Wp/tdd/ᥛᥣᥐᥱ ᥑᥫᥴ

ᥛᥣᥐᥱ ᥑᥫᥴ ᥟᥢ ᥝᥣ ᥘᥢᥳ ᥛᥤᥰ ᥘᥣᥭᥴ ᥛᥥᥝᥰ ᥘᥒᥱ ᥐᥝᥱ.

ᥚᥐᥴ ᥓᥫᥰ ᥟᥝ ᥛᥣᥐᥱ ᥑᥫᥴ ᥔᥥᥴ ᥞᥥᥖᥱ ᥘᥭᥲ[edit | edit source]

ᥛᥣᥐᥱ ᥑᥫᥴ ᥘᥭᥳ ᥞᥥᥖᥱ ᥚᥐᥴ ᥘᥭᥲ ᥘᥣᥭᥴ ᥛᥥᥝᥰ ᥛᥫᥢᥴ ᥘᥒᥱ

ᥘᥣᥭᥰ ᥞᥥᥖᥱ ᥛᥣᥐᥱ ᥑᥫᥴ ᥟᥧᥙ ᥘᥦᥲ ᥛᥤᥱ ᥐᥤᥰ[edit | edit source]

1 ᥘᥫᥐ ᥑᥣᥴ ᥟᥝ ᥛᥣᥐᥱ ᥑᥫᥴ ᥟᥢ ᥘᥧᥛᥱ ᥘᥧᥛᥱ ᥔᥧᥐ ᥘᥣᥒᥳ ᥘᥛᥳ ᥞᥬᥲ ᥐᥥᥒᥲ ᥔᥬᥴ ᥕᥝᥳ ᥟᥝ ᥛᥤᥖ ᥚᥣᥱ ᥞᥬᥲ ᥙᥥᥢ ᥔᥤᥐ ᥘᥛᥴ ᥟᥥᥱ ᥟᥝ ᥐᥛᥳ ᥓᥬ ။ 2 ᥔᥒᥴ ᥝᥣ ᥛᥤᥰ ᥖᥦᥒ ᥓᥤᥒᥴ ᥟᥛᥱ ᥘᥢᥴ ᥗᥨᥝᥱ ᥚᥐᥴ ᥕᥣᥝᥰ ᥟᥝ ᥔᥧᥐ ᥘᥣᥒᥳ ᥘᥛᥳ ᥞᥬᥲ ᥐᥥᥒᥲ ᥔᥬᥴ ᥕᥝᥳ ᥔᥬᥱ ᥓᥩᥛᥰᥥᥴ ᥐᥣᥲ ᥘᥭᥲ ᥔᥒᥴ ᥝᥣ ᥐᥥᥐ ᥙᥨᥝᥰ ᥟᥛᥱ ᥓᥧᥴᥤᥐᥲ ᥟᥛᥱ ᥔᥬᥱᥥᥴ ᥐᥣᥲ ᥘᥭᥲ ᥕᥧᥱ။ 3 ᥚᥐᥴ ᥛᥤᥱ ᥞᥨᥝᥴ ᥘᥦᥒ ᥚᥐᥴ ᥛᥨᥝᥱ ᥚᥣᥱ ᥞᥥᥖᥱ ᥐᥤᥙᥱ ᥘᥦᥲ ᥚᥐᥴ ᥛᥤᥱ ᥞᥨᥝᥴ ᥜᥫᥐᥱ (ᥚᥐᥴ ᥘᥨᥝᥴ) ᥞᥬᥲ ᥐᥪᥒᥱ ᥖᥣᥢᥱ။ 4 ᥘᥛᥳ ᥛᥢᥰ ᥔᥬᥱ ᥞᥬᥲ ᥐᥪᥒᥱ ᥖᥣᥢᥱ 5 ᥐᥫ ᥓᥥᥛᥰ ᥔᥬᥱ ᥞᥬᥲ ᥐᥪᥒᥱ ᥖᥣᥢᥱ 6 ᥚᥩᥒᥴ ᥝᥣᥢᥴ ᥔᥬᥱ ᥞᥬᥲ ᥐᥪᥒᥱ ᥖᥣᥢᥱ 7 ᥗᥨᥝᥱ ᥘᥝ ᥔᥬᥱ ᥞᥬᥲ ᥐᥪᥒᥱ ᥖᥣᥢᥱ 8 ᥑᥤᥒᥴ ᥘᥦᥲ ᥛᥣᥐᥱ ᥚᥥᥖᥴ 9 ᥚᥩᥒᥴ ᥛᥤᥢᥳ 10 ᥛᥣᥐᥱ ᥑᥫᥴ ᥔᥨᥛᥲ ᥙᥩᥰ ᥕᥝᥳ ᥛᥨᥖᥴ ᥕᥝᥳ ᥐᥩᥲ ᥐᥣᥲᥱ ᥟᥝ ᥛᥣᥲ ᥛᥣᥐᥱ ᥑᥫᥴ ᥞᥝᥰ ᥘᥢᥳ ᥖᥒᥲ ᥝᥭᥳ ᥘᥫᥴ ᥐᥥᥒᥰ ᥔᥥᥴ ᥔᥬᥱ ᥜᥭᥰ ᥙᥢ ᥙᥣᥢ ᥐᥣᥒ ᥘᥭᥴ ᥑᥣᥲ ᥕᥝᥳ။ ᥘᥬᥰ ᥛᥣᥐᥱ ᥑᥫᥴ ᥟᥧᥙ ᥞᥝᥰ ᥘᥢᥳ ᥙᥨᥝᥰ ᥝᥣ ᥞᥝᥰ ᥟᥛᥱ ᥘᥭᥲ ᥔᥬᥱ ᥛᥣᥐᥱ ᥚᥥᥖᥱ ᥝᥭᥳ ᥘᥭᥴ ᥓᥪᥒ ᥑᥬᥲ ᥞᥥᥖᥱ ᥘᥛᥳ ᥚᥤᥖ ᥔᥥᥴ ᥐᥙᥴ ᥐᥤᥢ ᥟᥝ ᥐᥩᥲ ᥘᥭᥲ ᥑᥣᥲ ᥟᥩᥲ။ ᥘᥣᥭᥰ ᥞᥥᥖᥱ ᥘᥛᥳ ᥚᥤᥖᥳ ᥛᥢᥰ ᥓᥛᥳ။ 1 ᥚᥐᥴ ᥛᥤᥱ ᥞᥨᥝᥴ (ᥚᥐᥴ ᥛᥤᥱ ᥞᥨᥝᥴ ᥚᥫᥐᥱ ᥚᥐᥴ ᥘᥨᥝᥴ) ᥐᥪᥒᥱ ᥖᥣᥢᥱ 2 ᥗᥨᥝᥱ ᥢᥝᥲ ᥐᥪᥒᥱ ᥖᥣᥢᥱ 3 ᥐᥫ ᥘᥦᥲ ᥚᥩᥒᥴ ᥝᥣᥢᥴ ᥐᥪᥒᥱ ᥖᥣᥢᥱ ᥟᥝ ᥔᥬᥱ ᥘᥬᥰ ᥑᥨᥐ ᥔᥥᥴ ᥖᥛ ᥘᥭᥴ ᥑᥣᥲ ᥟᥩᥲ.

ᥘᥣᥭᥰ ᥞᥥᥖᥱ ᥛᥣᥐᥱ ᥑᥫᥴ ᥟᥩᥒᥱ[edit | edit source]

1 ᥑᥣᥴ ᥟᥝ ᥛᥣᥐᥱ ᥑᥫᥴ ᥟᥢ ᥘᥧᥛᥱ ᥢᥘᥧᥛᥱ ᥙᥥᥢ ᥛᥣᥐᥱ ᥑᥫᥴ ᥛᥥᥝᥰ ᥘᥬ ᥐᥩᥲ ᥐᥣ ᥘᥭᥲ ᥘᥣᥒᥳ ᥘᥛᥳ ᥞᥬᥲ ᥐᥥᥒᥲ ᥔᥬᥴ ᥕᥝᥳ ᥔᥩᥭᥰ ᥞᥥᥖᥱ ᥙᥩᥖᥴ ᥞᥪᥴ ᥔᥩᥭᥰ ᥞᥥᥖᥱ ᥑᥦᥙᥱ ᥐᥣ ᥘᥭᥲ ᥘᥛᥴ ᥟᥥᥱ ᥟᥝ ᥐᥛᥳ ᥓᥬ ᥝᥣ။ 2 ᥟᥝ ᥛᥣᥰ ᥔᥬᥱ ᥘᥛᥳ ᥟᥢ ᥐᥥᥒᥲ ᥔᥬᥴ ᥔᥥᥴ ᥖᥒᥲ ᥝᥭᥳ ᥘᥫᥴ ᥐᥥᥒᥰ ᥜᥭᥰ 3 ᥟᥝ ᥛᥣᥐᥱ ᥑᥫᥴ ᥟᥢ ᥔᥩᥭᥰ ᥝᥭᥳ ᥘᥢᥳ ᥔᥬᥱ ᥘᥬᥰ ᥛᥨᥝᥲ 4 ᥔᥬᥱ ᥛᥣᥐᥱ ᥑᥫᥴ ᥔᥨᥛᥲ 5 ᥔᥬᥱ ᥗᥨᥝᥱ ᥘᥝ 6 ᥔᥬᥱ ᥘᥛᥳ ᥛᥢᥰ ᥘᥤᥙᥴ 7 ᥔᥬᥱ ᥐᥫ ᥘᥦᥲ ᥚᥩᥒᥴ ᥝᥣᥢᥴ ᥞᥬᥲ ᥐᥪᥒᥱ ᥖᥣᥢᥱ 8 ᥔᥬᥱ ᥛᥣᥐᥱ ᥞᥦᥒᥲ ᥑᥨᥛᥴ 9 ᥔᥬᥱ ᥑᥤᥒᥴ ᥚᥐ ᥠᥣᥰ ᥠᥣᥰ။ ᥟᥝ ᥖᥒᥲ ᥝᥭᥳ ᥘᥫᥴ ᥜᥭᥰ ᥙᥣᥢ ᥐᥣᥒ ᥔᥥᥴ ᥘᥒ ᥙᥬᥳ ᥔᥨᥢᥰ ᥙᥢ ᥜᥭᥰ ᥖᥣᥳ.

ᥘᥣᥭᥰ ᥞᥥᥖᥱ ᥛᥣᥐᥱ ᥑᥫᥴ ᥑᥨᥝᥲ[edit | edit source]

1 ᥞᥣᥴ ᥟᥝ ᥛᥣᥐᥱ ᥑᥫᥴ ᥟᥢ ᥘᥧᥛᥱ ᥘᥧᥛᥱ ᥘᥣᥒᥳ ᥢᥛᥴ ᥞᥬᥲ ᥐᥥᥒᥲ ᥔᥬᥴ ᥔᥥᥴ ᥔᥩᥭᥰ ᥕᥩᥭ ᥕᥩᥭ ᥘᥛᥴ ᥟᥥᥱ ᥟᥝ ᥐᥛᥳ ᥓᥬ ᥝᥣ။ 2 ᥟᥝ ᥛᥨᥝᥲ ᥖᥒᥲ ᥝᥭᥳ ᥘᥫᥴ ᥐᥥᥒᥰ ᥔᥬᥱ ᥘᥛᥳ ᥛᥢᥰ ᥞᥬᥲ ᥐᥪᥒᥱ ᥖᥣᥢᥱ 3 ᥟᥝ ᥛᥣᥐᥱ ᥑᥫᥴ ᥟᥢ ᥔᥩᥭᥰ ᥝᥭᥳ ᥘᥢᥳ ᥔᥬᥱ 4 ᥔᥬᥱ ᥛᥣᥐᥱ ᥑᥫᥴ ᥔᥨᥛᥲ 5 ᥔᥬᥱ ᥐᥫ ᥘᥦᥲ ᥚᥩᥒᥴ ᥝᥣᥢᥴ ᥞᥬᥲ ᥐᥪᥒᥱ ᥖᥣᥢᥱ 6 ᥔᥬᥱ ᥗᥨᥝᥱ ᥘᥝ 7 ᥔᥬᥱ ᥚᥩᥒᥴ ᥛᥤᥢᥳ ᥕᥝᥳ ᥘᥒ ᥙᥬᥳ ᥔᥨᥢᥰ ᥜᥭᥰ ᥙᥢ ᥓᥤᥛᥰ ᥖᥨᥭᥰ ᥖᥤ ᥔᥒᥴ ᥓᥣᥒ ᥐᥩᥲ ᥗᥦᥒᥲ ᥙᥢ ᥘᥭᥲ ᥕᥧᥱ ᥑᥣᥲ.

ᥘᥣᥭᥰ ᥞᥥᥖᥱ ᥛᥣᥐᥱ ᥑᥫᥴ ᥔᥣᥲ[edit | edit source]

1 ᥞᥣᥴ ᥟᥝ ᥛᥣᥐᥱ ᥑᥫᥴ ᥟᥢ ᥐᥥᥱ ᥟᥢ ᥘᥫᥒᥴ ᥝᥭᥳ ᥘᥢᥳ ᥘᥣᥒᥳ ᥢᥛᥳ ᥞᥬᥲ ᥐᥥᥒᥲ ᥔᥬᥴ ᥔᥥᥴ ᥔᥩᥭᥰ ᥠᥩᥰ ᥠᥩᥰ ᥚᥐ ᥕᥩᥭ ᥕᥩᥭ ᥕᥝᥳ ᥟᥝ ᥔᥬᥱ ᥘᥬᥰ ᥝᥣᥢᥱ ᥕᥬᥱ ᥟᥝ ᥐᥫ ᥔᥬᥱ ᥓᥩᥛᥰ ᥔᥥᥴ ᥘᥨᥖ ᥙᥦᥖ ᥘᥛᥳ ᥑᥢᥰ ᥛᥢᥰ ᥕᥝᥳ ᥑᥪᥢᥰ ᥘᥣᥒᥳ ᥘᥛᥳ ᥙᥦᥖ ᥕᥝᥳ ᥑᥪᥢᥰ ᥟᥝ ᥔᥬᥱ ᥘᥬᥰ ᥝᥣᥢᥱ ᥟᥢ ᥐᥥᥒᥲ ᥔᥬᥴ။ 2 ᥔᥩᥭᥰ ᥚᥐᥴ ᥛᥤᥱ ᥞᥨᥝᥴ ᥘᥦᥒ ᥚᥐᥴ ᥛᥨᥝᥱ ᥔᥬᥱ ᥞᥬᥲ ᥐᥪᥒᥱ ᥖᥣᥢᥱ 3 ᥔᥬᥱ ᥐᥫ ᥘᥦᥲ ᥚᥩᥒᥴ ᥝᥣᥢᥴ ᥞᥬᥲ ᥐᥪᥒᥱ ᥖᥣᥢᥱ 4 ᥔᥬᥱ ᥚᥐᥴ ᥐᥤᥰ ᥑᥥᥱ ᥞᥪᥴ ᥚᥐᥴ ᥐᥤᥰ ᥛᥫᥒᥰ ᥐᥩᥐᥱ 5 ᥔᥬᥱ ᥛᥣᥐᥱ ᥚᥥᥖᥱ ᥟᥖ ᥐᥛᥳ ᥓᥬ ᥐᥥᥐ။ ᥙᥩᥰ ᥕᥝᥳ ᥐᥩᥲ ᥑᥨᥢᥰ ᥞᥬᥲ ᥑᥝᥲ ᥐᥢ ᥟᥤ ᥔᥒᥴ ᥓᥣᥒ ᥐᥩᥲ ᥗᥦᥢᥲ ᥟᥝ ᥘᥭᥲ ᥕᥧᥱ ᥑᥣᥲ.

ᥘᥣᥭᥰ ᥞᥥᥖᥱ ᥛᥣᥐᥱ ᥑᥫᥴ ᥛᥪᥖ[edit | edit source]

1 ᥞᥣᥴ ᥟᥝ ᥛᥣᥐᥱ ᥑᥫᥴ ᥟᥢ ᥘᥧᥛᥱ ᥘᥧᥛᥱ ᥘᥢᥳ ᥔᥥᥴ ᥟᥝ ᥛᥨᥐᥴ ᥜᥭᥰ ᥓᥤᥱ ᥜᥭᥰ ᥞᥣᥒᥰ ᥜᥭᥰ ᥞᥬᥲ ᥔᥧᥐᥴ။ 2 ᥙᥩᥰ ᥛᥣᥐᥱ ᥑᥫᥴ ᥘᥢᥳ ᥔᥧᥐ ᥕᥝᥳ ᥔᥥᥴ ᥐᥩᥲ ᥟᥝ ᥔᥬᥱ ᥘᥬᥰ ᥑᥨᥐ 3 ᥔᥬᥱ ᥐᥫ ᥘᥦᥲ ᥚᥩᥒᥴ ᥝᥣᥢᥴ ᥞᥬᥲ ᥐᥪᥒᥱ ᥖᥣᥢᥱ 4 ᥔᥬᥱ ᥗᥨᥝᥱ ᥘᥝ 5 ᥔᥬᥱ ᥚᥐᥴ ᥐᥤᥰ ᥑᥥᥱ ᥞᥪᥴ ᥚᥐᥴ ᥐᥤᥰ ᥛᥫᥒᥰ ᥐᥩᥐᥱ 6 ᥔᥬᥱ ᥛᥣᥐᥱ ᥚᥥᥖᥱ 7 ᥔᥬᥱ ᥘᥨᥝᥱ ᥞᥥᥝᥱ ᥙᥩᥰ ᥕᥝᥳ ᥐᥩᥲ ᥖᥛ ᥞᥬᥲ ᥑᥝᥲ ᥐᥢ ᥓᥤᥛᥰ ᥖᥨᥭᥰ ᥖᥤ ᥔᥒᥴ ᥓᥣᥒ ᥐᥩᥲ ᥗᥦᥒᥲ ᥟᥝ ᥑᥣᥲ ᥘᥦᥰ.

Purple eggplants showing typical aubergine color
Brinjal plant from India: The green fruits turn yellow when ripe.
Japanese eggplant flower
Japanese eggplant
Eggplant flower
Leaf structure of that variety
Eggplant flower white
Plant with long fruits
Long, slender purple eggplant variety
Flowers of the Thai eggplant
Fruit of the Thai eggplant: The white residue on the leaves is common.
Thai eggplants are calledmakhuea pro in Thailand
Matured yellow eggplant in Malaysia
Berenjenas de Almagro: Seasoned and pickled Almagro eggplant from Spain
A display of different varieties of eggplants, showing eggplant diversity in forms and colors (purple, green, red, white and yellow)
Variegated purple eggplant sold in Australia