Wp/tig/መትሃጅካይ ጂፒቲ

መትሃጅካይ ጂፒቲ

መትሃጅካይ ጂፒቲ ለልትበሀል እብ ኖሱ እንዴ ፈከረ ለበልስ ሶፍትዌር ለመልክ ሸበከት ቱ። መትሃጅካይ ጂፒቲ ክም ናይ ወድ አዳም ለትመስል መቃበለት፡ ሰኣል ወበሊስ ለቀድም እት ገብእ፡ ክሉ ወድ አዳም እግል ልውደዩ ለቀድር መፋሀማት ለአገዴ። መትሃጅካይ ጂፒቲ ጅንስ ናይ በሰር ፈሀም(Artificial intelligence) እት ገብእ፡ ስወር፡ ሰኣል፡ በሊስ፡ ሐዲስ ፍክር ወብዕድ እግል ልልአክ ወእንዴ ትከበተ በሊስ ለሀይብ ቀድር።

ተርጀመትለ ከሊመት Chat መትሃጃክ እት ገብእ፡ GPT (Generative pre-trained Transformer) ባህለት ምን ቀዳሙ ለዳርስ መፍክር ባህለት ቱ። መትሃጅካይ ጂፒቲ ሰኣል ልትከበት ወበሊስ ኖሱ እንዴ ፈተሸ ለአዳሌ ወለሀይብ። መትሃጅካይ ጂፒቲ ክም ወድ አዳም ምንለ አዳለዮም ብዝሓም በሊስ እንዴ ሐረ፡ ለሔሰ በሊስ ቱ ለለሀይብ። ውላድ አዳም እት ወሳእል እጅትማዒ ለለሀዩቡ በሊስ እንዴ ፈተሸመ ናይ ደሪስ ወገበይ ብልሰቱ ናይ ጠወሮት መቅደረት ቡ።

መትሃጅካይ ጂፒቲ (Chat GPT) መትሃጅካይ ጂቲ ምን ሸቀዩ? ኦፐን ኤኣይ( Open AI ) ለትበሀል ሸሪከት ለእብ ሰበት ናይ በሰር ፈሀም ብሑስ ለትወዴ እት ሰነት 2022 እግል መትሃጅካይ ጂፒት ለጠለቀት ቱ። ኦፐን ኤኣይ እት ሰነት 2015 ቱ እብ ብዝሓም በሕሲን ወምህዘት ለአንበተት ወእስትንቡረት ለትከሬት እሉ። ገሌ ምን መአንበት እለ መአሰሰት ኢሎን ማስክ ወኣልትማን እግል ንስሜ እንቀድር። ብዕድመ ክም ከረ ማይክሮሶፍት ላተን ሸሪካት ምነ እግል ኦፐን ኤኣይ ለመወለየ ተን።

መትሃጅካይ ጂቲ እብ ከአፎ ሸቄ?

ቻት ጂፒቲ እብ ገበይ ምን ቀዳሙ ለዳርስ መፍከር ሓጀት እንዴ ወዴት በሊስ እግል ተሀብ ወትሕሰብ ለትጀርብ። ጂፒቲ- 3 ለልትበሀል መፍከራይ ህግየ ለትትነፈዕ ጂፒቲ፡ እሊ ጂፒቲ-3 ለልትበሀል መፍከራይ ህግየ፡ አወል ብዞሕ አፍካር፡ ረአይ ወበሊስ ለአክብ ወምኑ እንዴ ሐሬ እግል ዐሚል በሊስ ለሀይብ።

ቻት ጂፒቲ እብ ገበይ ሸበካት ሐብሬ እንዴ ወዴት ቁሪነ ለቡ ደርስ እብ ወዲ ሐብሬ ተአክብ። እሊ ለቻት ጂፒቲ 3 ለእንቤሉ ህዬ እግል ወግም ናይለ እግል ልትሀየቦ ለቀድሮ በሊስ ቀድም። እሊ ህዬ ክም ከሊመት፡ ተመት ሕስበት፡ ጦግ ልግበእ መእብ ክርን፡ ስወር ቪድዮ ወብዕድ እት ገብእ እግል ለኢትፈሀመዩ ህዬ ምን ጀዲድ እግል ልትሰአል ቀድር።

ቻት ጂፒት ምን ገበይ በሊስ መትነፈዐት ወሳእል እጅትማዒ ለትደርስ እት ገበእ ለገአ መትነፈዓይ እግል ለፈተዮም አራእ ቻት ጂፒቲ “ሰኒ” አው “እኩይ” እብ ብሂል እግል ልሳዕዱ ወናይ መስተቅበል ገበይ በሊስ ሀዪብ ናይ ቻት ጂፒቲ እግል አትሳናይ ሰዴ።

ቻት ጂፒቲ መትነፈዐት ሚ ለመስል አስእለት እግል ልትሰኦለ ቀድሮ?

መትነፈዐት ወዐማዊል እግል ቻት ጂፒቲ ቀላይል አው ክቡድ አስእለት ክም ከረ “ተርጀመት ሐያት ሚ ተ?” አው “ለገአት ደውለት ሚ ዶል ሕርየተ ረክበት?” እግል ልትሰአሎ ቀድሮ። ለገአ ሰኣል ቻት ጂፒቲ እግል ትትሰአል ማኔዕ አለቡ። ላኪን ቻት ጂፒቲ ለራፍዐቱ ህሌት ሐብሬ አስክ ሰነት 2021 ሌጠ ሰበት ገብአ፡ ግረ ሰነት 2021 እትለ ጀረ ሓጃት ዕልም አለበ ወእግል ትብለስ እትከ ኢትቀድር።

ቻት ጂፒቲ አንፋር እግል ሚ ልትነፈዖ እበ ህለው?

• ከሊመት ሰር እግል ረኪብ ወሀዪብ

• ሕላይ እግል አትሳናይ ወሸቂ

• ጀዋባት ኢመይል እግል አዳላይ

• ጭመም ደርስ፡ ብሕስ፡ ዓሙድ ጀሪደት ወብዕድ እግል አዳላይ

• ዓሙድ እግል ከቲብ ወአዳላይ

• አርእስ ክቱብ እግል አፍገሮት

• መስአላት ሕሳብ እግል ሸቂ

• ሸቂ ትልህያታት(ጌምስ)

• ሓዚ ሽቅል

• አዳላይ ጀዋባት ሽቅል

• ለኢተአምረ ሰኣል በሊስ እግል ረኪብ

• ክቡዳም ወብዞሕ ለጽበጦም አስእለት እግል አትሓጫር ወወደሖት

ንቁሳት ቻት ጂፒቲ

1. እብ ተማመት እግል ክሉ ህግየ ወሰኣላት ውላድ አዳም እግል ትፍሀም ኢትቀድር። ሰበቡ ቻት ጂፒቲ ወለ አልፍ ዶል እግል ትፈክር ትቅደርመ ለኢኮን፡ እግለ እት ትትሸቄ ለተሀየበየ ሐብሬ ምኑ እንዴ ትበገሰ ቱ በሊስ ለተሀይብ። እብ ክም እሊ ሰበብ ህዬ ዶል ዶል ለተሀይቡ በሊስ እግል ልትአከር ወክመ ተሐዝዩ እግል ልግባእ ኢቀድር።

2. ምን 2021 ወሐር ለህለ ወለጀረ ሓጃት እብ ሰበቱ ወለ ሐቴ ሐብሬ አለበ ወእግል ትብለስ ኢትቀድር።

3. ዶል ዶል ለተሀይቦም በሊስ ኢጠቢዒ ወናይ ማሽን እግል ልምሰል ቀድር።

4. ጭመም እተ ተአፍግር እቱ ወቅት፡ ጭመም ተአፍግር እምበል ዔማት ሐብሬ ኢትሰሜ።

5. ብዕድ ቻት ጂፒቲ ኒገር ወህግየ ፍንቱይ ኢትፍህም።

6. እት ሑድ አው ካልጥ ክፋል ሰኣልከ እብ መትኣያስ ለኢለአትሐዜ በሊስ እግል ተሀበከ ትቀድር።

ረአይ ዕለማእ እብ ሰበት ቻት ጊፒቲ

 አንፋር እግል ለልትሀየቦም ወረቅ ብሕስ እበ እንዴ ትነፈዕው እግል ኢልሽቀዉ ወእተ ክምሰልሁመ ደረሰ ሽቅል ቤቶም ፡ፈስሎም ወብዕድ እበ እግል ኢልሽቀዉ ልትፈረህ።

 ብዞሕ ሽቅል መካትብ ወብዕድ እበ እግል ልትሸቄ ሰበት ቀድር፡ ወላድ አዳም ሽቅል እግል ኢልሰአኖ።

 ከለጥ ሐብሬ ሐቆ ተሀየበት ከለጥ በሊስ ስበት ተሀይብ ኢራትዕ ሓጃት እግል ኢተአትናይት።

 ምስጢር አዳም ከደን እግል ኢተአፍግር ትትፈረህ።