Wp/tig/ኣልዕሽ

አልዕሽ ሚቱ እንዴ ትቤ ሐጪር ሸርሕ ሀብ ዎ እግል መሰል ለገብእ ምን ተአምር ከተብ።

ሕቴ ምን ዐይነት ትልህያ አልዕሽ ሐምሐምስ ትትበሀል። ህታ ህዬ እብ 5 አልዒሻይ እንዴ ወዴካ ምን 2 ነፈር ዎ ለዐል እንዴ ገበእካ ትተልሀያ።

ገብይ ትልህያ ህዬ፡ 1.

-እልዕሽ ብዙሕ ክፈለት እቱ ትከፈል። ህተን ሀይ፣አልዕሽ አደም ዎ አልዕሽ ሼጣን ልትበሀለ።

አልዕሽ አደም ክመ ቤልካሁ /ክዮ እብ ( 5) ሐምስ ዐልዕሻይ ልተልሀወ ዎ አክለ ጀግሬከ ዕሉ አተ እተ እትከ ወ አድግ እንዴ ልብል ልትሀጌ ዎ ሐቆ ጀግሬከ እት አርድ ሕፍረት ጸባብ ሰኒ እንዴ አተራደ ለሐፍር ዎ እበ ጭንብሮዖከ ለኒኢሽ ሕፈረ ልብለከ ወ መረ ክብድትተ እግል ትሕፈረ።

ወ አልዕሽ ሼጣን ሀዬ፣ክመ ትልህየ ቀይሒት ጸላይም፣ሕፈር ተሐፍር እበ ኦሮ እንክር 4 ሕፍረት ወ እበ እንክር ቅብለተን ሀዬ፣ ከምሰልሁ ወ አርአባዕ ኣልዕሻይ ትከሬ እት ክል ሕፍረት ዎ እብ ክልኦት ነፈር ልተልሀወ።

ወክል ኣሮት ክልክልኦት አልዕሻይ ረፈዕ ዎ እተ አክር ኦሮቶም ኦሮት አልዕሻይ ነስእ ወለኦሮቶ 3 አልዕሻይ ነስእ ወክል ምኖም አተ እዴሁ እንዴ ከሽካሸየ፣ምን ለሕፈር መልእ።

ወለ ዝየደት ነስእ ለዐለ ነቅስ መጾኦ ወለ ነቅስ ረፊዕ ለዐለ ዝያደት ማጾኦ። ወርስዑ ምን ሀሌ ሰይሑ።