መጅልስ - ቅራን እት ወሬሕ ሰብተምበር 1950 ትከሬት። መጅልስ - ቅራን ህይ እግለ ቀድየት ለትብሕስ ወትፈትሽ ናይ ዶሉ ልጅነት ከወነ። ወከይል ሓዛብ እርትርየ ምብላሶም ANA ለአስምቦዖ ዐዙመት ገብአት አግሎም። ሕብረት - ሶቨቭዜት ለቀደመቱ ሕርየት እርትርየ ለለአይድ ረአይ፡ አሜርከ ወብሪጣንየ ኢትከበተያሁ።

• አሜርከ እርትርየ እብ ፈደሬሽን ሐንቱ ምልክ አክሊል ሺመት አቶብየ እግል ትእቱ ረአየ ቀደመት። ሐረ ’ ት ሕርየት ውኩላም ለዐለው እብራሂም ስልጣን ወወልደኣብ ወልዴማርያም አግል እሊ ፍክር እሊ ነክረዉ ወሰቀ ' ዉ። ፈደሬሽን አግል እርትርየ እት ከፍ አባይ በዲሮም አብረዶተ ቱ እንዴ ቤለው ህዪ፡ ገቢል እርትርየ፡ ካርተት እርትርየ ምን ካርተት አዲነ እግል ትትሐከክ ኢሰሜሕ ወኢልክህሉ ለትብል መቃወመት መራ ’ ር አስመዐው። ሕርየት እርትርየ ሳብተት ወካምለት ህዬ ጠልበው።

• እብራሂም ስልጣን እት እጅትመዕ መጅልስ - ቅራን ለቀደመዩ ወዐዝ ትሩድ ክአእነ ቤለ፡ -

• “ እርትርየ እታመ ዘበን ለቅዱ ' ም ሐንቱ እስትዕማር አቶብየ ኣትየት ኢተአምር። . እሊ ክሉ ግብሃታት ስለሕ፡ እብ ፍንቲት ህቶም ( አቶብዪን ) እግል ደውለት ( እርትርየ ) እግል ለኣስተዕምሮ ወልምለኮ ቱ ማሚ ገብእ ለነብረ ? ... እግል ሚ ቱ ሕነ እለ ተቢዐታይ ሐቅ ድወል እዲነ ላተ ሕርየት ንትነኬ ለህሊነ ? .... እአግል ሊብየ ወሶማል ህዩብ ለህለ ሐቅ፡ ሕነ ህይ እግል ሚ ንትከልኡ ? ቀራር ጊጉይ ወሻከፍ ትነሰአ እትነ ምን ገብእ፡ እሉ እንዴ ትቃወምነ፡ ሕርየትነ እግል ንርከብ ወአእለ እግል ንዕቀብ እተክምሰልሁመ ህለዮትነ እግል ነአስብት እግል ኒደዩ እበ ንትጀበር መቃወማት እት ምፍጋር - ጸሓይ አፍሪቀ ለልትከለቅ ነዐር ወግብሃታት፡ አንፋር እሊ እጅትመዕ እሊ መስኡልየት እግል ልትሐመሎ ቱ። "

ናይ ቤት - ጎማት መጅልስቅራን ለዓሊት ፈደራልያይ ቀራር 390(A)V:

• ቤት - ጎማት መነዘመት መጅልስ - ቅራን አት ዮም 2 ዲሰምበር ሰነት 1950 እግል አሜርክ ወቴልየተ ለቀደመዉ ኤታን ፈደራልያን ሳደቀቱ።

• ወእብሊ፡ ቀራር ፈደራልያይ፡ 390 (A)V: እብ ተእዪድ ናይ 46

• ደውለት ወ 10 መቃወመት ሐልፈ።

• ለቀራር እርትርየ ሕርየት ከርስ ወሕኩመ ኖሰ እንዴ ረክበት፡ ምስል አቶብየ እብ ፈደሬሽን ክምሰል ትትሓበር ወደ።

• ፈደሬሽን ፍንጌ ክልኤ አወ ዝያደተን ላተን ድወል ሕሩራት ወሱውያት፡ እብ ምራድ ክለን ለተምም ውፋቅ ቱ። ለልትዋፈቅ ድወል ክል - ምኑከ ናይ ካርጅየት፡ ድፈዕ፡ እቅትሳድ መጃላተ ኖሰ ተአመቅርሑ። እት ቀድየት አርትርየ ላተ እብ ድድ አሊ፡ እርትርየ ደውለት ሕረ ’ ት ወሕኩመት ረሐ ቃድረት ለበ አንዴ ኢትገብእ፡ ሐንቱ ምልክ አክሊል መምለከት አቶብየ ክምሰል ትትቀየድ ሰበት ወደ፡ ለፈደሬሽን ምን አሳሱ ወቅርዱ ድሉል ወሻከፍ ቱ ለዐለ።

• ሐቆለ ቀራር፡ እት ዮም 31 ዲሰምበር ሰነት 1951 እት አስመረ ‘ ሙእተመር ሰላም " ለልትበህል ወዕለ ፋይሕ ገብአ። ክሎም ሜርሐት ሓዛብ ወሜርሐት ደያናት እንዴ ትዋጅህው ህዪይ ዕሬ ጠልበው።

• ቀደም መትአሳስ ፈደሬሽን መጅልስ - ቅራን ለይሙሙ ኮሚሽነር እርትርየ አተ። ደስቱር እርትርየ እግል ልከጥጥ ወናይ ሰልፍ ሕርያን መጅልስ አርትርየ አግል ለአውዴ ትየመመ። ለደስቱር መጅልስ እርትርየ ክምሰል ትከበተዩ፡ ወህጸይ አቶብየ ክምሰል ሳደቀዩ ህይዪ፡ ፈደሬሽን እግል ልትአሰስ ትቀረረ።

• እት እርትርየ ሰዐለ ሓዛብ እምበለ፡ " ውሕደት እስላም ሕረ ’ ት " ለልትበህል ሕዜባይ ንኡሻይ፡ ብዕድ እግል ፈደሬሽን ልካፊሕ አው ለአይድ ሒለት ስያሰት ይዐለት እግሉ። ለቀራር ምን ቅርዱ ወአሳሱ እግል ምራድ ወመሳሌሕ አሜርከ ወመስንየተ አቶብየ ለከድም ቱ ለዐለ።

• እለ ሐቂቀት እለ ለከስስ ምን ገጽ - ሐር ለትፈደሐ ወሰይቅ ምስጢር፡ ናይለ እተ ወቅት ለህይ ወኪል ሕስር ካርጅየት አሜርከ ለዐለ ጅን ፎስተር ዳላስ ለቤለዩ፣ ለዓድል ምራድ ወሐቅ ሸዐብ እርትርየ ጀላብ መሳሌሕ አሜርከ ክምሰል ትከየደ ለአሰብት። ዳላስ ክእነ እት ልብል ከትበ፡ -

እብ ፅን ሐቅ ወፍቴሕ ወዐዳለት ዶል ልትርኤ፡ ምራድ ወረአይ ሸዐብ እርትርየ እት ወግም እግል ልእቱ ዐለት እግሉ። ምናተ፡ እግለ አሜርከ እት መንጠቀት በሐር - ቀየሕ ለበ ቱ መሳሌሕ እስትራተጅያይ ወመስኩበት ወሰላም አዲነ አት ወግም እንዴ ኣቱነ፡ ለደውለት ( እርትርየ ) ምስለ ' መስንየትነ አቶብየ አግል ትትሓበር ላዝም ጋብእ ህለ።

ሰኣላት

1. ምን አንፋር መፈወድየት መጅልስ - ቅራን ሕርየት እርትርየ ለአየደ አዪ ድወል ቱ ? ሳምዉ።

2. ኤታን ፈደሬሽን እት ቤት - ጎነማን መነዘመት መድጅልስ - ቅራን ከብቱ እግል ልርከብ ለጀብረት አየ ደውለት ተገ

3. አሜርክከ እግል ሚ ቱ እርትርየ ምስል አቶብየ እግል ትትሓበር ለሐዜት ሽርሖ።