Wp/tig/ክታብ - ሜራስ - አድጋማት ትግሬ ክምኩም - ድግም ክፍለት ሐው

ድግም ክፍለት ሐው

እት ዎሮ ዐድ ክልኦት ሑ ምስል ነብሮ ዐለው። ማሎም ክሉ' ብርክ ዐለ። ደአም ለሐው ክል-ዶል ልትበአሶ ወእግል ሕድ እኩይ ልትቃርሖ ዐለው። እግል ኢልትፋናተው ሀዬ ሰብ-በዲር ክፍለት ወፍንቲት አምሮ ይዐለው።

ሐቴ መደት ብዞሕ ክምሰል ትበአሰው ላኪን ለዎሮቶም ለሑሁ እግል APTA FPR WA ወአስክ ሑሁ ጌሰ። ደአም ኢረክበዩ።

እት ለዐቀብ'ል ሐቴ' ዕጨ'ት ወግሬ ክልኦት FAL ረአ። ካልኣይት ዶል ሀዬ ሑሁ እግል ልቅተል ጽዋሩ እንዶ ነስአ እት ገይስ፡ እተ አካን ለዕጨ'ት ረአ ዲበ በጽሐ። ወለዕጨ'ት ምን ዐቅመተ ለክልኦት ፍልቀ ምን ሕድ እንዴ ትፈረዐው ክል-ምኖም እብ እንክሩ ባቅል ረአዩ።

ለእናስ ለዕጨ'ት ክምሰል ረአ ትፈከረ። ወእት ለሐስብ፤ “አነ ሑዬ ምን ሕኔት እቀትሎ፣፡ አነ ወህቱ ክምሰል እሎም አፍሉቅ ዕጨት ምን ሕድ ምን ንትፈናቴ ወይሔሰ፤ ወክል- ምኒነ እብ እንክሩ ምን ነብር ወኢዜደ?” እት ልብል አስተንተነ።

ወሐር ዲብ ሑሁ እንዴ መጽአ፤ *ምን ሕኔት ክል-ዶል
ንትበአስ ወእት መቃተለት እንበጹሕ፡ ንትፈናቴ ወማልነ ክሉ ንካፍል” እንዴ ቤለ ለሐሳቡ አሰ'አለዩ። ወእብለ ማሎም ከፍለው። ወክል-ምኖ'ም እብ እንክሩ እብ ደሐን ነብር ዐለ።

AN በይን ነቢር ሀዬ ምንለ እዋን ለሀ ትለመደ ልትበሀል። ወለክልኦት ፍልቅ ለዕጨት ክል-ምኖም እብ እንክሩ ዐበ ወበቅለ። ወአስክ አዜመ ሀለ። ወእለ አካን እለ፤ “ክፍለት ሐው” ስሚት ህሌት።