Wp/tig/Main Page/ተእሪክ እርትርየ/ምህሮ 11 - እስትዕማር፡ ኣሱሩ ወዘዋሉ

ለትትስኤ ፍገሪት

• እት ደንጎበ ናይ እሊ ምህሮ እሊ ደረሰ፡ እብ ክሱስ እሊ ለተሌ መዋዴዕ መፍሁም መአንብታይ እግል ልርከቦ ልትሰአው።

• ስያሰት እቅትሳድ፡ ዕስክርየት ወእዳረት እስትዕማር ጥልያን እት መዕየ እርትርየ ለከልቀዩ ተቅዪር ወእት መትበናይ ወጠን ወወጠንየት ለዐለት እግሉ ተረት

• እስትዕማር ትልያን እብ ሚ ሰበብ ወእት ከፎ ለትመስል ሓለት እዳረት ብሪጣንየ ክምሰል ወርሰቱ

እስትዕማር ጥልያን ለአምጸአዩ መሕበራይ ወስሲስያሲያይ ተቃዪር

• ቀደም ኣቲ እስትዕማር ጥልያን እት እርትርየ፡ እምበል ባጹዕ መደይን ለልትበህል ይዐለ። ለበዝሐ ደቅቡ እት ሐርስ ወርዕዮ ንዋይ ልተንከብ ለዐለ እቅትሳድ እርትርየ ህጹይ ሐዋን ወእት ሕድ ለትኑኩብ ቱ ለዐለ።

• ፍንጌ ወራታት እቅትሳድ ለዐለ ትንክባታት እት ሕድ ህዪይ፡ ሑድ ወእግል ሑዳይ ክፋል ናይ መዕያነ ሌጠ ለሸምል ዐለ። እምበለ ሑዳይ ለእት ወራታት ተጃረት ቫርክ ምኑ ለዐለ ክፋሉ ህይ፡ ምጅተመዕነ ለበዜሕ ምኑ እብ ናይ ለመድ ሐርስ ወርዕዮ ንዋይ ልትናበር ዐለ።

• ምናተ ምስል ምጽኣት እስትዕማር ጥልያን፡ እት ክሉ እሊ ለትበህለ መጃላት ተቃዪር ምህም መጽአ። እት ቀበትለ 50 ሰነት ናይ ዕምር እስትዕማር ጥልያን እት እርትርየ ክምሰል ከረ አስመረ፡ ከረን፡ ዐሰብ፡ አቅርደት፡ ደቀምሐሬ፡ መንደፈረ ወተሰነይ ለመስል መደይን ተዐመረ። እርትርየ እብ ግዲደ ህይ እብ እትሳላት ወመዋሰላት ትጻበጠት። እሊ ህዬ አሳስ እቅትሳድ ወጠን እርትርየ ወአሳስ ወጠንየት ከረ።

• ለዱቅሪ ፍገሪት ናይለ እስትዕማር ለአምጸአዩ አቅትሳድ ረአስ - ማሳይ እብ ማህየት ናይለ ትትናበር ጠበቀት ሸቃለ ትከለቀት።

• እምበል እሊ እብ ሰበብ ስያሰት እቅትሳድ ጥልያን ለጀደረ ተቃዪር፡ ዕስክርየት እስትዕማር፡ እዳረት እስትዕማር ወቀዋኒኑመ እት ተክዊን አሳስ ወጠንየት እርትርየ ተረት ምህመት ዐለት እግሉ።

• እስትዕማር ጥልያን እት አእርትርየ ምነ ኢነት ለዕቅቡ እት እርትርየ ከረየ ተ፡ ሸባብ እርትርየ እግል ለዐስክር አንበተ። ብዝሑ እርትርዪን ዐሳክር ህጹይ፡ እት መደት ወራር ጥልያን እት አቶብየ ናይ ሰነት 1935 ፡ 60,000 ( ስሰ አልፍ ) ነፈር ባይሕ ዐለ። እብ ሕድ ለመስል ተጃሪብ ሐርብ ወዕስክርየት ለሓልፋም ዐስሮታት ኣላፍ ምን ሸባብ እርትርየ፡ ዎሮት ገሮብ ናይ ግብአት ሽዑር ወወዐይ አግል ልጠውሮ ህዜይጹ ቀድረው።

• እግል ገቢል አርትርየ ሕድ እበ መስል ቀዋኒን፡ አስሉብ ሽቅል፡ ለአምጸአ ንዛም አዳረት ወቃኑን አስትዕማር ጥልያንመ፡ አሳስ ወጠንየት እርትርየ ከረ።

ካቲመ ( ዘዋል ) እስትዕማር ጥልያን

• ለእብ ሰበብ - ተጠውር አሮበ ልትጌለል ለዐለ እንበቶት አስትዕማር ጥልያን እት እርትርየ ሳመ ካቲማሁ ምስል ተጠውር አሕዳስ አሮበ ለትጻበጠት ዐለት።

• እት ሰነት 1939 እት አሮበ ካልኣይ ሐርብ እዲነ ክምሰል አንበተ፡ ርኢስ ጥልያን ለፋሽቨስታይ ቤኔቶ ሙሶሊኒ እሰልፍ ሜዛን ደቅብ ሒለት አስክ አየ ጀህት ክምሰል ልትደለ ' ል እግል ልድሌ ሰበት ሐረ፡ አስክ ሰነት 1940 ጽጌዕ ፍሩግ፡ሕዱ ' ድ ወዕሉ ' ን ኢጸብጠ። ጀርመን እት ፈረንሰ ዐውቲ ሻፍገት ክምሰል አምጸአት ወክምሰል ፈለ ' ተ፡ ሙሶሊኒ ለናይ ደንጎበ ዐውቴ ጀርመንመ አኪደት ወደየ። ወእብ ' ሊ ሰበብ፡ ምስለ ' ሐሬ ጥልያን፡ ጃፓን ወጀርመን ከምክም ለዐለ ከሌብ ኣክሲስ እንዴ ገብአ፡ እንግሊዝ ወፈረንሰ ( ወምን ገጽ - ሐር አሜርከ ወሶቭዪት ለተሓበረያሁ ) ከሌብ ሕልፍ እት ዮም 10 ወሬሕ ዩንዮ ሰነት 1940 ሐርብ ዐለነ።

• ለሐርብ ምን አሮበ አገድ አስክ ለትፈናተ አርካን እዲነ ለዐ ወትመደደ። አስክለ ሐንቱ እስትዕማር አሮበ ለዐለት ክፍለት - እዲናነ አፍሪቃመ ለዐ እተ።

• እግል አቅራድ ስያሰት ወአስትራተጂ ወምን እርትርየ አግል ልቅነጽ ምነ ቀድር ፈርህት ህጅማት እግል ወርከዮት ወአስከቦት፡ ጥልያን ምነ 43 እርትርየ ለህሌት እተ መንጠቀት ምፍጋር - ጸሓይ አፍሪቀ አፍገሮተ እግል ቅዋት ሕልፍ ምህመት ዐባይ ዐለት እተ እግለን። እንግሊዝ ህጹ ሐቆ መትአዋጅ ሐርብ ጥልያን ድዶ ' ም እንዴ አንበተት፡ እግል ገቢል እርትርየ ናይ ሕርየት ገለድ ወአቅዋል ለለአቱ መንሹራት እግል ትፈንጥር አንበተት። እት እርትርየ ሐርብ ክምሰል ገብአ ህይ፡ አኪደት ገብኣ። ሐቆለ አዋጅ ናይ ሐርብ፡ ዱዴሽ ጥልያን ምን እርትርየ እንዴ ቀንጸ፡ እት ዮም 4 ዩልዮ ሰነት 1940 ከሰለ ህጅመ። ሐቆ ናይ ገሌ ሳያታት መዕረከት ህዬ ሐንቱ ምልኩ ወደየ።

• ምናተ ዴሽቭ አእንግሊዝ እት ወሬሕ ዩናይር ሰነት 1941 ህዱም ቀበልታይ ሰበት ህረሰ፡ ከሰለ ምን ምልክ ጥልያን ምን ሐዲስ ነዝዐየ። ዴሽ እንግሊዝ እት ከሰለ ሌጠ እንዴ ኢበጥር፡ አሰርለ ሰኬ ለዐለ ዴዱዴሽ ጥልያን እንዴ ጸብጠ፡ ምን ወሬሕ ዩናይር አስክ ፈብራይር ናይ ሰነት 1941 እተ ዐለት መደት። እግል ክለ መንጠቀት ምውዳቅ - ጸሓይ እርትርየ ሴመ መቃወማት ናፈዕ እንዴዱ ኢጋብሁ ሐንቱ ምልኩ ኣተየ።

• እት ደንጎበ ጥልያን እት ጥንቅለሐስ፡ ሳትሮታቶም አእንዴ አተረደው፡ እግለ ' እት ዮም 4 ፡ 6 ፡ ወ 10 ናይ ወሬሕ ፈብራይር ሰነት 1941 ዴሽ እንግሊዝ ለወደዩ ጀርቤታት ህጅም አፍሸለው።

• ሐቆ እለ ገድም ሐርብ እግል መደት ወሬሕ ዓረፈ። ምናተ፡ እለ ሓለት AA ክእነ እት ህሌት፡ በሪ እብ ሰበብለ ጥያራት - እንግሊዝ ከፍክፉ ለዐለ ሕርየት እርትርየ ለለአስኤ ወእግለ ለልትገለ ' ድ መንሹራት እንዴ አምነው ቱ ሚ በሪ ለዕስክርየት ለረያም ወለሐርብ ለኢልትከለ ' ስ እንዴ መረ እቶም፡ አውመ አብ ሰበብ ክልኢቱ እሊ ምስምሳታት እሊ፡ ምስል ዴሽ ጥልያን ዕስኩራም ለዐለው ኣላፍ እርትርዪን፡ ሳትሮታትም እንዴ ሐድገው ዎሮከ አስክለ ትወጨት እግሉ ትፈንጠረው።

• ዴሽ ብሪጣንየ እት ዮም 15 ማርስ ሰነት 1941 ድድ ናይለ እት ጥንቅለሐስ ቫፍፍ ለዐለ ዴሽ ጥልያን ህዱም አትበአገሰ። ሐቆ ናይ 12 አምዕል ሐርብ ሕፉን ህይ እት ዮም 27 ማርስ ሰነት 1941 እግል ከረን እት እዴሁ አብረደየ።

• ሐርብ ከረን እት ምፍጋር - ጸሓይ አፍሪቀ ምነ ' ገብአ ወራታት ካልኣይ ሐርብ እዲነ፡ ለትደቀበ ዐለ። እት ሄለል ኣፕሪል ሰነት 1941 ህይ አስመረ ሐንቲ ምልክ እንግሊዝ ክምሰል አቴት፡ አስትዕማር ጥልያን At እርትርየ አክተመ። እንግሊዝ ህዪይ እት እርትርየ እዳረተ አሰ ' ሰት።

ሰኣላት

1. እስትዕማር ጥልያን እት እርትርየ ለበነዩ እቅትሳድ፡ ሚ እቅትሳድ ልትበህል ?

2. እት መደ ' ት ወራር ጥልያን እት ኣቶብየ ምስል ዴሽ ጥልያን ዕስኩራም ለዐለው እርትርዪን ከም ዐለው ?

3. እት መደት ካልኣይ ሐርብ እዲነ ጥልያን ለዐለት ምስሉ ከሌብ ሚ ልትበህል ? ለአግደ አንፋር እሊ ከሌብ አሊ ለዐለየ ከረ አየን ድወል ተን /