Wp/tdd/ᥛᥣᥱ ᥓᥧᥱ ᥘᥤᥱ
ᥓᥨᥝᥱ ᥛᥣᥱ ᥓᥧᥱ ᥘᥤᥱ ᥘᥭᥳ ᥘᥬᥰ ᥒᥣ ᥓᥨᥝᥱ ᥙᥦᥖᥱ ᥞᥨᥭᥱ ᥟᥢ ᥙᥢᥱ ᥞᥩᥙ ᥞᥨᥭᥱ ᥘᥦᥖᥱ ᥕᥧᥱ ᥘᥢᥳ, ᥙᥥᥢ ᥓᥨᥝ ᥟᥢ ᥟᥦᥢᥴ ᥔᥤᥴ ᥙᥫᥢ ᥘᥦᥲ ᥟᥢ ᥓᥛ ᥞᥨᥭᥱ ᥘᥦᥖᥱ ᥔᥤᥴ ᥙᥫᥢ ᥕᥝᥳ. ᥖᥣᥒᥰ ᥕᥬᥱ ᥛᥢᥰ ᥘᥢᥳ ᥖᥤᥴ ᥕᥬᥱ ᥔᥤᥴ ᥞᥨᥭᥱ ᥘᥫᥢ ᥟᥤᥖᥴ ᥘᥪᥒ ᥐᥩᥭᥰ. ᥖᥣᥒᥰ ᥐᥭ ᥘᥦᥖᥱ ᥘᥦᥲ ᥛᥢᥰ ᥛᥤᥰ ᥝᥭᥳ 0.387 AU ᥟᥛᥱ ᥘᥢᥴ 57909050 ᥑᥤᥱ ᥘᥨᥝᥱ ᥛᥤᥱ ᥖᥣᥱ (35983015 ᥘᥐᥴ) ᥕᥝᥳ. ᥐᥩᥙ ᥙᥫᥝ ᥛᥢᥰ ᥕᥧᥱ ᥓᥛ ᥘᥦᥖᥱ ᥞᥦᥒᥰ ᥘᥦᥲ ᥖᥣᥒᥰ ᥛᥭᥲ ᥛᥢᥰ ᥐᥩᥲ ᥘᥛᥴ ᥞᥦᥒᥰ ᥖᥥᥳ. ᥔᥤᥒᥱ ᥐᥣᥒ ᥝᥢᥰ ᥘᥢᥳ ᥛᥭᥲ ᥗᥪᥒᥴ ᥖᥤ 427 ᥖᥤᥱ ᥐᥣᥱ ᥘᥤᥳ ᥔᥦᥰ ᥔᥤᥰ ᥕᥦᥖ ᥘᥦᥲ ᥐᥣᥒ ᥑᥪᥢᥰ ᥔᥛᥳ ᥐᥖᥴ ᥘᥣᥒᥳ ᥗᥪᥒᥴ ᥙᥨᥝᥰ ᥛᥤᥰ -173 ᥖᥤᥱ ᥐᥣᥱ ᥘᥤᥳ ᥔᥦᥰ ᥔᥤᥰ ᥕᥦᥖ ᥕᥝᥳ.
ᥐᥩᥙ ᥙᥫ ᥓᥨᥝᥱ ᥛᥣᥱ ᥓᥧᥱ ᥘᥤᥱ ᥘᥭᥳ, ᥛᥤᥰ ᥘᥥᥐᥴ ᥘᥛᥴ ᥞᥦᥒᥰ ᥘᥦᥲ ᥖᥣᥒᥰ ᥘᥐᥴ ᥛᥢᥰ ᥐᥩᥲ ᥘᥐᥴ ᥔᥤᥴ ᥙᥫᥢ ᥕᥝᥳ. ᥐᥩᥭᥰ ᥝᥣ ᥞᥦᥒᥰ ᥓᥢ ᥛᥢᥰ ᥘᥢᥳ ᥛᥤᥰ 37% ᥞᥦᥒᥰ ᥓᥢᥴ ᥓᥨᥝᥱ ᥐᥛᥱ ᥚᥣᥱ ᥞᥝᥰ ᥐᥩᥭᥰ. ᥙᥩᥒᥱ ᥝᥣ ᥑᥨᥝᥰ ᥑᥩᥒᥴ ᥟᥢ ᥘᥪᥒ, ᥟᥢ ᥛᥤᥰ 100 kg ᥖᥤ ᥘᥫᥴ ᥐᥛᥱ ᥚᥣᥱ ᥘᥢᥱ, ᥛᥢᥰ ᥖᥥᥴ ᥛᥤᥰ 37 kg ᥘᥫᥴ ᥓᥨᥝᥱ ᥛᥣᥱ ᥓᥨᥱ ᥘᥤᥱ ᥐᥩᥭᥰ.
ᥐᥩᥙ ᥙᥫᥱ ᥛᥢᥰ ᥙᥥᥢ ᥓᥨᥝᥱ ᥟᥢ ᥓᥛ ᥘᥦᥖᥱ ᥔᥤᥴ ᥙᥫᥘ ᥘᥦᥲ ᥑᥣᥝᥰ ᥖᥣᥒᥰ ᥖᥣᥱ ᥛᥢᥰ ᥖᥥᥴ ᥙᥢᥱ ᥞᥩᥙ ᥘᥦᥖᥱ ᥘᥪᥒ ᥙᥩᥐ ᥐᥩᥲ ᥙᥩᥖ ᥔᥤ ᥙᥫᥢ ᥘᥦᥲ ᥚᥬᥰ ᥔᥤ ᥙᥫᥢ ᥕᥝᥳ. ᥛᥢᥰ ᥘᥭᥲ ᥟᥝ ᥑᥣᥝᥰ ᥕᥣᥛᥰ 88 ᥝᥢᥰ ᥐᥩᥭᥰ ᥖᥣᥱ ᥖᥥᥴ ᥙᥢᥱ ᥟᥩᥙ ᥘᥦᥖᥱ ᥘᥪᥒ ᥙᥩᥐ ᥘᥢᥳ.