Wp/tig/አግዳ ገጽ/ሕላይ/ወድ ባሸቂር፡ ሕላይ ሻም

ተእሪክ ሕላይ ወድ-ባሸቂር፤

ዑመር _ ወድ ባሻቂርመ ዎሮት ምን እሎም ለዐል ለትሸረሐው ቅሰስ ለቦም ሔልየት ቱ። ህቱ ምነ እሙራም ሔልየት ትግሬ ገዳይም ወቅሰስ ፍቲ ፍቱይ እብ ድራመ ቱራስ ለተሌት ለቡ ነፈር ቱ። ምነ ተእሪኩ ለብዞሕ እሊ ለተሌ ሑድ ንርኤ።

ወድ ባሸቂር እግል ኖሱ ምን ዓይለት ሹም ይዐለ። ምናተ፡ ስድፈት እሲት ሹም ፈተ። ሕላዩ ወድግሙ ህዬ ምስል እለ እሲት ሹም ለልትጻበጥ ቱ።

ወድ-ባሸቂር እምበል ሕላይመ፡ እሙር መስሕቅ ወመድኢላይ ቱ ለዐለ ልብሎ። ወድባሸቂር ላኪን እብ ከአፎ ቱ እሲት ሹም ለፈተ?

መደት ሐቴ ዑመር ዎወድሕቱ እት ዐጣል እት ክሉእ (ሾለቢ) ዐለው። አምዕል ሐቴ ዑመር ወድ ሕቱ እንዴ ሐድገ አስክ ምዕጥን ዲብ ወርድ ዐድ/ደገ ልግዕዝ ርአ። ክታርለ እንሰ እንዴ ለሐልፍ ሐቴ እሲት ሕሳለ ገመል በትከ ምነ ርአ። ለእሲት እግል ወድ ባሸቂር “ወድ ሰብ እሊ ሕሳለ ገመልነ መጤነ ቴሉ። ህቱ ለሕሳለ ገመል እንዴ ነስአ ንወለየ ቱ። ለእሲት ለሕሳለ እግል ትንሳእ ክም ደነት ለረአሰ ጊማይ እትመስል እበ ረአስለ ለብባላ ገመል ደነ። ህቱ ህዬ ተሐት ጸብጠዩ ምነ እግለ ሕሳለ ገመል። ለእሲት እንዴ ትሰሐቀት እቱ “መን ልብሉከ? ቴሉ።

“ዑመር ጥዑም ልብሉኒ” ቤለየ።

“ዑመር ጥዑምመ ጥዑም ቱ ግድም ለሕሳለ ገመልነ ሀበነ” ቴለቱ። ለሕሳለ ገመል ሀበየ ወዐጣሉ ቀደሙ ዋርድ ዐለ… [9:08 PM, 9/5/2024] The men shek: እለ ለተሌ ዲብ ገበይ ዲብ እንቶም ምስል እሲት ገመል ክምሰል ትጸዕነ እግል እሲት ወልዱ ልትበሀል። ወልዱ ዲብ ለሐለዩ ቲ

ለውላድ ሀለ ሚ ይሀለ ለእሲት ቀትለተኒ

ሞተ-ሞተ ትብል እንዴ ተአትማይተኒ

ዕንታት ገንደላታት እቡ ገንሐተኒ

ሸሊል ዘነብ ፈረስ እቡ ሀጽፈተኒ

ገመልዬ ወድ በክረቼ ምኑ ወነተኒ

ለውላድ ሀለ ሚ ይህለ

ለእሲት ቀትለተኒ፡

እግል ፍቲመ ክእነ ለተሌ ብህል ቱ ወድ ባሸቂር፤

ኢቲዴኒ በዐልዬ ፋቲ እቡይ

ህተ ፋትየት ትግበእ ወአነ ፍቱይ

ፋቲ ለአስተንታኑ ወክደ አምሱይ

አምዕል መማጽእትነ ወክድ ግዉይ

ህተ ወለት ዐለት ወአነ ልንጉይ

ህተ ዓግር ዐለት ለክቦሀ ልዉይ

ወአነ በጼሕ አልኮ ሐለንጋዩ ክሩይ።

ወድ ባሸቂር እበ ሹም ለትፈድሐ እበ ወእግል እዕዳም ለፈርደቱ ሽዕር ወሐሬ እብ ሸጣረቱ ለፈግረ ምነ ክእነ ለተሌ ትብል ዐለት። እለ ሽዕር እለ ምስለ እሲት ሹም እት ገበይ ለወዴዉ መዋዲት ትሐኬ ዐለት።

አነ ረከብኩሁ ለጥቅር ብሩድ ወድ ጽኑዕ እንቱ ወወድ ጽጉብ

እቼ ተዓዴቱ ለግርዝ ስኩብ

አምዕል ጋርስ እንሳ ወላሊ ጪፎት ድሩብ

ዓይሮ ወድ ነባይል ለቀጻፉ እብ ምደት ደሀብ ድብጉብ።

ዑመር ወድ ባሸቂር ቀዳሚቱ ዶል ፋቅድ ወዶል እሰፍለልም ክእነ ልሐሌ ዐለ ልብሎ።

ኢሊዴነ ምኑ ለፋቲ እቡይ

ህተ ፋትየት ትግበእ ወእንተ ፍቱይ

ፋቲ መጋይሱ ወክድ እኩይ

ዶለ አመቃርብ ወዶለ አምሱይ

ውሒዝ ኢከርዐነ እብ ገነዲት ድሩይ

ጽልመት እትከረዐነ ተአትባድዩ ለአግቡይ

አርዌ ኢከረነ ኢከረዐነ አፈ ገበይ ልውሉይ

ሐየት ኢከረነ እንሸለሸል ድሩይ

ህመም ኢከርዐነ ክመ ክታብ ሕልዉይ

ሐርማዝ ኢከርዐነ መጃርባቡ ድሉይ

ሐሪሽ ኢከርዐነ ቀሩ ዎሮት ክልሹይ

ወራር ኢከርዐነ እግል ራድኢት ስርጉይ

መማጽእትነ በዲር ወክድ እኩይ

መማጽእትነ አዜ ሰኒ ሽሙይ

ህተ ዓግር ዐለት ለከቦሀ ልዉይ

ወአነ በጼሕ ዐልኮ ለሐልንጋዩ ክሩይ ምን ለዐርገ አምበልዬ ወአምበል ሸሎግ ሀቡይ

ቤተ ሽትት ተ ዝናበትለ አድሁይ

ሴቲት ደምበር ባረ ወዕስረ ስጋር ዕሉይ። ልብል ዐለ ልብሎ።

ዐደ ዶል ሸሬሕ ህዬ፡

ሁር ቱ ሚ ጌረማን እት መነድቅ ወድር እልበት እተ ቤተ ወከቶይ እት መሳቅል ዐደ እግል መኣኪት እት አፍ አግቡይ ሓድር ግርሰ ሽምበሬበት ረአሰ ክቡር ዋግር መን ቱ ምን ትብለከ ወድ ሰቦተ በለ ወዓምር፡

ልብል ዐለ።

ከእት ኖሱ ለዐቀብል ክምሰል አበረ ወርሑ ለሐሌ፤

ዑመር አዜ ኢኮን ዑመር በዲር ዔለ ከማከመ እግል ቀቢር ዑመር በርከ ደነ ሓዚ ነቢር ውላድ ረብዐት ኢኮን ፈቴሕ ወአሲር ሕጣጥ ዓግር ኢኮን ምልተሐ ፈቲር AR

ተብኔ ወቤለውኒ ወተብኔኮ

እምዬ ወአቡዬ ገደም ወበኔኮ

አዋልድ ምን ክል ግመን ወሀዴኮ።

እለ ናይ ደንጎበ ቤትመ ወድ ባሸቂር እት ደነግብ ምን ዕምሩ ብህለ ቱ ልትበሀል። ምናተ፡ እዲነ ሚ ዶል ትደይም ወተአነብር። ክል-ሰኔት ወሔሰት እግል ርሕከ ዲብ ትተምነየ ወትሐዝየ ሌጠ ክባባይ ትወዴከ።

[ዔማት(references): ሜራስ (ምን ዓዳት ገበይል ትግሬ ለትሐየበት ዝሕረት እብ ሙሳ አሮን ወ ደሳሌ በረኸት)].