Wp/tig/Main Page/ተእሪክ እርትርየ/ምህሮ 15 - ቀድየት - እርትርየ። ምን ቅዋት - ሕልፍ እት መነዘመት መጅልስ - ቅራን

ለትትስኤ ፍገሪት ድራሰት

እት ደንጎበ ናይ እሊ ምህሮ እሊ ደረሰ እብ ክሱስ እሊ ለተሌ ጋራት

መፍሁም መአንብታይ እግል ልርከቦ ልትሰአው፡

• መዋቅፍ ናይለ ትፈናተ ድወል ቅዋት - ሕልፍ ወአስባቡ እት ቀድየት ወናይ ምስተቅበል በክት እርትርየ

• ጽበጥ ወመሻረከት እት “ ዋይዲባት ከያነት በሺን ስፎርስ "

• ረድ - ፍዕል ወከይል ሓዛብ ስያሰት እርትርየ፡ እት ከያነት በዚቪን ስፎርስ

ቅዋት ሕልፍ ወናይ መስተቅበል በክት እርትርየ

• ካልኣይ ሐርብ እዲነ እብ ዐውቴ ቅዋት ሕልፍ ተመ። አንፋር ቅዋት ሕልፍ በክት እርትርየ ወሐንቲ እስትዕማር ጥልያን ለዐለው ድወል ብዕድ ( ሊብየ፡ ሶማል ) እግል ልግመየ እግል ልትዋጅህ አንበተየ።

• ክል - ምነንከ ቀድየት ናይ እሊ ድወል እሊ ምስል መሳሌሕ ኖሰ ሰበት ቃረነቱ፡ እት መፍሁም ናይ ሕበር እግል ልትዋፈቀ ኢቀድረየ። ወእብሊ ምን ክለን ለፉግርት መፈወድየት ፈቱሽ አስክ እርትርየ ነድአየ። ለአስክ እርትርየ ለትለአከት መፈወድየት ፈቱሽ ናይለ አርበዕ ደውለት ተረይድ፡ እት ደነግብ 1947 ወእት መአንበት 1948 እርትርየ እንዴ አቱት ምስል ወከይል ገቢል እርትርየ ትዋጅህት።

• ለበጹሕ ለእሉ ወዴት፡ ሕኩመት አቶብየ ወመሕበር ሕብረት ለህረሰዉ ወለአሳ ' ዉሩ ለዐለው አከይ - መቅሬሕ ወኢመስኩበት አርድ ማልክ ጸንሐየ። እሊ እብ ገበይ ንዝምት ገብእ ለዐለ ወራታት እርሃብ፡ እግለ ' ሕርየት ለአይዶ ለዐለው ሜርሐት ገቢል ህድፍ ወዴ ለዐለ ቱ። እግል መሰል እት ዮም 6 ዩልዮ ሰነት 1947 ፡ እት ወልደኣብ ወልዴማርያም፡ እት ዮም 9 ዩንዮ እት ደጊያ ሐሰን ዐሊ ለትጀረበ ህጅማት ቀነብ '’ ል እግል ንስሜ እንቀድር። ሰበት እሊ፡ ለናይ ፈቱሽ oy መፈወድየት እርትርየ ለአቱት እተ መደት፡ ሓለት በህጅ ወረብሸት ክልቅት ጸንሐተ።

• ምን ዮም 12 ወሬሕ ኖሸምበር ሰነት 1947 አስክ ዮም 3 ዩናይር ሰነት 1948 ለዐለት መደት፡ ለመፈወድየት ሜርሐት መሓብር ስያሰት ወብዕዳም ወወከይል ገቢል እንዴ ትዋጅህት፡ ምስሎም ህድገት። ለሕርየት ጠልብ ዐለ መሓብር፡ ሕኔት እብ ሕበር፡ ጠለባቱ በናቢን ቀደመ።

• ለመፈወድየት እት ናይ ደንጎበ ተቃሪረ፡ ጨሴዝየት ሕርየት ምን ቈዝየት ሕብረት ክምሰል በዝሖ ሸርሐት።

• ቀድየት እርትርየ ረሐ ለቀድረት ቀድየት እንዲ ኢትገብእ፡ ክፋለ '

• ቀድየት ለዐባይ ናይ ክለን ሐንቲ እስትዕማር ጥልያን ለዐለየ ድወል ሰበት ዐለት፡ እት ተሚመ ሕብለክ ብዞሕ ዐለ እግለ።

• እት ዮም 15 ሰብተምበር እት ፓሪስ ለገብአ እጅትመዕ ናይለ አርበዕ ደውለት ለተረይድ እምበል ውፋቅ ትፈንጠረ። ወእብሊ ሰበብ እሊ ለቀድየት ምን ምልከን እዴ መጅልስ - ቅራን ተዐዴት።

ቀድየት እርትርየ እት መጅልስቅራን

• ቀድየት ናይለ ሐንቱቴ እስትዕማር ጥልያን ለዐለ ድወል ( ሊለብየ፡ እርትርየ፡ ሶማል ) እብ ሰበብ ኢውፋቅ ቅዋት - ሕልፍ፡ እት መጅልስ - ቅራን ክምሰል ተዐዴመ፡ ምን ሕብለክ ኢነጌት።

• እት ወሬሕ ኣፕሪል ሰነት 1949 ወከይል ሓዛብ እርትርየ፡ እት ለይክ ሳክሰስ ( አሜርከ ) ገብእ ለዐለ ቀድየት እርትርየ ትትህደግ እቱ ለዐለት እጅትመዕ አግል ልሕደሮ ወረአዮም እግል ለአስምዖ ትበገሰው። ቀደም በገሶም ዎሮት ምን አግደ መአስሰት ወሜርሐት አል - ራቢጠ ለዐለው፡ ዐብደልቃድር ከቢሬ፡ ለአይክ አቶብየ እት አስመረ እብ ጠልገት እንዴ ዘብጠዉ አስተሽህደ።

• እት ሳልሳይ እጅትመዕ ለይክ ሳክሰስ ናይ መጅልስ - ቅራን ህይዪ፡ እብራሂም ስልጣን ( አል - ራቢጠ ) ፡ ብላተ ’ መሕሙድ ዐብደለ ( ቫረ - ኢጣልየ ) ፡ ተድለ ባይሩ ( ሕብረት ) ፡ ከሻኒ ( ኢታሎ - ኤርትራዮ ) ወብዕዳም ሐድረው።

• ለሓዛብ ህዪ እት ገጽለ መሕበር ናይ መጅልስ - ቅራን ጠለባቱ ለእሙር ቀደመ።

ኪያነት ወዋይዲባት በሺን ስፎርሰ

• ቀድየት ሐንቱ እስትዕማር ጥልያን ለዐለ ድወል ( ሊብየ፡፥፡ እርትርየ ወሶማል ) እብ ሰበብ ኢውፋቅ ቅዋት - ሕልፍ፡ እት መድልስ - ቅራን ክምሰል ተዐዴት፡ ጠለብ ወተረት ጥልያን እርትርየ እግል ትርከብ እት ልትደቀብ ጌሰ።

• እት እጅትመዕ መጅልስ - ቅራን ንቃሽ ለአተላሌ እት ህለ፡ ወዚር ካርጅየት ጥልያን ለዐለ ካርሎ ስፎርሰ ወብሪጣንያይ ታንሁ በሺን፡ እት ናይ ሕበር ኤታን ትዋፈቀው። ለውፋቅ፡ እተ ረአስለ ሊብየ ወሶማል ለከስስ ከፈፍሉ፡ እግል እርትርያመ እት ክልኤ ( ቀላቅሎታት ምውዳቅ - ጸሓይ እግል ሶዳን ወለተርፈ ክፋለ እግል አቶብየ ) ለከፍል ጽበጥ ዐለ እቱ።

• ለኤታን እት መጅልስ - ቅራን ክምሰል ትቀደመ፡ እብ ሑዳይ ብዝሴ አክራን ሌጠ ፈሽለ። ዋይዲባት ከያነት በቪን - ስፎርሰ እት እርትርዪንመ ቀህር ወቀደብ ህረሰ።

• እት ለይክ - ሳክሰስ ሓድራም ለዐለው ወከይል ናይለ ሕርየት ለጠልብ መሕበራት ህይ ሕበር ጀብህት እንዴ Nor ድድ ናይለ ኤታን በጥረው። ለከያነት ወለእግል ትትዐወት ሽኢገ፡ እግለ ሕርየት ጠልብ ለዐለ ሓዛብ ድራሰት ዐባይ ሰበት ገብአት እግሎም፡ እግል ለአትሕዶ ሰበብ ገብአት እግሎም።

• እት ወሬሕ ሰብተምበር ሰነት 1949 ፡ ራብዓይ እጅትመዕ መጅድጅልስ - ቅራን ገብአ። እሊ እግል ቀድየት ናይለ ሐንቲ እስትዕማር ጥልያን ለዐለ ድወል ለህድገ እጅትመዕ እሊ፡ ቀድየት ሊብየ ወሶማል ካቲመ ወዴ እግለ እት ህለ፡ ቀድየት እርትርየ ላተ፡ " ምራድ ገቢል እርትርየ " ለትደሌ ምን ሐምስ ደውለት ለክውንት መፈወድየት ፈቱሽ አስሰክ እርትርየ እግል ቲጊስ ቀረረ።

ሰኣላት

1. ቀድየት እርትርየ እት መጅልስ - ቅራን ለሐልፈት እቡ አስባብ ሚ ዐለ ?

2. ኤታን በሺን - ስፎርሰ ጽበጡ ሚ ዐለ ?

3. ከያነት ዋይዲባት በሺቪን - ስፎርሰ እብ ዱቅሪ እት ስያሰት እርትርየ ለአምጸአቱ ተእሲር ሽርሖ።