Wp/tig/ባቡር ኤረትርየ

ገበይ ባቡር ኤርትርየ ምን ባጼዕ ትትበገስ ዲብ ህሌት ናይ ደንጎበ መሐጠተ አስክ ተሰነይ እግል ትብጸሕቱ ለዐለ። እሊ እግል ልግበእ ህዬ ምን አቅርደት እንዴ ሐልፈት ክሉ ለለትሐዜ ብናሃ አስክ ቢሻ 31 ኪሎሜተር ምን አቅርደት ባጽሐት ዐለት። ላኪን እትሊ ወክድ እሊ ካልኣይ ሐርብ እዲነ ሰበት ዐረ እበ ክሉ ወዲብ ኤርትርየ ለዐለ ሕክም ጢላን ሰበት ተፈለለ። ሐቆ ሕክም ጢላን ለገበይመ ተዐጠለት ወምን ቢሻ ገጽ ቀደም ይሐልፈት።

ምስል ብነ ናይ እለ ገበይ እለ ለገይስ ብዕድ ብንየት ትሕትየት ገበይ ባቡር እትለትፈናተ መዳይን ሽቁይ ዐለ። መስለን ዲብ አስመረ አግደ መክተብ ገበይ ባቡር። ክምሰልሁመ ለትፈናታ መካዝን።

ወርሽ ወመዐሸጊ ገዲባት ሽቁይቱ። አመበል እሊመ ዲብ ባጼዕ ለትፈናታ ገዲብ ሽቁይ ዐለ አመበልሁመ ዲብ ጊንደዕ። ወባጼዐ ለትፈነተ ጥውር መሐጣት ዐለ። ገበይ ባቡር ኤርትርየ እምብል ዲብ ህሌነ ምን መሰዋዕ እንዴ ትበገሰት እብ አስመረ እንዴ ወዴት ከረን ወምኑመ አስክ አቅርደት ክምሰል ትትከረኤ ርእያም ህሌነ። ምናተ እለ ገበይ እለ ምዶል አምበተት አስክ እለ ዳልያም ይህሌነ። ከገበይ ባቡር ኤርትርየ ምዶል ምን ምዶል እግል ትሸቄ አምበተት?

አይወ ገበይ ባቡር ኤርትርየ ዲብ ቀይም ሰነት 1887 እግል ትሸቄ አምበተት። ዲብ ወሬሕ ሰልአስ ሰነት 1888 ህዬ ለናይ ሰልፍ 25 ኪሎሜተር ተመ ከደሐረ ወክድመቱ አምበተ። እሊ ናይ ሰልፍ ሽቅል ብሩድ ላኪን አምበል አትካርም ልሸቄ ሐቆለ ጸንሐ። ዲብ ወሬሕ 12 ናይ ሰነት 1911 ገበይ ባቡር ኤርትርየ አስመረ አቴት። ወዲብ ስነት 1928 በህለት ሐቆ 17 ስነት ምን አስመረ እንዴ ትበገሰት ከረን ወሐቆሁ አቅርደት ትከሬት።

ዓም አምር እብ ክሱስ ገበይ ባቡር ኤርትርየ ጀላብ እግል ለሀሌ እግልነ ምን ባጼዕ አስክ አቅርደት ለህለ ሪም እብ ኪሎሜተራት እብ ክእነ ልሸረሕ።

1. ባጼዕ - አስመረ = 117 ኪሎሜተር ወ 600 ምትር
2 አስመረ - ከረን = 104 ኪሎሜተር ወ 130 ምትር
3. አስመረ - አቅርደት = 188 ኪሎሜተር ወ 800 ምትር
4. ባጼዕ - አቅርደት = 306 ኪሎሜተር ወ 400 ምትር ፍንጌ መሐጣት ለህለ ሪም እብ ኪሎሜተር ዶል እንረኤ ህዬ።- መሰዋዕ ማይ አጣል = 29 ኪሎሜተር ወ 247 ምትር ማይ አጣል ጊንደዕ = 40 ኪሎሜተር ወ 120 ምትር ጊንደዕ አስመረ = 48 ኪሎሜተር ወ 233 ምትር ፍንጌ ከረን ወ አቅርደት ለህለ መሓጣት ህዬ እሊ ለትሌቱ።- ከረን - ሁመድ = 26 ኪሎሜተር ወ 375 ምትር ሁመድ አቅርደት= 59 ኪሎምትር ወ 295 ምትር ገብእ።

እሊ ለፍንጌ ፍንጌ መሰዋዕ ወአቅርደት ለህለ መሐጣትቱ።

ገበይ ባቡር ኤርትርየ ዲብ ዘመን እስትዕማር ኢጣልየ ለአምበተት ወዲብ ታሪክ ገበይ ባቡር ዐድነ ዐቦት ተርኤ ለዐለት ምንማታ። እብ ሰበብ እስትዕማር አቶብየ ዲብ ተህጎጌ ጌሰት። ወዲብ ደንጎበ ህዬ ክሉ ረአስ በጥረት።