Wp/tdd/ᥞᥨᥝᥴ ᥚᥐᥴ ᥔᥨᥒᥴ
ᥝᥨᥒ ᥘᥭᥳ，ᥕᥧᥱ ᥘᥬᥰ ᥝᥣᥒᥰ ᥛᥤᥰ ᥑᥣᥝᥱ ᥐᥨᥢᥰ ᥛᥫᥒᥰ ᥖᥫᥒᥰ ᥓᥨᥒ ᥐᥨᥝᥲ ᥕᥧᥱ ᥛᥣᥰ ᥘ ᥣᥭ ᥲᥔᥤ ᥕᥣᥱ ᥘᥢᥳ ᥐᥨᥝᥳ ᥘᥫᥒ ᥖᥣᥢᥲ ᥝᥣ：“ᥞᥨᥝᥴ ᥚᥐᥴ ᥔᥨᥒᥴ（ᥚᥐᥴ ᥛᥨᥝᥱ ᥘᥨᥒᥴ，ᥟᥤᥒᥰ ᥐᥣ ᥘᥥᥖ: Onion） ᥚᥣᥱ ᥞᥦᥴ，ᥘᥨᥛ ᥟᥣᥭ ᥚᥥᥖᥱᥛᥢᥰ ᥘᥣᥭᥴ 10 ᥙᥩᥐ，ᥟᥣᥭ ᥚᥥᥖᥱ ᥘᥬᥰ ᥞᥨᥝᥴ ᥚᥐᥴ ᥔᥨᥒᥴ ᥘᥢᥳ ᥓᥣᥒ ᥟᥝ ᥘᥭᥲ ᥛᥦᥒᥰ ᥑᥭᥲ ᥖᥣᥭ，ᥞᥥᥳ ᥜᥣᥒᥳ ᥘᥭᥲ ᥖᥣᥒᥰ ᥙᥥᥢ ᥙᥩᥖᥱ ᥓᥥᥙᥱ ᥛᥥᥝᥰ ᥛᥬᥱ ᥘᥢᥳ ᥡᥩᥢᥳ ᥚᥥᥴ ᥐᥣᥱ ᥐᥧ ᥞᥧᥰ。"
ᥔᥣᥱ ᥘᥣᥱ ᥓᥩᥢ ᥓᥣ ᥝᥣ : ᥟᥣᥭ ᥚᥥᥖᥱ ᥘᥬᥰ ᥞᥨᥝᥴ ᥚᥐᥴ ᥔᥨᥒᥴ ᥘᥢᥳ ᥙᥥᥢ ᥘᥤᥝᥲ ᥑᥩᥱ ᥙᥤᥢᥰ ᥔᥤ ᥓᥫᥰ ᥘᥭ ᥳᥙᥨᥝᥱ ᥙᥥᥢ ᥛᥣᥰ。ᥓᥣᥛᥰ ᥞᥥᥖᥱ ᥔᥪᥲ ᥕᥦᥢᥱ ᥞᥦᥴ ᥘᥭᥲ ᥞᥧᥳ，ᥘᥤᥝᥲ ᥑᥩᥱ ᥙᥤᥢᥰ ᥔᥤ ᥟᥝ ᥘᥭᥲ ᥛᥦᥒᥰ ᥑᥭᥲ ᥖᥣᥭ ᥑᥩᥒ，ᥐᥩᥭᥰ ᥝᥣ ᥖᥣᥒᥰ ᥙᥥᥢ ᥙᥩᥖᥱ ᥓᥥᥙᥱ ᥛᥥᥝᥰ ᥛᥬᥱ ᥙᥩᥐ ᥘᥭᥳ ᥙᥥᥢ ᥛᥦᥰ ᥑᥭᥲ ᥙᥤᥢᥱ ᥖᥧᥲ ᥞᥥᥖᥱ ᥙᥥᥢ ᥛᥣᥰ。ᥔᥒᥴ ᥝᥣ ᥖᥤᥴ ᥟᥝ ᥛᥦᥒᥰ ᥑᥭ ᥲᥖᥣᥭ，ᥟᥣᥭ ᥚᥥᥖᥱ ᥘᥬᥰ ᥞᥨᥝᥴ ᥚᥐᥴ ᥔᥨᥒᥴ ᥘᥢᥳ ᥘᥨᥝᥱ ᥛᥤᥰ ᥘᥛᥴ ᥑᥩᥒ，ᥟᥥᥐᥱ ᥔᥧᥲ ᥘᥨᥝᥱ ᥖᥒᥰ ᥛᥦᥒᥰ ᥑᥭᥲ ᥐᥣᥱ ᥕᥣᥰ ᥐᥢ ᥞᥦᥴ ᥓᥒᥱ ᥘᥭᥲ，ᥛᥴ ᥓᥬ ᥝᥣ ᥘᥨᥛ ᥟᥣᥭ ᥚᥥᥖᥱ ᥞᥨᥝᥴ ᥚᥐᥴ ᥔᥨᥒᥴ ᥞᥦᥴ ᥘᥣᥭᥴ ᥙᥩᥐ ᥓᥝᥱ ᥘᥭᥲ ᥞᥝᥳ。