Wp/tig/Main Page/ተእሪክ እርትርየ/ምህሮ 16 - መትአሳስ ሐረ ' ት ሕርየት ወመጽእ መፈወድየት ፈቱሽ መጅልሱ-ቅራን

ለትትስኤ ፍገሪት ምህሮ

• እት ደንጎበ ናይ እሊ ምህሮ እሊ ደረሰ፡ እብ ክሱስ እሊ ለተሌ ጋራት ፈህም መአንብታይ እግል ልርከቦ ልትሰአው።

• አስባብ ወምህመት መትአሳስ ሐረ ' ት ሕርየት ወረድ - ፍዕል መሕበር ሕብረት

• ወራታት መፈወድየት ፈቱሽ መጅልስ - ቅራን እት እርትርየ ወሰበብ ናይለ እተ መደት ለህ ለዐለት ሃለት ኢመስኩበት እርትርየ

• አስባብ መትካፋል ሐረ ' ት ሕርየት

መትአሳስ ሐረ ' ት ሕርየት

• እተ ሐልፈ አርእስ፡ እት ለይክ - ሳክሰስ ለዐለው ወከይል ናይለ ሕርየት ለጠልብ መሓብር እርትርየ፡ ጀብህት - ሕበር ክምሰል ከወነው ሃድጋም ዐልነ። ለወከይል ምን አሜርከ ክምሰል ዐቅበለው፡ እት መአንበት ወሬሕ ዩናይር ሰነት 1950 እት ደቀምሐራሬ፡ ‘ ሐረ ' ት ሕርየት " ለትትበህል ሕርየት ሻምለት ለትጠልብ ወመሓብር ብዞሕ ለትከምክም ሐረ ' ት አሰሰው። ጀሪደት፡ “ ሐንቲ ኤርትረ ” ህጹይ ጀሪደት ረስምየት ናይለ ሐረ ' ት እግል ትግበእ ቀረረው።

• እተ ካልኣይ ወዕለ ናይለ ሐረ ' ት፡ ረአስ ተሰመ ' ፡ አስመሮም ርኢስ ወእብራሂም ስልጣን ከታ ' ብ ናይለ ሐረ ' ት ገብአው።

• ሕኩመት ብሪጣንየ ቴልየት ሐረ ' ት ሕርየት 75 ፡ ናይ ገቢል እርትርየ ክምሰል ገብኦ ቀየመት። ብዝሓም ምን መሕበር ሕብረት ወአብ ፍንቲት ሸባብ፡ " ሕዝብ እርትርየ ሕር ' ርት " ለልትበህል ሕዝብ እንዴ አሰሰው At hat ተሓበረው።

• መሕበር ሕብረት እግለ ' ኢትትደበ ' ል ትመስል ለዐለት ሒለት ሐረ ' ት እርትርየ እግል ለአትሐውና፡ ወራታት ኢመስኩበት ወሽፍትነት እግል ሊደው አንበተው። ቤት - ክህነት ተወህዶ እብ ረኣሰት አቡኔ - ማርቆስ እት ረአስ ቴልየት ሐረ ' ት ሕርየት ጨቅጥ ናይ ዲን እንዴዱ አተረደት፡ ምዋጥኒን ምን ዲኖም እግልል ትስቀቅ (excommunicate) አንበተት።

• እት ዮም 4 ፈብራይር ሰነት 1950 እት ወልደኣብ ሳልስ ጀርቤ ቀትል ትወጠነት። ቀደም እላመ እት ሰነት 1947 ክልኤ ጀርቤ ቀትል ጋብኣት እቱ ዐለየ። ክሉ ለትወጠነ እቱ ጀርቤታት ቀትል ሰቦዕ ቱ።

መጽእ መፈወድየት ፈቱሽ መጅልስ - ቅራን

• መፈወድየት ፈቱሽ መድልስ - ቅራን እት ዮም 8 ወሬሕ ፈብራይር ሰነት 1950 አስመረ ተአቱ እት ህሌት፡ እት ክለ እርትርየ ኢመስኩበት ቃንጸት ጸንሐተ። ለትኬለመት ኢመስኩበት ላተ እት ዮም 21 ፈብራይር ሰነት 1950 እት አስመረ ለአንበተት ዐለት። እትለ አምዕል እለ፡ መፈወድየት ፈቱሽ መድልስ - ቅራን እት እርትርየ ካልእ ሳምንተ ዋድየት ዐለት። ለአስክ ዮም 27 ፈብራይር ለአተላለ ወህይአት ፈናታይ ዲን ጸብጥ ለዐለ ፍንጌር፡ አራዊሕ ዐስሮታት እርትርዪን ነስእ እት ህለ፡ የም - አለቡ መአሰሳት ወአብያት ህይጹ ትደመረ እቱ።

• ምናተ፡ ሜርሐት ወዐበዪ - ዐድ ለዐለው እርትርዪን ኖሶም በዳሪት ዕሬ እንዴ ነስአው፡ እግለ፡ ሓለት አስከበወ። እብ ድድ አሊ እዳረት ብሪጣንየ፡ ለመስአለት ምን ባልሖተ ትጀመለት እግለ። አዳረት ብሪጣንየ ለሓለትለ ኢመስኩበት ምስል መሳሌሕ ኖሶም ( ናይ ከፊል እርትርየ እት ክልኤ ) እንዴ ቃረነወ፡ እት መስለሐቶም አግል ልበዱለ ጀረበው።

• እሊ ፍንጌር እሊ እዳረት እንግሊዝ ክምሰል ህረሰቱ ወአትሳወረቱ፡ እበ አትህበሶት ለእት ወቅት ቀኒጹ ልግበአእ ወሐቆ ለዐ አትህበሰዉ ዋዴሕ ቱ። ገቢልነ እግል ሕክም እንግሊዝ ክምሰል ሕክም ጃእር፡ ካይን ወናይ ፈናታይ ለልትዘከሩ እቡ ህይ አሊ ለመስል የም - አለቡ ተሻጃሪብ ለህረሰዩ

• እሊ ቴለል እሊ፡ ለምን በርመ፡ ጓቲማለ፡ ፓኪስታን፡ ግብለት - አፍሪቀ ወኖርወይ ለክውንት መፈወድየት ፈቱሽ እት ቀበት እርትርየ እት ህሌት ወወራታት ፈቱሽቨ እት ትወዴ ሐስለ።

መትካፋል ሐረ ’ ት ሕርየት እርትርየ

• ህለዮት ናይ ሐረ ’ ት ሕርየት ፈዳቢት፡ እግል ናይ ካፋል እርትርየ ኤታን ክምሰል ደምሩ ወለአፈሽሉ ለፈህመው ሰብ - ሰልጠት ብሪጣንየ፡ ለሐረ ' ት ክምክምቱ ለዐለት መሓብር እግል ልፈንጥሮ እግል ልክደሞ አንበተው።

• እስትዕማር እንግሊዝ፡ ‘ ፈናቱከ ሕከም " እበ ትብል ስያሰት አስትዕማሩ እት ክለ አእዲነ እሙ ' ር - ሕጉ ' ር ዐለ። ሴክመት እርትርየ ለዐለው ውላድ እንግሊዝ ህዬ እለ ናይ ከይነት ምህነቶም እለ እት እርትርያመ ሸቀው እበ።

• እብሊ ህይ፡ እተ መደት ለህ ቈጨክማይ እርትርየ ለዐለ ትራቨሰስኪስ፡ እግል ሸየም ገበይል ትግሪ እንዴ ጀምዐ : እአሊ ለህለ ቴለል ቪመቶም ለባክት ወነዜዕ ምኖም እት እንቱ ክምሰል ህለ፡ ወህቶም አል - ራቢጠ አል - እስሳምየ ናይ ቀላቅሎታት ምውዳቅ - ጸሓይ እግል ለአስሶ ቀሸዮም። ሼክ ዐሊ ራድኣይ ህጹ ከታብ ናይለ ምን አል - ራቢጠ ለትገመዐ መሕበር እንዴ ገብአ፡ ሕርየት ቀላቅሎታት ምውዳቅ - ጸሓይ እርትርየ በኑ ጠልበ።

• ብዕድ ብሪጋደር ስታፎርድ ለልትበህል ዐይን እንግሊዝ እሙ ' ርመ እግል ደጃ . አብረህ ተሰመ ' ወቱልየቱ እብ ሺቪመት እንዴ ቀሸዮም ምን መሕበር እርትርየ እግል እርትርዪን እንዴ ትገመዐው፡ ( ጽጌዕ ለአለቡ ሕዝብ ተቀድም ) እንዴ ትወለደ፡ " ሕርየት ለቡ መሕበር ሕብረት ምስል አቶብየ " ለልትበህል መሕበር ክምሰል ለአስሶ ወደ። እሊ መሕበር አሊ ህጹ ሕርየት ምስል ሸርት ጠልበ። ወእብለ ' ገበይ እለ ዋይዲባት ከያነት ብሪጣንየ እት ካፈሎት ወፈንጠሮት ሐረ ' ት ሕርየት ገሌ ሰርገል ረክበ።

ሰኣላት

1. ለአግደ ሰበብ እግል አሰሶት ሐረ ' ት ሕርየት ሚ ዐለ ?

2. እብ አሳስ ናይ 1949 ወግም አዳረት ብሪጣንየ ከም ምእተይት ምን ሸዐብ እርትርየ ሕርየት ለአይድ ዐለ ?

3. መፈወድየት ፈቱሽ መድልስ - ቅራን ምን አዪ - ድወል ክውንት ዐለት ?

4. አስባብ መትካፋል ሐረ ' ት ሕርየት እብ ሐዉጢር ሽርሖ።