Wp/tig/ኮሪት መዳድ

ትልህያ ኮሪት መዳድ ሚቱ፤

ኮሪት መዳድ፣ሐቴ ጅንስ ትልህየ እብ ክልኦት ሐሽም ለልተልሀወ ተ። እብ መወሪ ልተልሀወ ወ ይብሶ ጥሎ ወዱ ወ ጥሉል ተሐሬ ሚ ይቡስ እንዴ ቤለ ሰኣል ለኣቀርብ እቶም እግለ ሜርሐትለ ሐሽምት።

ወ ጥሉል ለፈግረት እቱ፣ ኩረት/ኮሪት እግል ልሽከዕ ልደለዎ ወለ ከልኣይለ ሐሽም ሰሮም ለኣሸክዕ ዎ ሰሮም ልትፈረር እበ እንክር እግል ኮሪት እፍሳሓሙ ለገብአው አካን።

እግልሚ ለእንክር ሰሩ ከልኩሎ ኮሪት እግል ኢልሽኩዑ እቱ።ወ ቀዊዕ ልትበሀል ካልትሰሜ።እግል አዪ ነፈር 3ሽክዐት ልትአጀዘ ወለ አክር ነፈር 4 ሸኪዕ ወለ 4ይት ሽክዐት መርያም ትትበሀል ወ ገሻይ፣ሔልፋይ ገበይ ዎከ ዐቢ ነፈር መርያም ልብል ወ መርያም እንዴ ቤለው ናይ ሕሽም ሀቱ ሸከዐ።

ዎ ሐቆ ረዪም ሸክዐወ ለእሰልፍ ሸክዐው ልደለው እተ ቤት ለሀ ለዐይር እብ ሰዐይ ወ ትህያሆም እብ ሐዲስ ለተለሉ ወ ለፍሩራም ለሀለው ለኮሪት እብ ሸፋግ ምነ ሰማሀ አው ሐቆ እት አርድ ትከሬት እብ ሸፈግ አድሕድ ለኣትቃሙጠ ወለኩፈ ወ ኦሮ ነፈር ምነ ድዶም ሐቆ እንዴ ለክፈው ምን ረዪም ወክ ምን ቅሩብ ዘብጠው ወ እብ ሰላም ቤቶም ሐቆ ዔረው ዶር ሽክዐት ናዮም ገብእ።

ወእብ ሸፋግ እንዴ ሸደዎም ቤቶሞ እንዴ ኢባጽሑ ላሽዱዳም ለዐለው ሸደዎም ምን ገብእ፣አተ አካኖም ለበዲር ልተልሀው ለዐለው ደግሞ ዎ እብ ክምእኒ ተአተላሌ።

ለእበ ኩረት ዝብጠት ሽደት ትበሀል(ሽደዶ/ሸደዩ ወካሊእ ተርጀመትመ በ።